Ermənistanın Respublika meydanında Nikol Paşinyanın tərəfdarlarının mitinqi başlayıb

Sarqsyan xofu qayıdır, Yerevanı təkrar etirazlar bürüyür

393
(Yenilənib 12:05 01.05.2018)
Paşinyan: "Mən hamını Respublika meydanındakı mitinqə gəlməyə və qələbəni qorumağa çağırıram"

BAKI, 1 may — Sputnik. Ermənistanın Respublika meydanında Nikol Paşinyanın tərəfdarlarının mitinqi başlayıb. Sputnik Ermənistan xəbər verir ki, meydan demək olar, nümayişçilərlə doludur. Onlar əllərində Ermənistan bayrağının rənglərini əks etdirən şarlar, həmçinin bayraqlar tutublar.

Yerevan
© REUTERS / Hayk Baghdasaryan/Photolure

Etirazçılar meydanda parlamentin xüsusi iclasının canlı yayımlanmasını gözləyirlər. Kütlə "Nikol, Nikol", "Nikol baş nazir" şüarları səsləndirir. Etirazçılar önündə Paşinyanın silahdaşları çıxış edirlər. Yerevanın mərkəzi küçələrində Ermənistan bayrağı və Paşinyanın portreti olan maşınlar hərəkət edərək insanları aksiyalara qoşulmağa dəvət edir.

Bu arada, Ermənistan müxalifətinin lideri, baş nazir postuna namizəd Nikol Paşinyan hakim Respublika Partiyasının (ERP) hökumət başçısı seçkilərini pozmaq niyyətində olduğunu bəyan edib. Sputnik Azərbaycan xəbər verir ki, bunu Paşinyan özünün "Facebook" səhifəsindəki canlı yayım zamanı bildirib.

  • Ermənistanın Respublika meydanında Nikol Paşinyanın tərəfdarlarının mitinqi başlayıb
    Ermənistanın Respublika meydanında Nikol Paşinyanın tərəfdarlarının mitinqi başlayıb
    © Sputnik / Asatur Yesayants
  • Ermənistanın Respublika meydanında Nikol Paşinyanın tərəfdarlarının mitinqi başlayıb
    Ermənistanın Respublika meydanında Nikol Paşinyanın tərəfdarlarının mitinqi başlayıb
    © Sputnik / Asatur Yesayants
  • Ermənistanın Respublika meydanında Nikol Paşinyanın tərəfdarlarının mitinqi başlayıb
    Ermənistanın Respublika meydanında Nikol Paşinyanın tərəfdarlarının mitinqi başlayıb
    © Sputnik / Asatur Yesayants
  • Ermənistanın Respublika meydanında Nikol Paşinyanın tərəfdarlarının mitinqi başlayıb
    Ermənistanın Respublika meydanında Nikol Paşinyanın tərəfdarlarının mitinqi başlayıb
    © Sputnik / Asatur Yesayants
  • Ermənistanın Respublika meydanında Nikol Paşinyanın tərəfdarlarının mitinqi başlayıb
    Ermənistanın Respublika meydanında Nikol Paşinyanın tərəfdarlarının mitinqi başlayıb
    © Sputnik / Asatur Yesayants
  • Ermənistanın Respublika meydanında Nikol Paşinyanın tərəfdarlarının mitinqi başlayıb
    Ermənistanın Respublika meydanında Nikol Paşinyanın tərəfdarlarının mitinqi başlayıb
    © Sputnik / Asatur Yesayants
1 / 6
© Sputnik / Asatur Yesayants
Ermənistanın Respublika meydanında Nikol Paşinyanın tərəfdarlarının mitinqi başlayıb

"Mən öyrəndim ki, gecə baş tutan və Serj Sarqsyanın rəhbərlik etdiyi toplantı zamanı ERP səsverməni pozmaq qərarı verib. Mən hamını Respublika meydanındakı mitinqə gəlməyə və qələbəni qorumağa çağırıram", — deyə Paşinyan vurğulayıb.

O, həmçinin əlavə edib ki, plana əsasən, "Respublikaçı"lar yeddi gündən sonra baş nazir postuna öz namizədlərini irəli sürmək niyyətindədirlər.

Qeyd edək ki, bu gün Bakı vaxtı ilə saat 12:00-da Ermənistan parlamentində baş nazir seçkiləri keçirilməlidir. Paşinyan hökumət başçısı postuna yeganə namizəddir. Baş nazir seçilmək üçün ona 105 deputatdan 53-ünün səsi lazımdır.

Ermənistan parlamentində Respublikaçıların 58, "Çarukyan" blokunun 31, "Yelk" fraksiyasının 9, "Daşnaksutyun"un isə 7 mandatı var.

393
Teqlər:
Respublika meydanı, Nikol Paşinyan, nümayiş, etiraz, Ermənistan, mitinq
Əlaqədar
Yerevan yenə qarışdı: Ağ xələtlilər önə çıxdı
Yerevan olayları Qarabağa nə vəd edir
Yerevanda ajiotaj: Sarkisyan "Azərbaycan kartı"nı işə saldı
Yerevanda Hökumət Evində toqquşmalar gedir
Yüzlərlə "qanuni oğru" Yerevanda cəmləşdi: Ya Sarqsyanın kəlləsi gedəcək, ya da...
AŞPA-da plenar iclas, arxiv şəkli

Ermənistanın düzəlişlərini AŞPA rədd edib - Azərbaycan XİN

13
AŞPA-dakı Ermənistan nümayəndə heyətinin qətnamə layihəsinə əsassız düzəlişlər irəli sürmək cəhdləri uğursuzluqla nəticələnib. Ermənistan tərəfinin düzəlişləri həm Monitorinq Komitəsi, həm də Assambleyanın plenarı tərəfindən rədd edilib

BAKI, 27 yanvar - Sputnik. Bu il yanvarın 25-də Avropa Şurası Parlament Assambleyasın Monitorinq Komitəsinin “AŞPA Monitorinq prosedurunun 2020-ci il üzrə tərəqqi hesabatı” adlı qətnamə qəbul edilib. Hər il ənənəvi hazırlanan hesabat ilə əlaqədar qətnamə layihəsində monitorinq proseduruna və ya monitorinqdən sonrakı dialoqa cəlb edilmiş ölkələrdə, o cümlədən Azərbaycan və Ermənistanda baş vermiş əsas hadisələr qiymətləndirilir və müvafiq tövsiyələr verilir.

Azərbaycan Xarici İşlər Nazirliyindən Sputnik Azərbaycan-a verilən məlumata görə, sözügedən qətnamədə Ermənistan və Azərbaycan arasında baş vermiş döyüşlər kontektsində müvafiq bəndlər yer alıb. Belə ki, qətnamənin 5-ci bəndində komitənin “27 sentyabr 2020-ci il tarixində Ermənistan və Azərbaycan arasında Dağlıq Qarabağ bölgəsində baş verən hərbi döyüş əməliyyatları ilə bağlı hadisələri izlədiyi, bu mövzuda cari məsələlər üzrə debat irəli sürdüyü, hər iki tərəfdən deputatların iştirakı ilə fikir mübadiləsi təşkil etdiyi, Ermənistan və Azərbaycan üzrə həmməruzəçilərin münaqişənin sülh yolu ilə həllinə çağırışlar etdiyi” qeyd olunur. Qətnamənin 11-ci bəndində isə aşağıdakı fikirlər yer alıb:
“Dağlıq Qarabağ münaqişəsi ilə əlaqədar olaraq, Assambleya bütün tərəfləri siyasi dialoqa mane olan iltihablı ritorikadan çəkinməyə, Ermənistanı və Azərbaycanı üçtərəfli bəyanatın humanitar məsələlərlə bağlı müddəalarını ən qısa müddətdə həyata keçirməyə, bütün tərəfləri dərhal hərbi əsirlərin və cəsədlərin mübadiləsini həyata keçirməyə, mədəni irsə hörmət etməyə çağırır və Monitorinq Komitəsini parlament səviyyəsində sülh prosesi üçün əlverişli bir atmosferə töhfə vermək üçün yolları araşdırmağa dəvət edir. Assambleya bu münaqişə zamanı bütün tərəflərin humanitar və insan hüquqları qanunlarını pozduğuna dair məlumat və iddialar, bəzi dini yerlərin və abidələrin deqradasiyası, eləcə də xüsusi mülkiyyətin dağıdılması iddialarından ciddi narahatlığını ifadə edir və bu məlumatların tam araşdırılmasını və pozuntuların aradan qaldırılmasını və günahkarların mühakimə olunmasını gözləyir”.

​Qeyd olunmalıdır ki, AŞPA-dakı Ermənistan nümayəndə heyətinin sözügedən qətnamə layihəsinə əsassız düzəlişlər irəli sürmək cəhdləri uğursuzluqla nəticələnib. Ermənistan tərəfinin düzəlişləri həm Monitorinq Komitəsi, həm də Assambleyanın plenarı tərəfindən rədd edilib.

​Bundan başqa, Ermənistan nümayəndə heyəti sessiya çərçivəsində cari məsələlər üzrə debat proseduru əsasında “Avropa Beynəlxalq İnsan Hüquqları Standartlarının pozulması kimi Azərbaycan hakimiyyət orqanları tərəfindən erməni əsirlər və digər saxlanılan şəxslərin qaytarılmasının əsassız olaraq gecikdirilməsi” mövzusunda müzakirənin keçirilməsini istəyib. Bu xüsusda, Azərbaycan nümayəndə heyəti tərəfindən AŞPA Prezidentinə məktub ünvanlanaraq məsələ üzrə mövqeyimiz onun diqqətinə çatdırılıb və belə bir debatın keçirilməsinin məqbul olmadığı vurğulanıb. Nəticə etibarı ilə, qurumun Bürosu tərəfindən bu mövzuda debatın keçirilməsi məqsədəuyğun hesab edilməyib.

"​Eyni zamanda vurğulamaq istərdik ki, 25 yanvar tarixində Avropa Şurasının Baş katibi Mariya Peyçinoviç Buriç qış yarım-sessiyasında AŞPA üzvləri qarşısında çıxışında təşkilatın mövqeyini bir daha ifadə edərək Ermənistan və Azərbaycan arasında imzalanmış 10 noyabr tarixli üçtərəfli bəyanatı alqışladıqlarını söyləyib. O, AŞ-nin səlahiyyətləri çərçivəsində hər iki ölkəyə post-konflikt dövründə dəstək verməyə hazır olduqlarını və bu məqsədlə tərəflərlə məsləhətləşmə apardıqlarını bildirib", - XİN-in məlumatında deyilir.

13
Aleksey Navalnıy, arxiv şəkli

G7 ölkələrinin Navalnı tələbi

13
G7 ölkələrinin - Kanada, Fransa, Almaniya, İtaliya, Yaponiya, Böyük Britaniya və ABŞ-ın xarici işlər nazirləri Aleksey Navalnının dərhal azad edilməsini tələb ediblər

BAKI, 26 yanvar - Sputnik. G7 ölkələri Rusiya hökumətini bloger Aleksey Navalnını həbsdən azad etməyə çağırıb.

Sputnik Azərbaycan bu barədə RİA Novosti-yə istinadən məlumat verir. 

"Biz, Kanada, Fransa, Almaniya, İtaliya, Yaponiya, Böyük Britaniya və ABŞ-ın xarici işlər nazirləri, eləcə də AB-nin yüksək statuslu nümayəndəsi, Aleksey Navalnının saxlanılmasını və siyasi motivli həbsini qətiyyətlə pisləyirik", - nazirlərin bəyanatında deyilir.

"Biz həmçinin minlərlə dinc nümayişçinin və jurnalistlərin saxlanılmasından da narahatıq və Rusiyanı özünün beynəlxalq və daxili öhdəliklərini yerinə yetirməyə, yanvarın 23-də özlərinin sərbəst toplaşma hüququnu reallaşdırmağa cəhd etdiklərinə görə saxlanılanları azad etməyə çağırırıq. Vətəndaşların öz rəylərini ifadə etmək hüuququnu polislər vasitəsilə, güc yoluyla dəf etmək qəbuledilməzdir", - bəyanatda yazılıb.

Nazirlər həmçinin bildiriblər ki, Avropa İnsan Haqları Məhkəməsi Navalnının tutulmasına rəvac verən məhkəmə qərarını da dəstəkləməyib. 

"Rusiya hökumətini qeyri-şərtsiz və dərhal cənab Navalnını azad etməyə çağırırıq... Biz cənab Navalnının, etirazçıların və jurnalistlərin həbsdən azad olunmaları barədə beynəlxalq çağırışlara Rusiyanın necə reaksiya verəcəyini, eləcə də cənab Navalnının zəhərlənməsinə görə cinayət işinin necə araşdırılacağını nəzarətdə saxlayacağıq", - nazirlər bildiriblər. 

Qeyd edək ki, yanvarın 23-də Rusiyanın müxtəlif şəhərlərində razılaşdırılmamış etiraz aksiyaları keçirilib. İnsanları mitinqlərə Navalnının tərəfdarları səsləyiblər. Saxlanılanlara hökumət nümayəndələrinə qarşı zorakılıq, yolların bağlanması, xuliqanlıq və sanitariya qaydalarının pozulmasına görə bir neçə cinayət işi açılıb. 

Aleksey Navalnı isə yanvarın 17-də Şeremetyevo aeroportunda həbs olunub. Həmin gün o, uzun müddət Almaniyada zəhərlənmədən müalicə aldıqdan sonra vətəninə qayıtmışdı.

13
Teqlər:
Rusiya, azadlıq, tələb, nazirlər, G7, Aleksey Navalni