Türkiyə prezidenti Rəcəb Tayib Ərdoğan

Ərdoğana sui-qəsd hazırlanır

74
(Yenilənib 12:06 20.05.2018)
Qərbin kəşfiyyat xidmətləri öz növbəsində bildirib ki, türk əsilli bir qrup şəxs Ərdoğana qarşı onun Balkanlara səfəri zamanı sui-qəsd hazırlayır

BAKI, 20 may — Sputnik. Türkiyə xüsusi xidmət orqanları ölkə prezidenti Rəcəb Tayyip Ərdoğana qarşı sui-qəsd hazırlandığını barədə məlumat əldə ediblər.

Sputnik Azərbaycan Türkiyə mediasına istinadən xəbər verir ki, sui-qəsd hazırlığı barədə Makedoniyada yaşayan türklər və Qərb kəşfiyyatı xəbərdarlıq edib.

İddiaya görə, sui-qəsd Ərdoğanın Balkan ölkələrinə səfəri zamanı həyata keçirilə bilər. "Şayiələr gəzir ki, prezident Ərdoğanın Balkan yarımadası ölkələrinə səfəri zamanı ona qarşı sui-qəsd cəhdi olacaq" — deyə xəbərdə qeyd edilir.

Qərbin kəşfiyyat xidmətləri öz növbəsində bildirib ki, türk əsilli bir qrup şəxs Ərdoğana qarşı onun Balkanlara səfəri zamanı sui-qəsd hazırlayır.

Sui-qəsdin mümkün tarixi və yeri barədə məlumatın olmadığı bildirilir.

74
Teqlər:
səfər, Balkan, sui-qəsd, Rəcəb Tayyip Ərdoğan, xüsusi xidmət orqanları