ABŞ əsgərləri təyyarəyə minərkən

ABŞ-a yalvardılar - gəlin ölkəmizdə hərbi baza yaradın

1321
(Yenilənib 21:26 28.05.2018)
Polşa daimi hərbi baza yaratmaq üçün ABŞ-a 2 milyard dollar verməyi təklif edib

BAKI, 28 may-Sputnik. ABŞ-la daha da yaxınlaşmaq istəyən Polşa rəhbərliyi, ölkədə qurulacaq daimi hərbi baza qarşılığında ABŞ-a 2 milyard dollar təklif edib.

Sputnik Azərbaycan "Haber7"ə istinadla xəbər verir ki, Polşa, Rusiyanın Ukrayna ilə yaşadığı böhran səbəbindən təhlükəsizlik ilə bağlı narahatlıq içərisindədir.

Polşa Müdafiə Nazirliyinin sənədində deyilir ki, sözügedən təklif ABŞ-ın Polşaya uzunmüddətli zirehli qoşun yerləşdirməsi üçün açıq ehtiyacı olduğunu göstərir. Polşa 1.5-2 milyard dollar məbləğində dəstək verməyə hazırdır. Birgə hərbi müəssisələrin yaradılması və ABŞ güclərinin çevik hərəkət etməsi təmin olunacaq.

Bu məsələyə Rusiyadan reaksiya verilib. Kremlin sözçüsü Dmitri Peskov Rusiyanın NATO-nun genişlənməsinə cavab verməyə hazır olduğunu vurğulayıb. Peskov bildirib ki, NATO-nun hərbi infrastrukturunun Rusiya sərhədlərinə doğru genişlənməsi regionda təhlükəsizliyə və sabitliyə heç bir şəkildə töhfə vermir. Əksinə, Rusiya hər dəfə bu şəkildə pozulan tarazlığı yenidən qurmaq üçün cavab tədbirlər görəcək.

Peskov bildirib ki, ABŞ hərbi bazasına ev sahibliyi etmək hər bir ölkənin öz qərarıdır. Amma bunun Avropadakı ümumi təhlükəsizlik atmosferi üçün doğuracağı nəticələri də aşkardır.

1321
Teqlər:
baza, Polşa, təhlükəsizlik, hərbi, ABŞ
Шторм в Черном море

Qara dənizdə batan gəminin dörd üzvü ölüb, axtarışlar dayandırılıb

5
Rusiya Dənizçilərinin Həmkarlar İttifaqının məlumatına görə, gəminin operatoru Ukraynanın “Tesero Marine” şirkətidir.

BAKI, 17 yanvar - Sputnik. Qara dənizin Türkiyə sahillərində, Bartın vilayətinin İnkumu sahillərinə yaxın ərazidə batan Palau bayrağı altında üzən “Arvin” quru yük gəmisinin batması nəticəsində dörd nəfər həlak olub və həyatını itirənlərin sayı arta bilər.

Bunu Türkiyənin Bartın vilayətinin valisi Sinan Güner bildirib. Onun sözlərinə görə, “Arvin” gəmisinin batmasına əlverişsiz hava şəraiti səbəb olub:

“Son məlumata görə, 4 nəfər ölüb, 6 heyət üzvü xilas edilib. Yüksək dalğalara görə dənizdə axtarış-xilasetmə işləri dayandırılıb, helikopterlərdən isifadə edilərək havadan axtarışlar davam edir”.

Rusiya Dənizçilərinin Həmkarlar İttifaqının məlumatına görə, gəminin operatoru Ukraynanın Tesoro Marine LLC şirkətidir. Türkiyə Hərbi Dəniz Qüvvələri axtarış əməliyyatında iştirak etmək üçün freqat göndərmişdi.

Daha öncə gəminin Rusiya bayrağı altında üzdüyü bildirilirdi. Son məlumatlara görə, Palau bayrağı altında üzən gəminin 12 nəfərlik heyətinin 10 üzvü ukraynalı, ikisi isə rusdur. Gəminin sahibi Arvin Shipping LTD-dir (Beliz). Gəmi 1997-ci ildə Rusiyada qeydiyyatdan çıxarılıb.

5

Fevralda Türkiyə Azərbaycan ordusunun ortaq hərbi təlimi olacaq

7
(Yenilənib 15:40 17.01.2021)
"Qış-2021 Türkiyə-Azərbaycan Taboru Kombinə Edilmiş Birgə Vəzifə Gücü Təlimi"nə qatılacaq azərbaycanlı hərbçilər artıq Qarsa gediblər.

BAKI, 17 yanvar - Sputnik. Fevralın 1-dən 12-dək Türkiyə ilə Azərbaycan ordusu arasında ortaq hərbi təlimlər keçiriləcək.

Bu barədə Türkiyə Müdafiə Nazirliyi məlumat yayıb.

Bildirilib ki, "Qış-2021 Türkiyə-Azərbaycan Taboru Kombinə Edilmiş Birgə Vəzifə Gücü Təlimi"nə qatılacaq azərbaycanlı hərbçilər artıq Qarsa gediblər.

“Qarabağda Ermənistan Ordusuna qarşı böyük bir qələbə qazanan qardaşlarımızı qürurla qarşılayırıq. "Bir millət, iki dövlət" anlayışımızla "bir ürək, bir bilək, bir yumruq" kimi birləşərək, fəaliyyətlərimizə davam edəcəyik!” - deyə məlumatda bildirilib.

7
Самолет Бе-200, фото из архива

Hirkan Milli Parkında yanğın davam edir - VİDEO

0
(Yenilənib 19:37 17.01.2021)
Yanğınla mübarizəyə Fövqəladə Hallar Nazirliyinin müvafiq qüvvələri, o cümlədən Aviasiya dəstəsinin "BE-200ÇS" tiplı amfibiya təyyarəsi cəlb olunub.

BAKI, 17 yanvar - Sputnik. Astara rayonu ərazisində Hirkan Milli Parkında baş vermiş yanğının söndürülməsi istiqamətində Fövqəladə Hallar Nazirliyi tərəfindən operativ və təxirəsalınmaz tədbirlər davam etdirilir.

Fövqəladə Hallar Nazirliyindən verilən məlumata görə, yanğının söndürülməsinə relyefin mürəkkəbliyi və hava şəraitinin əlverişsizliyi maneə törədir. Bununla belə, yanğının daha geniş sahəyə yayılması və Milli Parka daha böyük ziyan vurmasının qarşısının alınması məqsədilə zəruri tədbirlər həyata keçirilir.

Qeyd edək ki, yanğınla mübarizəyə Fövqəladə Hallar Nazirliyinin müvafiq qüvvələri, o cümlədən Aviasiya dəstəsinin "BE-200ÇS" tiplı amfibiya təyyarəsi də cəlb olunub.

Əlavə məlumat veriləcək.

0