Vaqram Baqdasaryan

Ermənistanda qüvvələr balansı fiqurların yeri dəyişir

506
(Yenilənib 12:58 07.05.2018)
Bu ölkədə hakim partiya müxalifətə keçir

BAKI, 7 may — Sputnik. "Ermənistanın hakim Respublika Partiyası (ERP) etirazçıların lideri Nikol Paşinyanın baş nazir seçiləcəyi təqdirdə müxalifətə keçməyə hazırdır". Sputnik Azərbaycan "RİA Novosti"yə istinadən xəbər verir ki, bunu ERP-in parlament fraksiyasının rəhbəri Vaqram Baqdasaryan bildirib.

"Hakimiyyətdə həmişəlik qalmağa qərar verərək siyasətə daxil olanlar bunu yalnız maraq üçün edirlər. Siyasi gücün hakimiyyətdə və ya müxalifətdə olacağına dair heç bir zəmanət yoxdur. Təbii ki, biz müxalifət olmağa hazırıq", — deyə Baqdasaryan jurnalistlərə bildirib.

O, eyni zamanda vurğulayıb ki, ERP heç vaxt ölkənin maraqları və təhlükəsizliyinə maneə yaratmayacaq: "Opponentlərimizdən fərqli olaraq biz pozitivi görməyə və neqativi tənqid etməyə hazırıq".

Baqdasaryan əlavə edib ki, ERP-də ölkənin xarici siyasət və təhlükəsizlik məsələlərində mümkün dəyişikliklərlə bağlı narahatlıq qalmaqdadır.

506
Teqlər:
Baqram Baqdasaryan, ERP, Respublika Partiyası, hakimiyyət, Ermənistan, müxalifət
Əlaqədar
Erməni hərbçisi səngərdə başından güllələndi
İƏT Ermənistandan tələb etdi - BMT TŞ-nin qətnamələri yerinə yetirilməlidir
Hara gedirsən, Ermənistan: Knyazlığa məliksiz çətin deyil ki?
Ermənistandakı vəziyyət bu ölkədə də diqqətlə izlənir
Kitablar, arxiv şəkli

Qonkur mükafatının qalibi açıqlanıb

3
(Yenilənib 20:55 30.11.2020)
COVID-19 səbəbi ilə laureat bu dəfə hər il olduğu kimi, Parisin "Druan" restoranında deyil, videokonfrans vasitəsi ilə elan edilib

BAKI, 30 noyabr — Sputnik. Fransanın ən böyük ədəbiyyat mükafatı olan Qonkurun builki qalibi açıqlanıb.

Sputnik Azərbaycan "RİA Novosti"yə istinadən verdiyi xəbərə görə, bu, fransız yazıçı Erve Le Telye olub. O, bu mükafata "Anomaliya" romanına görə layiq görülüb.

COVID-19 səbəbi ilə laureat bu dəfə hər il olduğu kimi, Parisin "Druan" restoranında deyil, videokonfrans vasitəsi ilə elan edilib.

Xatırladaq ki, Qonkur artıq yüz ildən çoxdur ki, fransız dilində yazılmış ən yaxşı romana verilir. Mükafat Qonkur qardaşlarının vəsiyyəti əsasında təsis edilib. Məbləği simvolik olaraq 10 avro təşkil etsə də, qalibə böyük nüfuz və yüksək tiraj qazandırır.

 

3
Teqlər:
kitab, Fransa, ədəbiyyat, mükafat
Bülənt Ərsoy, arxiv şəkli

Bülent Ersoyun "yaxşılığını" başına çırpdılar

10
(Yenilənib 20:24 30.11.2020)
Bülent Ersoyun açıqlamasından qısa müddət sonra vəqfdən cavab gəlib. "Çağdaş Yaşamı Dəstəkləmə Vəqfi" B.Ersoya rədd cavabını verib

BAKI, 30 noyabr — Sputnik. Türk musiqisinin divası adlandırılan Bülent Ersoy ötən həftə hər biri 40 min TL dəyərində olan iki ədəd bəyaz tülkü dərisindən olan kürk alıb.

Sputnik Azərbaycan xəbər verir ki, üzərində tülkünün başı olan kürklər sosial mediada tənqid obyektinə çevrilib. Heyvanların qətl edilərək, dərisindən kürk, papaq, ayaqqabı, çanta hazırlanmasına etiraz edən heyvansevərlər Bülent Ersoyu sərt tənqid ediblər.

Vəziyyəti belə görən B.Ersoy: "Kürklərimi "Çağdaş Yaşamı Dəstəkləmə Vəqfi"nə bağışlayacam" deyərək, açıqlama edib.

Bülent Ersoyun açıqlamasından qısa müddət sonra vəqfdən cavab gəlib. "Çağdaş Yaşamı Dəstəkləmə Vəqfi" B.Ersoya rədd cavabını verib.

Vəqfin açıqlamasında deyilir: "Çağdaş Yaşamı Dəstəkləmə Dərnəyi Atatürk fikir və düşüncələrini müasir təhsil yoluyla çağdaş toplumlar səviyyəsinə çatdırmağı hədəfləyən örnək cəmiyyət birliyidir. Dərnəyimiz özündə təbiət, çevrə və canlı haqlarına sayğı ilə yanaşmağı birləşdirir. Bu səbəbdən heyvanların qətl edilməsi ilə hazırlanan məhsulların və ya həmin məhsullardan əldə edilən gəlirin Vəqfimizə bağışlanması qanun və dəyərlərimizə ziddir".

10
Teqlər:
dəri, kürk, Bülənt Ərsoy