F-35 qırıcı təyyarəsi

İsrail bərk qorxuya düşüb, Türkiyə "F-35"ləri onları narahat edir

677
(Yenilənib 22:51 28.05.2018)
İsrail Türkiyəyə göndərilməsi planlaşdırılan "F-35" qırıcılarına görə narahatdır

BAKI, 28 may — Sputnik. İsrail Türkiyəyə göndərilməsi planlaşdırılan "F-35" qırıcılarına görə narahatdır.

Sputnik Azərbaycan "Hürriyet"ə istinadla xəbər verir ki, bu barədə İsrailin "Haaretz" qəzeti məlumat yayıb.

Həmçinin, qəzet "F-35"-lərin qabiliyyətini yüksəldəcək texnologiyanın Türkiyəyə verilməsini əngəlləmək üçün İsrailin amerikalı rəsmilərlə görüş keçirdiyini də yazıb.

Rəsmi mənbə İsrailin "F-35"-lərə malik yeganə Yaxın Şərq ölkəsi olmağı qarşısına məqsəd qoyduğunu və bu səbəbdən Türkiyəyə göndəriləcək "F-35"lər məsələsində ABŞ ilə yaxın təmasda olduğunu bildirib.

F-35 qırıcı təyyarəsi
© Photo : South Korea Defense Ministry via AP

Həmin rəsmiyə görə, İsrail "F-35"ə dair detalların digər ölkələrə sızmasını istəmir. Həmçinin, "F-35"-lərin qabiliyyətini yüksəldəcək texnologiyanın Türkiyəyə verilməsinin qarşısını almaq istəyir.

Qeyd edək ki, hazırda ABŞ və Türkiyə arasında "F-35"-lər məsələsində problemlər var. ABŞ Nümayəndələr Palatasında qəbul edilən və Türkiyəyə F-35 döyüş təyyarəsi satışının təxirə salınmasını da ehtiva edən layihəylə bağlı Türkiyədən sərt açıqlama gəlmişdi. Türkiyənin Xarici İşlər Nazirliyi sözçüsü Aksoy ABŞ-ın F-35 döyüş təyyarələrinin satışını təxirə salacağı təqdirdə qarşılıq veriləcəyini deyib. Aksoy deyib ki, ABŞ, qırıcıların verilməsində "S-400" müdafiə sistemindən əl çəkmək və amerikalı keşiş Brunsonın sərbəst buraxılması şərtini ortaya qoyur.

"Almalarla armudları eyni səbətə qoymağa çalışırlar, bu doğru deyil"-deyə Aksoy qeyd edib.

677
Teqlər:
əngəl, "F-35" qırıcı təyyarəsi, qorxu, İsrail, Türkiyə
Leonardo Di Kaprio, arxiv şəkli

"Apple" Di Kaprio: Hollivudda birgə filmlər çəkiləcək

54
(Yenilənib 23:28 05.08.2020)
Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq.

BAKI, 5 avqust — Sputnik. Amerikalı aktyor Leonardo Di Kaprio və onun "Appian Way" kino şirkəti "Apple" şirkəti ilə film və serialların çəkilişinə dair müqavilə imzalayıb. Sputnik Azərbaycan xəbər verir ki, bu barədə məlumatı "Hollywood Reporter" yayıb.

Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq. Film Devid Qrannanın eyni adlı romanı əsasında çəkiləcək. Filmə 200 milyon dollar maliyyə ayrılıb. Baş rolları Di Kaprio və Robert De Niro oynayacaq. Korporasiya Elizabet Mossun baş rolu oynadığı və "Appian Way Productions"ın prodüserlik etdiyi "Parlayan qızlar" (The Shining Girls) serialını da birlikdə ərsəyə gətirəcək", - deyə məlumatda bildirilir.

Di Kaprio, "Appian Way" və "Apple"-in əməkdaşlığı bununla yekunlaşmayacaq.

"Appian Way Productions" üçün bu müqavilə serial çəkilişi sahəsində ilk addım olacaq. Şirkət daha əvvəl "Paramount Pictures" və "Warner Bros" kinostudiyaları ilə filmlərin istehsalına dair sazişlər imzalamışdı.

Xatırladaq ki, bundan əvvəl Di Kaprionun şirkəti Oldos Haqslinin "Ada" adlı sonuncu romanının serial ekranlaşdırılmasına prodüserlik etməyi nəzərdə tutub.

54
Beyrutdakı partlayışda

Azərbaycan Livana 1 milyon dollar yardım ayırdı

27
(Yenilənib 23:19 05.08.2020)
Sərəncama əsasən, Azərbaycan Respublikasının Maliyyə Nazirliyi bu ayrılan vəsaitin müəyyən olunmuş qaydada ödənilməsini təmin etməlidir.

BAKI, 5 avqust — Sputnik. Baş vermiş faciənin nəticələrinin aradan qaldırılması üçün Livan Respublikasının humanitar yardıma ehtiyacını nəzərə alaraq, həmin ölkəyə maliyyə yardımının göstərilməsi məqsədilə Azərbaycan Respublikasının 2020-ci ilin dövlət büdcəsində nəzərdə tutulmuş ehtiyat fondundan Azərbaycan Respublikasının Xarici İşlər Nazirliyinə 1 000 000 (bir milyon) ABŞ dollarının manat ekvivalenti məbləğində vəsait ayrılacaq. Sputnik Azərbaycan-ın məlumatına görə, bu barədə Baş Nazir Əli Əsədov Livan Respublikasına maliyyə yardımının göstərilməsi barədə sərəncam imzalayıb. 

Sərəncama əsasən, Azərbaycan Respublikasının Maliyyə Nazirliyi bu ayrılan vəsaitin müəyyən olunmuş qaydada ödənilməsini təmin etməlidir.

Bu Sərəncam imzalandığı gündən qüvvəyə minir.

27