Türkiyə prezidenti Rəcəb Tayyib Ərdoğan

Ərdoğanın ehtiyatlandığı "qəribə ssenari" ortaya çıxdı

1013
(Yenilənib 11:54 26.04.2018)
CHP-nin və ya İYİ partiyanın namizədi ikinci tura qala bilsə, ikisindən biri digəri üçün öz namizədliyindən imtina edərək, öz seçicilərini həmin namizədə səs verməyə səsləyə bilər

BAKI, 26 aprel — Sputnik. Türkiyə prezidenti Rəcəb Tayyib Ərdoğanın "qəribə ssenari" dediyi məsələ bəlli olub — Türkiyə Konstitusiyasının 101-ci maddəsi. Sputnik Azərbaycan Türkiyə mətbuatına istinadla xəbər verir ki, ölkə Konstitusiyasının 101-ci maddəsinə görə, seçkinin ikinci turuna qalan müxalif namizəd seçkidən geri çəkilib, başqa bir namizədin önünü aça bilər. Nəticədə, digər bütün partiyalar da həmin namizədi dəstəkləyərək, iqtidarın namizədinə qarşı ciddi təhlükə yarada bilər.

CHP lideri Kamal Kılıçdaroğlu Beştəpədəki prezident iqamətgahında Türkiyə prezident Rəcəb Tayyib Ərdoğanla görüşür
© REUTERS / Kayhan Ozer/Presidential Palace/Handout

Xatırladaq ki, bu günlərdə partiyasının iclasında Rəcəb Tayyib Ərdoğan ortada qəribə bir ssenarinin olduğunu bildirmişdi. O demişdi ki, həftə sonuna qədər bu ssenarinin necə oynanılacağı bəlli olacaq.

Məlumat üçün qeyd edək ki, son referendumla Konstitusiyanın 101-ci maddəsinə əhəmiyyyətli dəyişiklik edilib. Ərdoğanı narahat edən "qəribə ssenari" də bununla bağlıdır. Maddədə qeyd olunur ki, ikinci turda iştirak etməyə haqq qazanan namizədlərdən biri öz namizədliyini özündən az səs toplayan başqa bir namizədin xeyrinə geri çəkə bilər.

İddiaya görə, Ərdoğanla birlikdə CHP-nin və ya İYİ partiyanın namizədi ikinci tura qala bilsə, ikisindən biri digəri üçün öz namizədliyindən imtina edərək, öz seçicilərini həmin namizədə səs verməyə səsləyə bilər. Və bütün digər müxalifət partiyaları həmin namizədi dəstəkləyə bilər.

1013
Teqlər:
101-ci maddə, qəribə ssenari, ikinci tur, Konstitusiya, seçki, Rəcəb Tayyib Ərdoğan, Türkiyə, müxalifət, namizəd, prezident
Əlaqədar
İlham Əliyevin Türkiyəyə rəsmi səfəri başa çatdı
Türkiyənin keçmiş müdafiə naziri öldürüldü
Əliyev və Ərdoğan dünyaya önəmli mesajlar verdilər
Ərdoğan narahatdır: “Ortada ssenari var”
Ərdoğanın başı dərddə: Əsas rəqibi namizəd oldu
Belorusda seçkinin gedişi zamanı

Belarus MSK ilkin nəticələri açıqlayıb

106
Komissiyanın məlumatına görə, beş regionun səsvermələrinin nəticələrinə əsasən hazırkı dövlət başçısı Aleksandr Lukaşenko seçkilərdə liderdir.

BAKI, 10 avqust - Sputnik. Belarusun Mərkəzi Seçki Komissiyası bu gün ölkədə keçirilən prezident seçkilərinin ilkin nəticələrini açıqlayıb.

Bu barədə Sputnik Azərbaycan RİA Novosti-yə istinadən xəbər verir.

Komissiyanın məlumatına görə, beş regionun səsvermələrinin nəticələrinə əsasən hazırkı dövlət başçısı Aleksandr Lukaşenko seçkilərdə liderdir. O, seçicilərin 82%-nin səslərini toplayıb. 

Qeyd edək ki, Lukaşenko altıncı dəfədir prezident seçkilərində namizəddir.  

106
Musiqi qulaq asan şəxs, arxiv şəkli

Musiqi ilə məşq edin, o zaman...

9
Bu, musiqi ilə məşq etməklə yaranan müsbət əhval-ruhiyyənin təkcə insanın xarici görkəminə deyil, həm də idrak qabiliyyətlərinə təsir etdiyini göstərən ilk araşdırmadır.

BAKI, 9 avqust — Sputnik. Tsukuba Universitetinin tədqiqatçıları 33 gəncin idman məşqlərini bitirdikdən sonra əhval-ruhiyyəsini qiymətləndirib.

Sputnik Azərbaycan xarici mətbuata istinadla xəbər verir ki, məşqlər zamanı onlara musiqi və bir sıra səs siqnalları dinləndirilib. Musiqiyə qulaq asanların daha yaxşı əhval-ruhiyyədə olduğu və beyin testlərində daha yaxşı idrak performansı göstərdiyi məlum olub.

Alimlər iddia edirlər ki, insan fiziki işlə məşğul olan zaman musiqi dinləyərsə, bu onun əhval ruhiyyəsini yaxşılaşdırar.

"Musiqi ilə rəqs, səs siqnalları ilə müqayisədə həyat gücünü daha da artırır", - deyə qeyd edilir.

Əvvəlki tədqiqatlar göstərir ki, məşq beynin müəyyən bir hissəsində dorsolateral prefrontal korteks (DLPC) fəaliyyətini artırır.

Müəyyən edilib ki, beynin bu sahəsi aktivləşdirildikdə düşüncə, diqqət və qısamüddətli yaddaşa yol açır.

Bu, musiqi ilə məşq etməklə yaranan müsbət əhval-ruhiyyənin təkcə insanın xarici görkəminə deyil, həm də idrak qabiliyyətlərinə təsir etdiyini göstərən ilk araşdırmadır.

Bir müddət əvvəl isə dietoloqlar yemək zamanı sakit musiqi dinləməyin qidalanma prosesini yavaşlatdığını açıqlamışdı.

9