Католикос Киликийский Арам I

Katolikos: Ermənistandakı mitinqlər üsyanın əlamətidir

156
(Yenilənib 16:42 20.04.2018)
Erməni kilsə xadimi: "Erməni qanının müqəddəs erməni torpağına tökülməsini bağışlamayacağıq"

BAKI, 20 aprel — Sputnik. Erməni xalqının problemləri birlikdə müzakirə edilməlidir və bütün bunlar Ermənistan prezidentinin himayəsi altında həll olunmalıdır.

Bu sözləri Kilikiya katolikosu I Aram Cilicia TV-yə verdiyi müsahibədə bildirib. Katolikosun sözlərinə görə, bütün bunlar qarşılıqlı anlaşma şəraitində yoluna qoyulmalıdır.

"Hazırda Ermənistan narahatdır. Və biz hamımız da bundan narahatıq. Ermənistanın çiçəklənməsi və güclənməsi bizim qarşımızda duran vəzifə və borcdur. Erməni xalqının qayğıları bizim qayğılarımızdır. Ona görə də biz xalqımızın problemlərinə biganə qala bilmərik" — deyə I Aram bildirib.

O qeyd edib ki, bu gün Yerevan küçələrində baş verənlərə biganə qalmaq olmaz. Katolikosun sözlərinə görə, yalnız xalq güc və əbədiyyətə zəmanət verə bilər. 

Серж Саргсян
© AP Photo / Markus Schreiber

"Bu xalq isə biz hamımızıq: istər prezident, yaxud baş nazir olsun, istər kilsə xadimi və kilsə xadimi olmayan olsun, istərsə də tələbə və adi adam" — deyə katolikos bildirib.

I Aram, həmçinin bildirib ki, bütün ermənilərin ana vətənə bağlı olduğunu düşünür. Onun sözlərinə görə, dövlət xadimləri onları seçən insanlar qarşısında məsuliyyət daşıyırlar.

Erməni Apostol kilsəsinin Kilikiya katolikosluğunun başçısı əmindir ki, xalq ölkədə baş verənləri izləməyə məhkumdur. Eyni zamanda zərurət olduğu halda xalqın öz narazılığını sivil şəkildə ifadə etmək hüququ var.

Katolikosun sözlərinə görə, son günlər Ermənistanda baş verən mitinqlər üsyanın əlamətidir. 

"Üsyanın səbəbi nə olursa olsun, ermənilərin qanının müqəddəs erməni torpağına tökülməsi bağışlanmazdır" — deyə I Aram bildirib.

I Aram bu gün Ermənistana gəlib və elə bu gün də Antiliasa (Livan) qayıdacaq. Bəzi mənbələr erməni kilsə xadiminin Ermənistanda baş verənlərin səbəblərini öyrənmək və problemin həllinə yardım etmək məqsədilə səfər etdiyini bildirib. Erməni kilsəsinin baş verənlərlə əlaqədar kimin tərəfini tutacağı I Aramın mövqeyindən də xeyli dərəcədə asılıdır.

156
Mövzu:
Ermənistanda etiraz aksiyaları (35)
Əlaqədar
Parlament Serj Sarqsyanın taleyini həll etdi
İlham Əliyev və Serj Sarkisyanın görüşünün yeri və tarixi bilindi
Serj Sarkisyan hökuməti istefaya göndərdi
Serj Sarkisyandan tarixi etiraf
Serj Sarkisyan: "Mən Azərbaycan Prezidentinə zəng vurub məlumat verə bilərəm"
Zeytun yağı

Qızartmalar üçün hansı yağları seçməli: rus alim xəstəlik mənbəyi olan qidaları açıqladı

122
70 dərəcədən yuxarı temperaturda bizim orqanizmimizə lazım olmayan və uzun müddət istifadə zamanı onkoloji xəstəliklərə səbəb ola biləcək sərbəst radikallar meydana çıxır

BAKI, 6 avqust — Sputnik. Qızartmalar üçün kərə yağından istifadə etmək təhlükəli ola bilər. Bu barədə Sputnik radiosuna müsahibəsində qastroenteroloq, dietoloq, tibb elmləri namizədi İrina Berejnaya bildirib.

Onun fikrincə, ən yaxşısı ərzaqları quru tavada, ya da qril şəklində qızartmaqdır. Amma çoxları bunu kərə yağında etməyə üstünlük verirlər. Əgər kərə yağını təzə-təzə yemək təhlükəsizdirsə, ondan məhsulların qızardılması üçün istifadə etməmək daha yaxşıdır.

"Təzə kərə yağı müəyyən miqdarda tamamilə təhlükəsizdir. O, həmçinin xolesterin mübadiləsinə təsir baxımından özünü doğruldur. Qızardılmış məhsullara gəldikdə, burada kərə yağını istifadə etməmək daha yaxşıdır. 70 dərəcədən yuxarı temperaturda bizim orqanizmimizə lazım olmayan və uzun müddət istifadə zamanı onkoloji xəstəliklərə səbəb ola biləcək sərbəst radikallar meydana çıxır", – deyə İrina Berejnaya xəbərdarlıq edib.

Dietoloq deyib ki, yeməkləri hazırlamaq üçün quyruq yağından istifadə edə bilərsiniz, amma bu da ən yaxşı seçim deyil.

"Quyruq yağı öz strukturuna görə çox maraqlı məhsuldur. Həmçinin xolesterin mübadiləsinə mənfi təsir göstərmir. Bundan yeməklərin hazırlanmasında istifadə edilə bilər. Lakin uzun müddət istifadə edildikdə və yüksək temperaturda çox yüksək kalorili olacaq. Buna görə də eyni sərbəst radikalların meydana gəlməsi mümkündür. Ola bilsin, sərbəst radikallar kərə yağına nisbətdə daha az əmələ gələcək. Məhsulları zeytun yağında qızartmaq daha yaxşıdır, çünki bu, yüksək temperaturda sərbəst radikalların meydana gəlməsini təmin etməyən yeganə yağdır", – deyə dietoloq əlavə edib.

Xatırladaq ki, bu günlərdə həkim-dietoloq Andrey Bobrovski qafqazlıların uzunömürlülüyünün sirrinin manqalda bişmiş ətdə olduğunu demişdi. "Ətin qrildə və ya manqalda bişirilməsi ən dietik üsuldur. Digər üsullardan fərqli olaraq açıq manqalda bişirmə artıq yağları aradan götürür. Yağ bişdikdə əriyib axır. Tavada bişirilən zaman isə əksinə yağ yığılır və ətə hopur", - deyə Bobrovski bildirmişdi.

 

122
Əlaqədar
Yumurta yeyin, arıqlayın...
Adi göbələkdir, amma qanda şəkəri azaldar, mədə florasını bərpa edər
Gül plantasiyalarından kiçik şüşəyə: Qızılgüldən yağ necə alınır
Qafqaz uzunömürlülüyünün sirri - Hər şey kababla bağlı imiş
Buna da növbə çatdı - Şokolad ziyanlı imiş
Tibb işçidi dərman göstərir, arxiv şəkli

Vəssalam! Koronavirusun dərmanına patent aldılar

319
(Yenilənib 23:40 06.08.2020)
Dünyanın bir çox ölkəsində koronavirusun müalicəsində bir sıra dərmanlar sınaqdan keçirilsə də, əksər əczaçılıq şirkətləri və elmi-tibbi qurumlar diqqətlərini vaksinin hazırlanmasına yönəldiblər

BAKI, 6 avqust — Sputnik. Rusiya Federal Tibbi-Bioloji Agentliyi (FTBA) koronavirusu dəf etməyə və ya fəsadlarını aradan qaldırmağa kömək edən dərmana patent alıb.

Sputnik Azərbaycan RİA Novosti-yə istinadən bildirir ki, dərmanın adı “Leytragin”dir (Лейтрагин).

"Rusiya FTBA COVID-19-a qarşı preparatı patentləşdirdi. Bu praktik tibbə daxil olan, delta-opioid reseptorlarının dünyada ilk və hələlik yeganə aqonistidir", - agentliyin məlumatında deyilir. 

FTBA-nın biotibbi texnologiyalar elmi mərkəzinin alimləri müəyyən ediblər ki, ilkin adı "dalargin" olan dərman toxumaların sağalması və regenerasiyası proseslərində aktiv iştirak edir. Bundan başqa, bu sinfə daxil olan maddə immun cavabının təşkilində də aktiv rol oynayaraq koronavirus infeksiyası olan xəstədə ağır respirator və ümumi sistem pozulmalarına gətirib çıxaran "sitokin hücumunun" - iltihab yaradan maddələrin təsiri azalda, yaxud da onu dəf edə bilir. 

Qeyd edək ki, dünyanın bir çox ölkəsində koronavirusun müalicəsində bir sıra dərmanlar sınaqdan keçirilsə də, əksər əczaçılıq şirkətləri və elmi-tibbi qurumlar diqqətlərini vaksinin hazırlanmasına yönəldiblər. Məsələn, avqustun 2-də Rusiyanın “Vektor” dövlət elmi mərkəzi koronavirus əleyhinə peyvəndin noyabrda istehsalını planlaşdırdığını bəyan edib. Mərkəzin rəhbəri Rinat Maksyutov “Rossiya-1” telekanalına müsahibəsində deyib ki, ilin sonuna, gələn ilin əvvəlinə, ən azı, risk qrupundan olunanların vaksinasiya olunmasından, sonra isə kütləvi peyvənddən danışmaq olar.
Avqustun 1-də Rusiyanın Səhiyyə naziri Mixail Muraşko bildirib ki, rusiyalılar üçün koronavirus əleyhinə vaksin pulsuz olacaq.

319
Teqlər:
Rusiya, dərman, dünya, Koronavirus, COVID-19
Mövzu:
Dünyanı cənginə almış bəla
Əlaqədar
Cihazlar, geyim, dərman, qida... - Hər şey onların təminatından başlayır
Dövlət hesabına dərman alan xəstələr saatlarla xəstəxana qarşısında gözləyirlər - Deputat
COVID-19-dan sağalanlara iki vitamin məsləhət gördülər
Koronavirusu spreylə dayandıracaqlar
Koronavirusla mübarizədə yeni preparat tapıldı – 90 faiz effektivlik göstərib
Ev şəraitində müalicə alanlar, tövsiyəyə əməl edin