Döymə, arxiv şəkli

Yüzlərlə "qanuni oğru" Yerevanda cəmləşdi: Ya Sarqsyanın kəlləsi gedəcək, ya da...

2280
(Yenilənib 17:27 18.04.2018)
Yerevanda "sxodka": Yüzlərlə kriminal avtoritet Ermənistana niyə gəlib?

BAKI, 18 aprel — Sputnik. Aralarında 200 "qanuni oğru" və 400 kriminal avtoritetin olduğu 600 məşhur şəxs dünən Yerevana toplaşıb. Sputnik Ermənistan-ın məlumatına görə, bunu "Past" qəzeti öz mənbələrinə istinadla yazıb.

Nikol Paşinyan və Valeriy Osipyan
© Sputnik / Asatur Yesayants

"Onlar nə Serj Sarqsyanı (artıq parlament onu baş nazir postuna seçib), nə də müxalifəti dəstəkləməyə gəliblər. Onlar SSRİ-də məşhur olan kriminal avtoritet və "qanuni oğru" Armen Arutyunyanın (Gömbul Armen Kanevskoy) ad günü münasibətilə toplaşıblar" — deyə məqalədə bildirilir.

Qonaqları Armenin qardaşı — məşhur avtoritet Artyom Kanevskoy qarşılayıb. Qarşılanma mərasimində kriminal avtoritet və "qanuni oğru"lardan Samvel Arutyunyan (Maneti Txa Samo), Rafael Xoyetsyan (Afo) və başqaları da olub.

Armen Kanevskoy 17 aprel 1970-ci ildə Yerevanda doğulub. 1997-ci ildə — 27 yaşında "oğru" titulunu qazanıb. Kriminal avtoritet, Rusiya mafiyasının xaç atası, "qanuni oğru" Ded Xasan (Aslan Usoyan), Saşa Volçok (Aleksandr Volkov) və Çiçxen (Otari Mikadze) tərəfindən "taclandırılıb". O, 2010-cu ildə 40 yaşında öldürülüb və Yerevandakı "Şaumyan" qəbiristanlığında dəfn edilib.

Dünən dəfn olunduğu qəbiristanlığın yaxınlığında — Yerevandakı "San Lazzaro" şadlıq sarayında, Armenin şərəfinə 700 nəfərlik nahar verilib. Məqalə müəllifi onu da qeyd edib ki, bu dəfə oğruların sxodkası gözlənilmir. Halbuki bu məlumat 100% dəqiq deyil. Birdən-birə dünyanın müxtəlif guşələrindən kriminal aləmin 600 nümayəndəsinin Ermənistana sadəcə 8 il əvvəl ölmüş avtoritetin ad gününə toplaşdığı inandırıcı deyil.

Bundan əvvəl erməni kriminal dairələrində belə söhbət gəzirdi ki, "qanuni oğru"lar müxtəlif mafioz qruplarla sıx əlaqəsi olan eks-prezident Serj Sarqsyanı dəstəkləmək üçün Yerevana toplaşıblar. Onlar Ermənistanın və xaricdəki erməni diasporu arasındakı anti-hökumət qüvvələrinin Sarqsyana qarşı təxribat hazırladığını biliblər. Onların "ad günü" toplantısının Yerevanda keçirilməsi də məhz Sarqsyana lazımi anda lazımi dəstəyi verməkdir.

Digər versiyaya görə isə, əksinə, kriminallar Yerevanda iğtişaşlar törətməklə Sarqsyanın "torbası"nı tikmək və özlərinə sərf edən siyasi qüvvəni hakimiyyətə gətirmək niyyətindədirlər. Lakin "Past"ın mənbəsi hər iki versiyanı təkzib edib. Bildirib ki, kriminal dünyasının Sarqsyan və Ermənistan hakimiyyətindən daha vacib işləri var…

2280
Teqlər:
Gömbul Armen Kanevskoy, Armen Arutyunyan, Serj Sarqsyan, kriminal avtoritet, qanuni oğru, Yerevan
Mövzu:
Ermənistanda etiraz aksiyaları (35)
Əlaqədar
Ermənistanda nə baş verir?
Ermənistan parlamentində təhlükəli anlar yaşanır
Ermənistanda qarşıdurma güclənir: Müxalifət Yerevanı mühasirəyə alır
Ermənistan paytaxtında cəhənnəm yaşanır
Роберт Кочарян

Robert Köçəryan: Ermənistan hökuməti müharibənin qaçılmaz olması üçün əlindən gələni etdi

13
(Yenilənib 06:41 05.12.2020)
Köçəryanın sözlərinə görə, bütün uğursuzluqların səbəbkarı baş nazir Nikol Paşinyandır. Çünki o, bütün danışıqlar prosesinə sıfırdan başlamağa üstünlük verib.

BAKI, 5 dekabr - Sputnik. “Müharibənin qarşısını almaq olardı, ancaq Ermənistan hökuməti müharibənin qaçılmaz olması üçün hər şeyi etdi”.

APA xəbər verir ki, bunu Ermənistanın sabiq prezidenti Robert Köçəryan “5-ci kanal” telekanalına verdiyi müsahibəsində deyib.

“Əminəm ki, Ermənistan hakimiyyəti müharibənin qaçılmaz olması üçün hər şeyi etdi. Hər şey edildi. Yeni bir şey söyləməyəcəyəm, çünki bu bir ay ərzində mətbuatı izlədim. Demək olar ki, hər şey deyildi, sadəcə, deyilənləri vahid bir təsəvvür yaratmaq üçün ümumiləşdirə bilərsiniz. Niyə danışıqlar prosesi dalana dirəndi. Qəsdən edildi. Qarşılıqlı müstəsna bəyanatlar elə bir vəziyyət yaratdı ki, hətta həmsədrlər də erməni tərəfinin nə istədiyini anlamadılar”, - Köçəryan belə deyib.

Onun sözlərinə görə, bütün bu uğursuzluqların səbəbkarı baş nazir Nikol Paşinyandır. Çünki o, bütün danışıqlar prosesinə sıfırdan başlamağa üstünlük verib.

“Tavuşda sərhəd münaqişəsi təxribatı. Bizim tərəfimizdən törədilmiş təxribat. Bəli. Şimalda. Baş Qərargah rəisi deyəndə ki, 12 iyunda Ermənistanın müharibəyə hazır olmadığı barədə məruzə göndərib və bundan bir ay sonra belə bir təxribata cəhd etmək, bu insidentin mahiyyətini şişirtmək – 70 nəfəri ordenlərlə təltif edərək, Azərbaycanı və Türkiyəni məğlub etdiyimizi demək – bunlar müharibəyə yönəlmiş təxribat deyildisə, bəs nə idi? Əgər bilirsənsə hazır deyilsən, niyə bu addımı atırsan? Çünki düşündün ki, Türkiyə və Azərbaycan bunu sadəcə həzm edəcək?” - deyə sabiq prezident sözlərinə davam edib.

R.Köçəryan bildirib ki, Azərbaycana qarşı təxribatlarda boş sözlərə meyl etmək lazım deyildi:

“Bunu da bir hökumət üzvü etdi və əminliklə deyə bilərik ki, baş nazirin qurumu tərəfindən edildi.

Yeri gəlmişkən, bu cür davranmaq yalnız o halda mümkün idi ki, sən bir üstünlüyə maliksən və o qədər güclüsən ki, bu cür nüanslara əhəmiyyət vermirsən. Ancaq bu belə deyil: resurslar, əhali, büdcə, ümumi daxili məhsul baxımından. Bu doğru deyil. Yenə deyirəm, hökumətimiz şüurlu və ya şüursuz olaraq bu müharibənin qaçılmaz olması üçün hər şeyi etdi. Bu bir həqiqətdir”.

13
Teqlər:
baş nazir Nikol Paşinyan, erməni təxribatı, Tovuz, Ermənistan, Robert Köçəryan
Biznes  ledi

İllərin sənətçisi yeni biznesə başlayıb

25
(Yenilənib 23:45 04.12.2020)
Sayan istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb

BAKI, 4 dekabr — Sputnik. Türkiyəli müğənni Seda Sayan yeni biznesə başlayıb.

Sputnik Azərbaycan xəbər verir ki, sənətçi öz adı ilə istehsal olunan ətirli kolonyanı satışa çıxarmağa hazırlaşır.

View this post on Instagram

A post shared by Seda Sayan (@sedasayan)

Artıq Seda məhsullarla çəkdirdiyi fotosunu özünün "Instagram" səhifəsində paylaşıb. O, istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb. Qeyd edək ki, kolonya qutusunun üzərində Seda Sayanın şəkli yer alıb.

25
Чингиз Абдуллаев

Xalq yazıçısı: “Tariximizi unutsaq, onlar yenidən işğala başlamaq üçün güc toplayacaqlar”

0
(Yenilənib 09:49 05.12.2020)
Xalq yazıçısı Çingiz Abdullayev deyir ki, bizim uşaqlarımızın, nəvələrimizin belə bir muzeyi olmalıdır ki, onlar gəlib görsünlər və heç zaman yaddan çıxarmasınlar
Çingiz Abdullayev: “Bizim tarixi muzeylərimiz çox olmalıdır”

Prezident İlham Əliyev Bakı şəhərində Vətən müharibəsi memorial kompleksinin və Zəfər muzeyinin yaradılması haqqında Sərəncam imzalayıb.

Xalq yazıçısı Çingiz Abdullayev Sputnik Azərbaycan-a deyir ki, imzalanmış bu Sərəncam çox lazımlıdır:

“Bizim uşaqlarımızın, nəvələrimizin belə bir muzeyi olmalıdır ki, onlar gəlib görsünlər və heç zaman yaddan çıxarmasınlar. Əgər biz bu tarixi unutsaq, onlar torpaqlarımızı işğal etmək üçün yenidən güc toplayacaqlar. Mən inanmaq istəyirəm ki, bu məsələ həmişəlik həll olunub, müharibə bitib və biz bir daha torpaqlarımızı itirməyəcəyik. Bizim tarixi muzeylərimiz çox olmalıdır ki, uşaqlarımız tariximizi bilsinlər”.

Çingiz Abdullayevin geniş şərhinə audiofaylda qulaq asa bilərsiniz

0