Skyshelter göydələni

Bu da baş verdi: Qatlanan göydələn ixtira edildi

288
(Yenilənib 04:17 20.04.2018)
Sahəyə görə, binanın yüksəkliyini də tənzimləmək mümkündür.

BAKI, 20 aprel — Sputnik. Amerikanın "eVolo" jurnalı memarlıq müsabiqəsinə yekun vurub.

Sputnik Azərbaycan-ın Rusiya mətbuatına istinadən verdiyi məlumata görə, qaliblər Polşa mühəndisləri Damian Granosik, Yakub Kulisa və Pyotr Panchik olub. Onlar yarışmaya qatlanan bina layihəsini təqdim edib. Bina qatlanaraq bir qutuya qoyulub hərbi helikopter vasitsəilə bir yerdən digər yerə daşına bilər.

İdeyanın müəllifləri hesab edir ki, qatlanan göydələn təbii fəlakətlər olan bölgələrdə əvəzedilməz köməkçidir. Belə binalar operativ şəkildə insanlar üçün sığınacağa çevrilə bilər. 

Layihəyə Skyshelter.zip adı verilib. Bu ad az yerdə çox informasiya tutan və istənilən an açıla bilən zip-arxivləri əks etdirir.

Qatlanan göydələn açıldığı zaman xarici və daxili divarların yaranması üçün istifadə edilən qumaş panelləri tez bir zamanda açılır və üfüqi 3D çap plitələr mərtəbələrin üst-üstə düşməsini təşkil edərək onu müxtəlif zonalara bölür.

Qatlanan göydələnin döşəməsi və tavanı polad zəncirlərlə tavanda olan hava balonuna bağlanır.

Sahəyə görə binanın yüksəkliyini də tənzimləmək mümkündür. Məlumata görə, balona daha çox helium doldurulduğu təqdirdə bina daha yüksək ola bilər.

Göydələn sığınacaq yerində geniş zal, tibbi yardım üçün otaq, zərər çəkmişlər üçün yataq otağı, tədarük materiallarının saxlanması üçün bloklar və hətta tərəvəz və meyvə yetişdirmək üçün təsərrüfat sahəsi də mövcuddur. 

Mühəndislər binanın xüsusi nanomateriallarla çərçivəyə alınmasını təklif edib. Belə olan halda kiçik günəş panelləri elektrik enerjisi kəsilən zaman özü enerji verə bilər. Evin damındakı balonda yağış suyunun toplanması və süzülməsi üçün xüsusi bir boşluq da olacaq.

Memarlara görə, göydələn fəlakət qurbanlarına ilk yardımı təmin etmək üçün qurulan çadır və konteynerlərdən 30 dəfə az yer tutur. Bu, qasırğa, daşqın və ya zəlzələdən sonra əraziləri təmizləmək üçün vaxtı azaldır və insanların evlərinə yaxın qalmasına imkan verir.

Bina rahatlıqla qatlanır və qutuya yerləşdirilərək bir yerdən başqa yerə aparıla bilir.

288
Əlaqədar
Yanğın başlayan binanın sakinləri təxliyə olunub
Bakıda binada yanğın oldu: Sakinlər təxliyə edildi
Bakıda tikilməkdə olan yaşayış binası yanır
Yeni tikili, sovet binası, yoxsa fərdi ev - Qiymətlər nə deyir?
Jenevada Ümumdünya Səhiyyə Təşkilatının mənzil-qərargahı, arxiv şəkli

Dağlıq Qarabağ münaqişəsinə dair ÜST-ün Avropa üzrə regional direktoru bəyanat yaydı

0
Ümumdünya Səhiyyə Təşkilatı indiyə qədər müşahidə edilməmiş bu ictimai səhiyyə təhdidindən qorunmaq üçün vaxt itirməməyə və səyləri artırmağa çağırır.

BAKI, 22 oktyabr — Sputnik. Ümumdünya Səhiyyə Təşkilatı (ÜST) Dağlıq Qarabağ və ətraf bölgələrdə hərbi əməliyyatların eskalasiyası ilə bağlı öz narahatlığını bildirir. ÜST-ün Bakı nümayəndəliyindən Sputnik Azərabycan-a verilən məlumata görə, bəyanatda qeyd olunur: "Sentyabr ayının sonundan etibarən başlayan toqquşmalar nəticəsində on minlərlə mülki vətəndaş öz yurdundan didərgin düşüb, yüzlərlə insan yaralanıb və xeyli sayda şəxs həlak olub. Biz münaqişədən zərər çəkən hər bir ailəyə, cəmiyyətin hər bir üzvünə öz dəstəyimizi ifadə edirik.

Hərbi əməliyyatlar COVID-19-a yoluxma sayının artmasına böyük təsir göstərir. Davamlı toqquşmalar nəticəsində insanların bir yerdən digərinə köçü əhalinin sağlamlığı ilə bağlı vəziyyətin pisləşməsinə səbəb olacaqdır.

Münaqişə, pandemiya səbəbindən yükü artan səhiyyə sistemini daha da yükləməklə onun işinə birbaşa mənfi təsir göstərir. Bu, ÜST-nin Avropa regionunda COVID-19-a yoluxma hallarının sayının artmağa davam etdiyi bir vaxta təsadüf edir.

Ümumdünya Səhiyyə Təşkilatı indiyə qədər müşahidə edilməmiş bu ictimai səhiyyə təhdidindən qorunmaq üçün vaxt itirməməyə və səyləri artırmağa çağırır.

ÜST münaqişə tərəflərini beynəlxalq humanitar hüquq normalarına uyğun olaraq mülki şəxsləri, həmçinin yaralılara və xəstələrə qulluq edilən tibb müəssisələrini qorumağa çağırır. COVID-19 pandemiyası zamanı bütün tibb işçilərinin zorakılıqdan qorunması onların pandemiyaya qarşı mübarizə tədbirlərini davam etdirə bilməsi üçün xüsusilə vacibdir.

Hərbi əməliyyatların dərhal dayandırılması təməl insan hüququ olan səhiyyə xidmətlərindən istifadə imkanın davamlılığı üçün vacibdir".

0
Pianoçu, arxiv şəkli

Türkiyədə yaşayan Manafzadə ailəsindən rəşadətli Ordumuz üçün "Əsgər marşı"

52
(Yenilənib 16:03 22.10.2020)
Manafzadələr ailəsi Azərbaycanın tanınması, Qarabağ həqiqətlərini dünyaya çatdırmaq məqsədilə bir sıra addımlar atıb

Şahpəri Abbasova, Sputnik Azərbaycan

BAKI, 22 oktyabr — Sputnik. Son günlər Azərbaycan Ordusunun apardığı uğurlu əməliyyatlar nəticəsində Cəbrayıl və Füzuli, Zəngilan şəhərləri də daxil olmaqla bir sıra kəndlərimizin işğaldan azad olunması xəbəri dünya azərbaycanlılarını bir daha yumruq kimi birləşdirib. Sənətindən, peşəsindən, tutduğu statusundan asılı olmayaraq hər kəs Azərbaycana dəstək olmağa çalışır. Türkiyədə yaşayan Manafzadə ailəsi kimi. Manafzadə ailəsi Cavanşir Quliyevin "Əsgər marşı" nı Şanlı ordumuzun tarixi zəfərlərinə həsr edib.

Bu məsələ ilə bağlı Sputnik Azərbaycan-a danışan Azərbaycanın Əməkdar artisti, Azərbaycanı dünyada tanıdan qadın dirijor, bəstəkar və pianoçu Turan Manafzadə bildirir ki, həmin marş Azərbaycan Respublikasının Diasporla İş üzrə Dövlət Komitəsinin xahişi ilə hazırlanıb:

"Videoda gördüyünüz 4 nəfər mən və ailə üzvlərimdir. Atam Azərbaycanın Əməkdar artisti pianoçu İslam Manafov, qardaşım Abuzər Manafzadə, anam və mənəm. Biz Manafzadə ailəsi olaraq hər zaman vətənimizi xarici ölkələrdə mədəni şəkildə təbliğ edirik. Qarabağ həqiqətlərini hər konsertimiz, layihələrimiz vasitəsilə dünyaya çatdırmağa çalışırıq. Bu layihə də Azərbaycan Respublikasının Diasporla İş üzrə Dövlət Komitəsinin bizdən xahişi idi. Bu fikir bizim də ağlımıza gəlmişdi".

Manafzadələr ailəsi Azərbaycanın tanınması, Qarabağ həqiqətlərini dünyaya çatdırmaq məqsədilə bir sıra addımlar atıb: "Mən, ata-anamla Türkiyədə yaşayırıq, qardaşım isə Vyanada yaşayır. Biz ailəliklə - 4 pianoçu bu layihəni icra etdik. Bundan əlavə, "Azərbaycanım" və "Yüksəliş" əsərlərim və qardaşım Abuzər Manafzadənin "Xocalı" əsərini müxtəlif ölkələrdə ifa etmişik".

52
Mövzu:
Azərbaycan və Ermənistan arasında müharibə

Azərbaycanın İranla sərhədindəki Ağbənddə bayrağımız dalğalanır - VİDEO

0
Dövlətimizin başçısı Ağbənd zastavasında Azərbaycan bayrağının qaldırılmasının videosunu da paylaşıb.

BAKI, 22 oktyabr - Sputnik. Ağbənd qəsəbəsinin azad edilməsi ilə Azərbaycan və İran İslam Respublikası dövlət sərhədinin tam nəzarətə götürülməsi təmin olundu.

Sputnik Azərbaycan bildirir ki, bu barədə Azərbaycan Prezidenti İlham Əliyev Twitter hesabında məlumat verərək, bu münasibətlə Azərbaycan və İran xalqlarını təbrik edib.

Həmçinin dövlətimizin başçısı Ağbənd zastavasında Azərbaycan bayrağının qaldırılmasının videosunu da paylaşıb.

​Qeyd edək ki, bu gün müzəffər Azərbaycan Ordusu Füzuli rayonunun Mollavəli, Yuxarı Rəfədinli, Aşağı Rəfədinli, Cəbrayıl rayonunun Sirik, Şıxlar, Məstəlibəyli, Dərzili kəndlərini, Zəngilanın Kolluqışlaq, Malatkeşin, Kənd Zəngilan, Genlik, Vəliqulubəyli, Qaradərə, Çöpədərə, Tatar, Tiri, Əmirxanlı, Qarqulu, Bartaz, Dəlləkli kəndlərini və Ağbənd qəsəbəsini işğaldan azad edib.

0
Mövzu:
Azərbaycan və Ermənistan arasında müharibə