Alça

Arıqlamaq üçün bu meyvədən yeyin

442
Alçanın tərkibində A və C vitaminləri var

BAKI, 21 may — Sputnik. Yaz gələn kimi yeni meyvələr yetişməyə başlayır.

Sputnik Azərbaycan Türkiyə mətbuatına istinadən xəbər verir ki, bu fəslin ən çox sevilən meyvələrindən biri də alçadır. Mütəxəssislər bildirir ki, alça yeyərək metabolizmi sürətləndirə bilərsiz ki, bu da arıqlamağınıza kömək olacaq.

Alçanın tərkibində A və C vitaminləri var. Fosfor və liflərlə də çox zəngindir.

Bu meyvə bədəndə yorğunluğu məhv edir. Alça süd, ayran və digər süd məhsulları ilə birlikdə yeyiləndə bədəndə kalsiumun artmasına kömək edir. Yumurta, ət və bu kimi qidalar ilə yeyildikdə metabolizmi sürətləndirir və çəki itirməyə kömək olur. Bu bitki həm də qəbzlik problemini həll edir. Diş ətlərini gücləndirir. Bağırsaq sistemini düzəldir. Qan azlığını aradan qaldırır. Dəriyə böyük xeyri var. Qan şəkərinin miqdarını azaldır.

 

442
Teqlər:
alça, xeyir, meyvə, vitamin, arıqlamaq
Leonardo Di Kaprio, arxiv şəkli

"Apple" Di Kaprio: Hollivudda birgə filmlər çəkiləcək

90
(Yenilənib 23:28 05.08.2020)
Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq.

BAKI, 5 avqust — Sputnik. Amerikalı aktyor Leonardo Di Kaprio və onun "Appian Way" kino şirkəti "Apple" şirkəti ilə film və serialların çəkilişinə dair müqavilə imzalayıb. Sputnik Azərbaycan xəbər verir ki, bu barədə məlumatı "Hollywood Reporter" yayıb.

Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq. Film Devid Qrannanın eyni adlı romanı əsasında çəkiləcək. Filmə 200 milyon dollar maliyyə ayrılıb. Baş rolları Di Kaprio və Robert De Niro oynayacaq. Korporasiya Elizabet Mossun baş rolu oynadığı və "Appian Way Productions"ın prodüserlik etdiyi "Parlayan qızlar" (The Shining Girls) serialını da birlikdə ərsəyə gətirəcək", - deyə məlumatda bildirilir.

Di Kaprio, "Appian Way" və "Apple"-in əməkdaşlığı bununla yekunlaşmayacaq.

"Appian Way Productions" üçün bu müqavilə serial çəkilişi sahəsində ilk addım olacaq. Şirkət daha əvvəl "Paramount Pictures" və "Warner Bros" kinostudiyaları ilə filmlərin istehsalına dair sazişlər imzalamışdı.

Xatırladaq ki, bundan əvvəl Di Kaprionun şirkəti Oldos Haqslinin "Ada" adlı sonuncu romanının serial ekranlaşdırılmasına prodüserlik etməyi nəzərdə tutub.

90
Beyrutdakı partlayışda

Azərbaycan Livana 1 milyon dollar yardım ayırdı

28
(Yenilənib 23:19 05.08.2020)
Sərəncama əsasən, Azərbaycan Respublikasının Maliyyə Nazirliyi bu ayrılan vəsaitin müəyyən olunmuş qaydada ödənilməsini təmin etməlidir.

BAKI, 5 avqust — Sputnik. Baş vermiş faciənin nəticələrinin aradan qaldırılması üçün Livan Respublikasının humanitar yardıma ehtiyacını nəzərə alaraq, həmin ölkəyə maliyyə yardımının göstərilməsi məqsədilə Azərbaycan Respublikasının 2020-ci ilin dövlət büdcəsində nəzərdə tutulmuş ehtiyat fondundan Azərbaycan Respublikasının Xarici İşlər Nazirliyinə 1 000 000 (bir milyon) ABŞ dollarının manat ekvivalenti məbləğində vəsait ayrılacaq. Sputnik Azərbaycan-ın məlumatına görə, bu barədə Baş Nazir Əli Əsədov Livan Respublikasına maliyyə yardımının göstərilməsi barədə sərəncam imzalayıb. 

Sərəncama əsasən, Azərbaycan Respublikasının Maliyyə Nazirliyi bu ayrılan vəsaitin müəyyən olunmuş qaydada ödənilməsini təmin etməlidir.

Bu Sərəncam imzalandığı gündən qüvvəyə minir.

28