Серж Саргсян

Sarqsyan etirazçılara haqq qazandırdı: Ölkədə həyat səviyyəsi çox aşağıdır

249
(Yenilənib 03:12 20.04.2018)
"Ermənistan kimi ölkələrdə bu narazılıq daha da kəskindir, çünki həyat səviyyəsi insanlara heç olmasa orta səviyyədə öz ehtiyaclarını ödəməyə imkan vermir"

BAKI, 20 aprel — Sputnik. Hakimiyyət ölkədə narazılığın olmasına anlayışla yanaşırlar, lakin bu, özbaşınalıq mühiti yaratmamalıdır. Sputnik Ermənistan-ın məlumatına görə, Ermənistanın baş naziri Serj Sarqsyan "Şant" telekanalına müsahibəsində belə deyib.

Onun sözlərinə görə, bütün cəmiyyətlərdə narazılıq mövcuddur. Baş nazir əmindir ki, Ermənistan kimi ölkələrdə bu narazılıq daha da kəskindir, çünki həyat səviyyəsi insanlara heç olmasa orta səviyyədə öz ehtiyaclarını ödəməyə imkan vermir. 

"Artıq çox illərdir ki, Ermənistanda insanların narazılığını bildirməsinə heç bir maneə yoxdur (qeyri-dinc yollardan başqa). Fikrimcə, bu həm hakimiyyətə, həm də həmin insanların özlərinə sərf edir" — Sarqsyan bildirib. 

Onun sözlərinə görə, problem başqa müstəvidədir və söhbət bu narazılığın nə dərəcədə qanuni üsulla ifadə edilməsindən gedir.

Sarqsyan bəyan edib ki, hakimiyyət hətta nümayiş və mitinqlərin digər vətəndaşların hüquqlarının həyata keçməsinə mane olmasına anlayışla yanaşırlar.

"Lakin əgər bir neçə yüz və yaxud onlarla insan dinc aksiya çərçivəsindən çıxan hərəkətlər edirlərsə, digərlərinin haqlarını kobud şəkildə pozurlarsa… Burada ortaya sual çıxır: niyə valideynlər uşaqları məktəbə göndərirkən narahat olmalıdırlar? Niyə mən, fəhlə olaraq hansısa insanların ölkədə qeyri-sabitlik yaratmaq istəyi ucbatından işə 2-3-4 saat gecikməliyəm?" — Sarqsyan deyib.

Onun sözlərinə görə, problem ondadır ki, bir qrup şəxs ölkədə qeyri-sabitlik yaratmaq istəyirlər. 

Ermənistanda iğtişaş
© Sputnik / Asatur Yesayants

Baş nazir qeyd edib ki, hüquq-mühafizə orqanları təmkinlidirlər və o özü də istəmir ki, etirazın ifadə forması polisin məcburən güc tətbiq etməsinə gətirəcək qədər qanunsuz şəkil alsın.

Sarqsyan bildirib ki, güc tətbiq olunmasını istəməsə də, ölkədə özbaşınalıq mühiti hökm sürə bilməz.

Müxalifət lideri, "Yelk" ("Çıxış") parlament fraksiyasının rəhbəri Nikol Paşinyanın rəhbərlik etdiyi hərəkat aprelin 13-dən etibarən Yerevan küçələrində Serj Sarqsyanın baş nazir seçilməsinə qarşı etiraz aksiyaları, mitinq və yürüşlər keçirir. Etirazçılar şəhərin mərkəzində küçə və döngələri bağlayır, inzibati binalara girişi bağlamağa çalışırlar. Polis artıq onlarla etirazçını saxlayıb.

249
Əlaqədar
"Nə Ermənistana gedəcəm, nə də Qarabağa, mən Azərbaycanı dəstəkləyirəm!"
Politoloq Ermənistandakı gərginliyin nə ilə nəticələnə biləcəyindən danışır
Ermənistanda ilk kadrlar: Müdafiə və xarici işlər nazirləri təyin edildi
Ermənistanda nə baş verir?
Azərbaycan və Türkiyə bayraqları olan tablo, arxiv şəkli

Ankara Opera Balet Teatrında ölkəmizə dəstək məqsədilə bədii proqram təqdim ediləcək

6
(Yenilənib 23:33 23.11.2020)
Proqramda solistlər Şəfiqə Kutluər və Şənol Talınlı zəfər tərənnümlü ifalarla tamaşaçıların qarşısına çıxacaqlar. Konsert noyabrın 27-də baş tutacaq.

BAKI, 23 noyabr — Sputnik. Ankara Opera və Balet Teatrında Azərbaycana dəstək məqsədilə zəngin bədii proqram təqdim ediləcək.

Sputnik Azərbaycan xəbər verir ki, proqram Azərbaycanın Türkiyədəki Səfirliyi, Türkiyə-Azərbaycan Dostluq, Əməkdaşlıq və Həmrəylik Fondu (TADƏHF) və Anadolu Mədəniyyətlərin araşdırılması və inkişafı dərnəyi tərəfindən birgə təşkil olunacaq.

Proqramda solistlər Şəfiqə Kutluər və Şənol Talınlı zəfər tərənnümlü ifalarla tamaşaçıların qarşısına çıxacaqlar. Konsert noyabrın 27-də baş tutacaq.

6
Teqlər:
dəstək, proqram, teatr
Azərbaycanlı şahmatçı Teymur Rəcəbov, arxiv şəkli

Teymur Rəcəbov Levon Aronyana qalib gəlib

19
Ağ fiqurlarla oynayan Rəcəbov qələbə qazanıb. Bununla da Teymur 7 oyundan sonra xal hesabını 3,5-ə çatdırıb.

BAKI, 23 noyabr - Sputnik. Onlayn şahmat üzrə “Skilling Open” turniri davam edir.

Apasport.az saytının məlumatına görə, Azərbaycan qrossmeysteri Teymur Rəcəbov VII turda prinsipial qarşılaşmaya çıxıb.

Şahmatçımız ermənistanlı Levon Aronyanla qarşılaşıb. Ağ fiqurlarla oynayan Rəcəbov qələbə qazanıb. Bununla da Teymur 7 oyundan sonra xal hesabını 3,5-ə çatdırıb.

Qeyd edək ki, turnirin əsas mərhələsində 16 şahmatçı bir dövrəlik dairəvi sistemlə mübarizə aparır. Üçgünlük mübarizədən sonra pley-off start götürəcək.

19
Teqlər:
şahmat turniri, Teymur Rəcəbov, qalib, qələbə, şahmat

Kafe restoranlarda karantin tələblərinin tətbiqi üzrə əlaqələndirici şəxs olacaq

0
(Yenilənib 23:47 23.11.2020)
İctimai iaşə müəssisələrində COVİD-19-la əlaqədar karantin tələblərinin tətbiqi üzrə əlaqələndirici şəxs olacaq.

BAKI, 24 noyabr - Sputnik. “Koronavirus (COVID-19) pandemiyası dövründə ictimai iaşə müəssisələrinə müştəri qəbulu ilə bağlı bəzi məsələlərin tənzimlənməsi barədə” Azərbaycan Respublikası Nazirlər Kabinetinin 2020-ci il 6 iyul tarixli 237 nömrəli Qərarına edilən dəyişikliyə əsasən hər bir ictimai iaşə müəssisəsi tərəfindən karantin tələblərinin tətbiqi üzrə əlaqələndirici şəxs müəyyənləşməlidir.

Sputnik Azərbaycan-ın məlumatına görə, bu barədə Nazirlər Kabinetinin qərarına dəyişiklik edilib. 

Dəyişikliyə əsasən, karantin tələbləri üzrə əlaqələndirici (məsul) şəxs funksiyaları ictimai iaşə müəssisəsinin işçilərindən birinə həvalə edilir. Bu təyinat müəssisədaxili rəsmiləşdirilməlidir.

Həmin məsul şəxs epidemiya əleyhinə mövcüd tələblərin müəssisədə tətbiqinin təşkili, bu tələblərin yerinə yetirilməsinə yerində nəzarəti həyata keçirməklə bərabər nəzarətedici dövlət qurumları ilə qarşılıqlı fəaliyyətdə əlaqələndirici olacaq, müəssisənin işçilərini təlimatlandıracaq, dezinfeksiya tədbirlərini təşkil edəcək, bu tədbirlərin müəssisədaxili qeydiyyat formaları və cədvəllərini tərtib edəcək, icrasına müəssisə daxilində nəzarət edəcək.

Məsul şəxs koronavirusla (COVID-19-la) mübarizə ilə bağlı xəbərdaredici məlumatların qonaqlara, işçi heyətə və digər əlaqəli tərəflərə çatdırılmasını təmin etməlidir. Eyni zamanda məsul şəxs bütün təmizlik və dezinfeksiya tədbirlərinin davamlı olaraq qeydiyyatının aparılması üçün gündəlik müntəzəm nəzarət formalarını, habelə keyfiyyətə nəzarət cədvəllərini tərtib etməli və onların icrasına nəzarəti həyata keçirməlidir.

0