Türkiyə prezidenti Rəcəb Tayyib Ərdoğan

Ərdoğan: "5 milyon insanı qətlə yetirənlər bizə dərs keçir"

82
(Yenilənib 22:07 16.04.2018)
“Ən dəhşətli qətliamları həmin Qərb ölkələri həyata keçiriblər, indi bizə ağıl öyrədirlər”

BAKI, 16 aprel — Sputnik. "İslam dünyasının müəyyən yerlərində ayrı-seçkiliyi amansız şəkildə yaşayırıq. Öldürən də, ölən də Allah deyir. Ölən də, öldürən də Allah üçün deyir. Bunu anlamaq mümkün deyil".

Sputnik Azərbaycan "Anadolu" agentliyinə istinadla xəbər verir ki, bunu Türkiyə prezidenti Rəcəb Tayyib Ərdoğan İstanbulda keçirilən dünya müsəlman azlıqlarının toplantısında bildirib.

Ərdoğan deyib ki, bu işi düzəltmək lazımdır: "Müsəlmanlar arasında ziddiyyətlərin, münaqişələrin, hətta döyüşlərin olması təəssüf ki, qaçılmaz hala gəlir. Bunu siyasətdə də yaşayırıq. Bundan qurtula bilmirik. Dinimiz İslam, sülh dinidir. Müsəlman ətrafına inam aşılayan insandır. Bizlər harada oluruqsa-olaq fəal bir mövqe nümayiş etdirməyimiz lazımdır. Öz aramızdakı münaqişələri müsəlman olaraq özümüz həll etmirik. İslamın xaricində olanlar həll edir. Onlara qalanda məhz bombalar yağmağa başlayır".

Ərdoğan bildirib ki, İŞİD, "Boko Haram" kimi terror təşkilatları İslam dünyasına zərər vurur: "Bizə deyirlər ki, bəs islamın barış dini olduğunu deyirdiniz, onlar islam adı ilə insanları öldürürlər. Bir çox Qərb ölkəsi də daxili problemlərini pərdələmək üçün bu yanğına benzin tökürlər. Ən dəhşətli qətliamları həmin Qərb ölkələri həyata keçiriblər, indi bizə ağıl öyrədirlər. Keçən dəfə onlardan birinə dedim ki, siz Əlcəzairdə 5 milyon insanı qətlə yetirdiniz, indi Suriya ilə bağlı bizə dərs verirsiniz. Ruandada, başqa yerlərdə də belə qətliamlar törədiblər, buna görə cavab veriblər?"

O deyib ki, Qərb ölkələri bir sıra ölkələrdə müsəlman azlıqlara qarşı etnik təmizləmə aparıldığını görmürlər.

82
Teqlər:
qətliam, Türkiyə prezidenti Rəcəb Tayyib Ərdoğan, müsəlman, İslam, bəyanat

Rusiya elektrik mühərrikli təyyarəsini göstərdi

5
İlk sınaq uçuşuna çıxan təyyarənin elektrik mühərriki ilə qaz-turbin mühərriki əsasında hibrid güc qurğusunu iki adi turboreaktiv mühərrik  tamamlayır.

BAKI, 24 iyul - Sputnik. Rusiyanın elektrik mühərriki ilə təchiz edilmiş Як-40ЛЛ laboratoriya təyyarəsi MAKS-2021 aviasalonunda ilk sınaq uçuşunu keçirib.

Sputnik Azərbaycan bildirir ki, bu barədə RİA Novosti-yə Perspektiv Araşdırma Fondunun mətbuat xidmətindən məlumat veriblər.

"Bu dəqiqələrdə MAKS-2021 aviasalonunda Як-40 təyyarəsinin nümayiş uçuşu oldu. Təyyarə yüksək keçiriciliyə malik elektrik mühərriki ilə qaz-turbin mühərriki əsasında hibrid güc qurğusu ilə təchiz olunub. Uçuş zamanı pilot elektrik güc qurğusunu işə salıb", - mətbuat xidmətindən bildirilib.

Elektrik mühərriki ilə qaz-turbin mühərriki əsasında hibrid güc qurğusunu iki adi turboreaktiv mühərrik  tamamlayır. O, akkumulyator batareyaları,  500 kVt (680 at gücü) gücündə elektrik nühərriki və enerşi şəbəkəsindən (turboyivli mühərrik və ona qoişulmuş elektrik generatoru) ibarətdir. Yüksək temperatu və yüksək keçiricilik qabiliyyətinə malik texnologiyalar və kriogen soyutma sistemi sayəsində elektrik mühərriki analoqlarından 5-20% sərfəlidir.

Təyyarənin hibrid mühərrikinin sınaqları fevralda Novosibirskdə başlanıb.

MAKS-2021

Jukovski aerodromundakı aviasalon iyulun 20-də başlayıb və iyulun 25-dək davam edəcək. Bu il pandemiya səbəbindən MAKS-2021-də iştirak etmək istəyənlər üçün müəyyən məhdudiyyətlər tətbiq olunub. Sərgiyə yalnız vaksinin vurulması barədə QR-kod, yaxud da mənfi PZR testi nəticəsi ilə girmək olar.

Eləcə də oxuyun:

5
Teqlər:
mühərrik, elektrik, təyyarə, Rusiya

Yunanıstan "Olimpiakos"u Bakıda məşqdən imtina edir

11
Bakıda oyundan öncə məşqə çıxmaqdan imtina səbəbi kimi "Baksel Arena"da qazonun pis olması və "kənar gözlərdən qaçmaq" istəyi göstərilir. 

BAKI, 24 iyul - Sputnik. Yunanıstanın "Olimpiakos" komandası Çempionlar Liqasının təsnifat mərhələsində "Neftçi" ilə Bakıda keçirəcəyi cavab oyunundan öncə məşqə çıxmaqdan imtina edib. 

Sputnik Azərbaycan bu barədə Fosonline-a istinadən xəbər verir.

Azərbaycan çempionunun Çempionlar Liqasındakı rəqibi son məşqi Yunanıstanda keçirib, iyulun 27-də, çərşənbə axşamı çarter reysi ilə Bakıya gələcək. 

Oyunöncəsi mətbuat konfransını da "Olimpiakos"un baş məşqçisi Pedro Martinş Yunanıstanda, onlayn formatda keçirəcək. 

 

Bakıda oyundan öncə məşqə çıxmaqdan imtina səbəbi kimi cavab oyununun keçiriləcəyi "Baksel Arena" stadionunda qazonun pis olması göstərilir. "Olimpiakos"un portuqal məşqçisini ÇL-in təsnifat mərhələsinin birinci raundunda "Neftçi" (Bakı) ilə "Dinamo"nun (Tbilisi) oyunu zamanı qazonun durumu qane etməyib. Nəşrin məlumatına görə, həmin oyunda futbolçular çox sürüşüblər.

Yeri gəlmişkən, Martinşin Bakıda məşq keçirmək istəməməsinin başqa bir səbəbi də var. Portuqaliyalı qorxur ki, onun komandasını "Neftçi"nin nümayəndələri də izləyə bilərlər, buna görə hazırlıq mərhələsini gizli saxlamağa qərar verib.

Qeyd olunur ki, beş il əvvəl "Olimpiakos" Astanada eyniadlı komanda ilə oyundan əvvəl məşq keçərkən təhlükəsizlik xidmətinin əməkdaşlarından biri "Astana" klubunun texniki işçisi olub.

Xatırladaq ki, Çempionlar Liqasının təsnifat mərhələsinin ikinci raundunda Afinada keçirilən ilk oyunda "Olimpiakos" "Neftçi"yə minimal hesabla qalib gəlib. Yeganə qolu Madi Kamara vurub, sonra isə oyundan qovulub. Bu səbəbdən o, Bakıda meydana çıxmayacaq. Klublar arasında cavab görüşü çərşənbə günü, iyulun 28-də baş tutacaq.

Eləcə də oxuyun:

11
Teqlər:
məşq, Bakı, futbol, UEFA Çempionlar Liqası, 'Neftçi'
Здание Министерства иностранных дел Азербайджанской Республики в Баку

Bakıdan növbəti xəbərdarlıq: ""Dağlıq Qarabağ" olmadığı kimi "status" məsələsi yoxdur"

12
Azərbaycan XİN rəsmisi qarşı tərəfin hay-küyünü şərh edib: Ermənistan “humanitar vəziyyət” adı altında öz siyasi oyunlarını davam etdirir".

BAKI, 24 iyul - Sputnik. Ermənistan XİN-in Azərbaycan dövlət başçısının müsahibələrini, çıxışlarını diqqətlə izləməsi, əlbəttə, yaxşıdır. Lakin bu müsahibələri sadəcə oxumaq deyil, düzgün anlamaq və nəticə çıxarmaq lazımdır.

Sputnik Azərbaycan-ın məlumatına görə, bunu Azərbaycan Respublikası Xarici İşlər Nazirliyinin Mətbuat xidməti idarəsinin rəisi Leyla Abdullayeva Ermənistan XİN-in KİV və ictimai diplomatiya idarəsinin 23 iyul 2021-ci il tarixli açıqlamasına dair şərhində deyib.

"Birincisi, bəli, bizim dədə-babalarımız Zəngəzurda yaşayıblar, bu tarixi faktdır. Burada, eləcə də müasir Ermənistanın digər ərazilərində tarixən yaşayan soydaşlarımız etnik təmizləmə siyasətinin qurbanı olublar, evlərindən didərgin düşüblər, bu da bir tarixi reallıqdır. Azərbaycanın Ermənistan ərazilərini “işğal etməsi” ilə bağlı cəfəng iddiaya gəldikdə isə, Prezident İlham Əliyevin sözügedən müsahibəsində aydın şəkildə qeyd etdiyi kimi, biz öz sərhədlərimizə çıxmışıq, sərhədlərimizdə möhkəmlənirik. Postmüharibə dövrünün reallıqları ilə barışmaq istəməyən Ermənistan, onilliklər ərzində işğalçı ölkə kimi beynəlxalq hüquqa hörmətsizlik nümayiş etdirən bir ölkə kimi, bundan sonra da beynəlxalq hüquq normalarından danışmadan öncə düşünməlidir", - L.Abdullayeva vurğulayıb.

O, eləcə də Ermənistan XİN-ə xatırlatma edib: "İkincisi, Dağlıq Qarabağ Muxtar Vilayəti Azərbaycan Respublikasının Parlamenti tərəfindən 1991-ci ilin noyabrında qanuni şəkildə ləğv edilib. AR Prezidentinin 7 iyul 2021-ci il tarixli Sərəncamı ilə isə Şərqi Zəngəzur və Qarabağ iqtisadi rayonları yaradılıb. Bu ərazi Azərbaycanın tərkib hissəsidir və burada yaşayan ermənilər də, azərbaycanlılarla birgə bizim vətəndaşlarımız kimi yaşaya bilərlər.

Üçüncü, “Dağlıq Qarabağın statusu” məsələsini süni şəkildə gündəmə gətirmək istəyənlər birdəfəlik anlamalıdırlar, “Dağlıq Qarabağ” olmadığı kimi “status” məsələsi də yoxdur.

Növbəti, Azərbaycanı “humanitar vəziyyəti pisləşdirməkdə” ittiham edən Ermənistana xatırladırıq ki, hərbi əməliyyatlar bitdikdən dərhal sonra Azərbaycan ərazisindən humanitar yükün daşınmasına şərait yaradıb. Beynəlxalq humanitar təşkilatlarla bölgəyə missiyanın göndərilməsinə dair tərəfimizdən əldə olunan razılığa məhz Ermənistan əngəl törətməyə çalışır. Bu isə onu göstərir ki, Ermənistan “humanitar vəziyyət” adı altında öz siyasi oyunlarını davam etdirir".

"Qanunsuz güc tətbiqinin bölgədə sülh və təhlükəsizliyə maneə olduğunu Ermənistan hamıdan yaxşı bilməlidir, çünki bunu onilliklərlə özü edib. Azərbaycan isə BMT Nizamnaməsinə uyğun olaraq və beynəlxalq humanitar hüquqa riayət etməklə ərazilərini işğaldan azad edib, ərazi bütövlüyünü təmin edib və hazırda bölgədə sülh və tərəqqinin təmin olunmasına çalışır", - deyə Azərbaycan XİN rəsmisi yekunlaşdırıb.

Eləcə də oxuyun:

12
Teqlər:
Qarabağ, cavab, Ermənistan XİN, Leyla Abdullayeva, Azərbaycan XİN