Ermənistanda kütləvi aksiya

Ermənistanda etirazların ardı-arası kəsilmir, spiker müxalifət liderinə yalvarır

1039
(Yenilənib 12:05 23.04.2018)
Milli Məclisin sədri vəziyyətin stabilləşməsini xahiş etmək məqsədilə müxalifət liderləri ilə görüşüb

BAKI, 23 aprel — Sputnik. Ermənistan Milli Məclisinin sədri Ara Babloyan müxalifət fraksiyası olan "Yelk"in rəhbəri, "Mənim addımım" müxalifət hərəkatının lideri Nikol Paşinyan, həmçinin fraksiyanın deputatları Ararat Mirzoyan və Sasun Mikaelyanla görüşüb.

Bunu Sputnik Ermənistan-a parlamentin ictimaiyyətlə əlaqələr şöbəsinin rəisi Arsen Babayan bildirib. Onun sözlərinə görə, Babloyan ümid edir ki, həmkarları onun xahişlərini yerinə yetirəcəklər.

"Parlamentin spikeri həmkarlarını ilk növbədə bir həkim, bir baba və qayğıkeş bir yoldaş olaraq ziyarət edib. Babloyan ümid edir ki, həmkarları onun sözünü eşidəcək və xahişini yerinə yetirəcək" — deyə Babayan bildirib.

Bu arada Yerevan Dövlət Universitetinin tələbələrinin böyük əksəriyyəti dərs prosesini boykot edərək "Mənim addımım" aksiyasına qoşulublar. Onların aksiyasına Mxitar Heratsi adına Yerevan Dövlət Tibb Universitetinin və Xaçatur Abovyan adına Ermənistan Dövlət Pedaqoji Universitetinin tələbələri də dəstək veriblər. Pedaqoji Universitetin 150 tələbəsi bu gün dərsləri boykot edib. Ötən həftə isə Universitet tələbələrinin 50%-i dərsləri boykot etmişdi. Tibb Universitetinin tələbələri ağ xalatlarla, qol-qola girərək küçələrə çıxıblar.

Xatırladaq ki, baş nazir Serj Sarqsyan və müxalifət lideri Nikol Paşinyan arasında keçirilən uğursuz görüşdən sonra, aprelin 22-də nümayişlərin dağıdılmasına başlanıb. Qarşıdurma zamanı Paşinyan və onun rəhbərlik etdiyi "Yelk" fraksiyasının deputatları Ararat Mirzoyanla Sasun Mukaelyan naməlum istiqamətə aparılıb. Bir neçə saat sonra Baş Prokurorluq onların saxlanıldığını xəbər verib.

Nikol Paşinyanın "Facebook"dakı rəsmi səhifəsində onun Yerevandan 65 km uzaqlıqda olan Sevan şəhərindəki polis idarəsində saxlanıldığı bildirilib. Paşinyan və həmkarları qanunsuz kütləvi aksiyalar keçirməkdə günahlandırılır.

Ermənistanın baş naziri Serj Sarqsyanla Paşinyanın aprelin 22-də keçirilən uğursuz görüşündən 1,5 saat sonra polis paytaxtın mərkəzi meydanına toplaşan və yolları bağlayan nümayişçiləri qovmağa, kütləvi aksiyanı dağıtmağa başlayıb.

Qeyd edək ki, Ermənistanda Paşinyanın təşəbbüsü ilə baş tutan "Mənim addımım" piyadaların etiraz aksiyası bütün ölkəni bürüyüb. Aprelin 13-dən başlayaraq Paşinyan və onun tərəfdarları Gümrü, Vanadzor, Spitak, Dilican, Abobyan və Razdan rayonlarını əhatə edən itaətsizlik aksiyasına start veriblər. Sonra onlar Yerevanda küçələrə çıxaraq avtomobillərin hərəkət etdiyi yolları bağlayıblar.

Aprelin 13-də Paşinyan və tərəfdarları Dövlət Tibb Universitetinə daxil olaraq rektorun otağına girməyə cəhd ediblər. Universitetin təhlükəsizlik xidmətinin iki əməkdaşı onlarla çarpışmada xəsarət alıb.

Aprelin 14-də etirazçılar polis kordonunun arasından keçərək Ermənistan İctimai Radiosunun binasına giriblər. Bu bina dövlət mühafizəsində olan strateji binadır. Aksiyaçılar binanın bağlı qapısını qıraraq radiostudiyaya daxil olublar. Aprelin 14-dən 15-nə keçən gecə isə onlarla mitinqçilər küçələrdə çadır quraraq gecəni orada keçiriblər.

Aprelin 17-də müxalifət "məxməri inqilab"ın başlandığını bəyan edib. Etirazçılar eks-prezident Serj Sarqsyanın parlament tərəfindən baş nazir postuna seçilməsinə etiraz edir, onun siyasi komandasının hakimiyyətdən getməsini istəyirlər. Bu günə qədər Ermənistanda 200-dək nümayişçinin həbs edildiyi bildirilir.

1039
Teqlər:
"Mənim addımım", Ara Babloyan, Nikol Paşinyan, Serj Sarqsyan, Yelk, fraksiya, etiraz, Ermənistan, Milli Məclis, deputat, müxalifət, aksiya
Mövzu:
Ermənistanda etiraz aksiyaları (35)
Əlaqədar
Yerevanda Hökumət Evində toqquşmalar gedir
Yüzlərlə "qanuni oğru" Yerevanda cəmləşdi: Ya Sarqsyanın kəlləsi gedəcək, ya da...
Yerevan meriyası mühasirəyə alındı
Yerevana əlavə qüvvə yeridilib, vəziyyət nəzarətdən çıxır
Yerevanı bir neçə saat ərzində qorxu altında saxlayan bakılı
Arxeoloji qazıntılar, arxiv şəkli

Yeddi min ilin sirri - Polşada qədim xəndəklər aşkar edilib

11
(Yenilənib 23:51 06.07.2020)
Polşada daha əvvəl buna bənzər tapıntı aşkarlanmayıb. Ancaq Slovakiyada, Çexiyada, Macarıstanda və digər ölkələrdə buna bənzər çıxıntılar - quruluşlar hələ də qalıb.

BAKI, 7 iyul — Sputnik. Arxeoloqlar qrupu Polşanın şimalında naməlum mənşəli xəndəklər sistemi aşkarlayıb. Sputnik Azərbaycan xarici mətbuata istinadla xəbər verir ki, tədqiqatlarla müəyyən edilib ki, hündürlükdən onlar tək şəkil kimi görünürmüş.

Xəndəklər ilk dəfə "Google Maps" və "Google Earth" xəritələrinin köməyi ilə gözə çarpıb. Alimlərin fikrincə, obyektlərin 7 minə yaxın yaşı var.

Polşada daha əvvəl buna bənzər tapıntı aşkarlanmayıb. Ancaq Slovakiyada, Çexiyada, Macarıstanda və digər ölkələrdə buna bənzər çıxıntılar - quruluşlar hələ də qalıb.

Xəndəklər bir mərkəz ətrafında oval şəklində qazılıb və bəzi yerlərdə torpaq "körpülər" qorunub saxlanılıb.

Xəndəklərin eni üç metr, dərinliyi iki metrdir. Ən böyüyünün diametri 85 metr təşkil edir. Yəqin ki, qədim tayfalar onları sümük alətlərinin köməyi ilə qazıblar, bu da çox səy və vaxt tələb edib. Arxeoloqların sözlərinə görə, gil torpaqlarda müasir avadanlıqlarla belə qaıntı aparmaq çətindir.

Elm adamları bu quruluşların ritual məna kəsb etdiyini düşünürlər. Ancaq burada hansı ayinlərin keçirildiyi hələ müəyyən edilməyib. İçəridə olan qədim kömür izləri burada hansısa tikilinin olduğunu və sonradan yandığını sübut edir.

11
London, arxiv şəkli

Fərdi sanksiyalar! Britaniya rusiyalılara səudiyyəlilərə qarşı "müharibəyə" başlayır

5
(Yenilənib 23:01 06.07.2020)
Bəzi rusiyalılara Birləşmiş Krallığa daxil olmaq qadağan ediləcək və onların Britaniya banklarındakı hesabları dondurulacaq.

BAKI, 6 iyul — Sputnik. Böyük Britaniyanın Xarici İşlər naziri Dominik Raab bazar ertəsi "Maqnitski düzəlişi" çərçivəsində insan hüquqlarının pozulmasına görə barəsində sanksiyalar tətbiq ediləcək Rusiya və Səudiyyə Ərəbistanı vətəndaşlarının adlarını açıqlayacaq.

Sputnik Azərbaycan xəbər verir ki, bu barədə "Financial Times" qəzeti nazirin özünə istinadən məlumat yayıb.

Nəşrin məlumatına görə, bəzi rusiyalılara Birləşmiş Krallığa daxil olmaq qadağan ediləcək və onların Britaniya banklarındakı hesabları dondurulacaq. "Financial Times" yazır ki, sanksiya siyahısında "işgəncə icraçılarının, qatillərin və təcavüzkarların" adları olacaq.

Raabın qara siyahısına, Londonun fikrincə, 2009-cu ildə hüquqşünas Sergey Maqnitskinin ölümündə əli olan şəxslərin adları da daxil ediləcək. Nəşrin məlumatına görə, sanksiyalar dərhal qüvvəyə minəcək.

Qəzetin yazdığına görə, siyahıda müxalifətçi jurnalist Camal Qaşıqçının öldürülməsində əli olduğu şübhəli bilinən Səudiyyə Ərəbistanı təbəələrinin də adları olacaq.

5