Акция протеста в Тбилиси

Tbilisi yenidən qarışdı: Baş nazirə butulka atıldı - VİDEO

89
(Yenilənib 12:01 01.06.2018)
İnsident nəticəsində öldürülən şəxslərdən birinin atası bəyan edib ki, baş nazir əraziyə "onu növbəti dəfə aldatmaq üçün gəlib"

BAKI, 1 iyun — Sputnik. Gürcüstan paytaxtı Tbilisidə hökumətə qarşı etiraz aksiyası keçirilib. Sputnik Gürcüstan xəbər verir ki, parlamentin binası qarşısında keçirilən aksiyada 2000 nəfərdən çox adam iştirak edib.

Məlumata əsasən, etirazçılar əvvəlcə baş prokurorun, eləcə də cinayətin ört-basdır edilməsində şübhəli bilinən prokurorların istefasını, daha sonra baş nazir Georgi Kvirikaşvilin istefasını tələb ediblər.

Gürcüstanın baş naziri şəxsən aksiya iştirakçıları ilə görüşüb. Lakin nümayişçilər onu fitə basıb və plastik butulka atıblar. Onlar "Get" şüarı səsləndiriblər.

Qeyd edək ki, 2017-ci il dekabrın 1-də Tbilisinin Xorava küçəsində 51 nömrəli məktəbin iki şagirdi aldıqları bıçaq yaralarından dünyalarını dəyişiblər. Ötən gün məhkəmə şagirdləri qətlə yetirən iki nəfərdən birini azadlığa buraxıb, digərinin cinayət işində maddələri dəyişərək ona yüngül cəza verib. Bundan sonra isə aksiyalar başlayıb.

İnsident nəticəsində öldürülən şəxslərdən birinin atası Zaza Saralidze bəyan edib ki, baş nazir əraziyə ona başsağlığı vermək üçün deyil, "növbəti dəfə aldatmaq üçün gəlib".

Bundan sonra Gürcüstan baş naziri xüsusi bəyanatla çıxış edərək ölkədəki gərginliyin azaldılması üçün hökumətin görəcəyi planları açıqlayıb: "Sabah səhər saatlarından Daxili İşlər Nazirliyi işi yenidən araşdırmaq üçün prokurorluqdan geri qaytaracaq və baş nazirin müavini Georgi Qaxariya özü istintaq aparacaq. O, bu prosesə rəhbərlik edəcək və mən bütün prosesə nəzarət edəcəyəm".

89
Teqlər:
etiraz aksiyası, Tbilisi, baş nazir, istefa
Koronavirus modeli, arxiv şəkli

İyirmi milyonadək insanın həyatnı təhdid edən "əjdaha"nın sonuna az qaldı

10
(Yenilənib 14:41 06.08.2020)
Kanzas Universitetinin mütəxəssisləri koronavirusa qarşı terapevtik vasitəni sınaqdan keçiriblər və SARS-CoV-2 virusunun inkişafında 3CLpro proteazının əsas ferment olduğunu aşkar ediblər.

BAKI, 6 avqust — Sputnik. Alimlər "SARS-CoV-2" virusunun "zəif yerini" aşkar ediblər. Sputnik Azərbaycan xəbər verir ki, bu barədə "Science Daily" portalında dərc edilmiş məlumatda deyilir.

Kanzas Universitetinin mütəxəssisləri koronavirusa qarşı terapevtik vasitəni sınaqdan keçiriblər və SARS-CoV-2 virusunun inkişafında 3CLpro proteazının əsas ferment olduğunu aşkar ediblər.

Bu proteazın inhibitorlarından laboratoriya siçanları üzərində istifadə zamanı virusun replikasiyasının dayandığı ortaya çıxıb.

Tədqiqatçıların sözlərinə görə, virusun bu "zəif yeri"nə belə bir təsir yalnız MERS virusunun deyil, həm də MERS-CoV və SARS-CoV-2 koronavi̇rusunun qarşısını almağa imkan verir. Mütəxəssislər növbəti addım kimi dərman vasitəsinin insanlarda effektivliyini yoxlamağın zərurətini vurğulayırlar.

Dünyada koronavirusa yoluxanların sayı 18 812 355-ə çatıb. Bu barədə Sputnik Azərbaycan Cons Hopkins Universitetinin saytına istinadən xəbər verir.

10
Yerevanda epdimioloji vəziyyət

Ermənistanda koronavirusa yoluxanların sayı 40 minə yaxınlaşır

1
(Yenilənib 13:29 06.08.2020)
Gürcüstanda isə daha 9 nəfərdə koronavirus aşkarlanıb. Bununla da qonşu ölkədə koronavirusa yoluxanların sayı 1206-ya çatıb.

BAKI, 6 avqust — Sputnik. Ermənistanda koronavirusa yoluxanların sayı 39819-a çatıb. Sputnik Ermənistan xəbər verir ki, bu barədə Ermənistanın Xəstəliklərə Nəzarət və Profilaktika üzrə Milli Mərkəzinin yaydığı məlumatda bildirilib.

Məlumatda qeyd olunub ki, son 24 saat ərzində bu virusa yoluxanların sayı daha 233 nəfər artıb.

Ermənistanda son gündə daha 2 nəfər ölüb. Ümumilikdə bu virusdan ölənlərin sayı 772-yə çatıb. Xəstəlikdən sağalanların sayı 31556 olub. Hazırda bu ölkədə 7263 nəfər xəstəxanada müalicə alır.

Gürcüstanda isə daha 9 nəfərdə koronavirus aşkarlanıb. Bununla da qonşu ölkədə koronavirusa yoluxanların sayı 1206-ya çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 18,8 milyonu keçib, 707 mindən çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

1

İlham Əliyev: Koronavirusa qarşı mübarizədə müsbət dinamika bizi çox sevindirir

0
"Yaxın gələcəkdə modul tipli xəstəxanaların sayı bütövlükdə 16-ya çatdırılacaq və beləliklə, bizim təkcə bu xəstəxanalarda 3200 koronavirus xəstəsi müalicə ala biləcək"

BAKI, 6 avqust — Sputnik. Avqustun 6-da Azərbaycan Respublikasının Prezidenti İlham Əliyev ölkəmizdə koronavirus pandemiyası ilə mübarizə sahəsində görülən tədbirlər və sosial-iqtisadi vəziyyətlə bağlı videoformatda müşavirə keçirib.

AZƏRTAC xəbər verir ki, dövlət başçısı müşavirədə çıxış edib. Prezident İlham Əliyevin çıxışından bəzi məqamları diqqətinizə təqdim edirik:

“Koronavirusa qarşı mübarizə işində müsbət dinamika müşahidə olunur. İyulun 16-dan bu günə qədər bu müsbət dinamika deməyə əsas verir ki, görülmüş bütün tədbirlər vaxtında görülmüş tədbirlərdir. Bu tədbirlər nəticəsində vəziyyət bu günə qədər nəzarət altındadır. İyulun 16-dan bu günə qədər yoluxanların sayı sağalanların sayından xeyli aşağıdır. Bu müsbət dinamika deməyə əsas verir ki, biz koronavirus xəstəliyini bundan sonra da nəzarət altında saxlayacağıq”.

“Bu gün 46 xəstəxana ancaq koronavirus xəstələrinə xidmət göstərir. Onu da bildirməliyəm ki, bu 46 xəstəxananın 41-i son 17 il ərzində tikilib və ya əsaslı şəkildə təmir edilib, müasir avadanlıqlarla təchiz olunub. Əgər biz vaxtında bu addımları atmasaydıq, bu gün çox böyük problemlərlə, faciəvi vəziyyətlə üz-üzə qala bilərdik”.

“Adambaşına düşən testlərin sayına görə bu gün Azərbaycan dünya miqyasında qabaqcıl yerlərdədir”.

“Biz qısa müddət ərzində laboratoriyalarımızın sayını 5 dəfə artırdıq. Yaxın gələcəkdə alınacaq yeni laboratoriyalar imkan verəcək ki, daha da böyük sayda testlər keçirilsin. Biz bütövlükdə laboratoriyaların sayını 45-ə çatdırmalıyıq”.

“Bu günə qədər modul tipli 9 xəstəxana istismara verilmişdir. Onlardan 4-ü bir gün ərzində - iyulun 29-da fəaliyyətə başlayıb. Qobustan, İsmayıllı, Qəbələ və Şəki şəhərlərində mənim iştirakımla bu xəstəxanaların açılışı olmuşdur. Yaxın gələcəkdə modul tipli xəstəxanaların sayı bütövlükdə 16-ya çatdırılacaq və beləliklə, bizim təkcə bu xəstəxanalarda 3200 koronavirus xəstəsi müalicə ala biləcək”.

0