Serj Sarqsyan

Yerevanda etirazları daha da qızışdıracaq qərar qəbul olundu

1526
(Yenilənib 16:50 16.04.2018)
Baş nazir seçkiləri aprelin 17-də Ermənistan Milli Məclisinin iclasında keçiriləcək

BAKI, 16 aprel — Sputnik. Ermənistanın eks-prezidenti Serj Sarqsyanın baş nazir postuna namizədliyi rəsmən irəli sürülüb. Sputnik Ermənistan xəbər verir ki, Sarqsyanın namizədliyi bu gün parlamentin hakim Respublika Partiyası fraksiyası və koalisiya ortağı "Daşnaksütyun" tərəfindən verilib.

Sarqsyanın namizədliyi polis qüvvələri və etiraz aksiyasının iştirakçıları tərəfindən yolları qapadılmış parlamentin iclasında irəli sürülüb. Baş nazir seçkiləri aprelin 17-də Ermənistan Milli Məclisinin iclasında keçiriləcək.

Xatırladaq ki, bu gün səhər saatlarından etibarən Yerevanda Sarqsyanın baş nazir postuna namizədliyinin irəlü sürülməsinə etiraz edən minlərlə insan küçələrə axışıb. Çoxminlik etiraz aksiyası müxalifətçi "Yelk" fraksiyasının lideri Nikol Paşinyanın təşəbbüsü ilə 3 gün əvvəl Ermənistanda başlayan "Mənim addımım" piyada aksiyasının davamıdır.

Son bir neçə gündə Paşinyan və onun tərəfdarları 200 kilometrdən artıq piyada yol qət edərək aksiya keçirirlər. Onların akisiyası Gümrü, Vanadzor, Spitak, Dilican, Abobyan və Razdan rayonlarını əhatə edib. Sonra onlar Yerevanda küçələrə çıxaraq avtomobillərin hərəkət etdiyi yolları bağlayıblar.

Nikol Paşinyan "Vətəndaşlıq borcu" partiyasının lideri, 2012-ci ildən Ermənistan parlamentinin deputatıdır. "Aykakan jamanak" qəzetinin baş redaktoru olub. Hər zaman müxalifət mövqeyində olan Paşinyan 2008-ci ildə Ermənistanın lk prezidenti Levon Ter-Petrosyanla birləşərək onun seçki kampaniyasında və 1 mart hadisələrində (100 minlik kütləvi aksiya) iştirak edib. Nəticədə onun haqqında axtarış elan edilib və o, bir il sonra polisə təslim olub.

2010-cu ildə Paşinyan kütləvi iğtişaşların təşkilinə görə, 7 il müddətinə azadlıqdan məhrum edilib. Lakin 2011-ci ildə amnistiyaya düşüb. Levon Ter-Petrosyanın lideri olduğu Erməni Milli Konqresinin siyahısından parlamentə üzv seçilib. Hazırda parlamentin müxalifətçi "Yelk" blokuna rəhbərlik edir.

1526
Teqlər:
Serj Sarqsyan, eks-prezident, etiraz, Ermənistan, parlament, müxalifət, baş nazir, aksiya, namizəd
Mövzu:
Ermənistanda etiraz aksiyaları (35)
Əlaqədar
Ermənistanı kütləvi iğtişaşlar bürüyüb, etirazçılar dövlət idarələrini ələ keçirirlər
Azərbaycan, Rusiya və Ermənistan: Regionumuz seçkidən sonra
Ermənistan parlamentini “yandırdılar”: Sarqsyana qarşı etirazlar böyüyür - VİDEO

"Formula-1"in Türkiyə mərhələsi ləğv olunub

57
(Yenilənib 00:14 12.05.2021)
Qərara əsasən, Türkiyəyə yollanacaq şəxslər geri döndükdən sonra İngiltərədə 10 günlük karantinə alınacaq.

BAKI, 12 may - Sputnik. “Formula-1” üzrə dünya çempionatının Türkiyə mərhələsi ləğv olunub.

Apasport.az saytı xəbər verir ki, bu barədə məlumatı yarışın Türkiyədəki yayım hüququna malik “S Sport” kanalı yayıb.

Bildirilib ki, 11-13 iyunda keçirilməsi planlaşdırılan Türkiyə Qran-Prisi ləğv edilib. Buna səbəb koronavirus pandemiyasının yenidən sürətlə yayılması səbəbindən Türkiyənin İngiltərə hökuməti tərəfindən riskli ölkələr sırasına əlavə edilməsidir. Qərara əsasən, Türkiyəyə yollanacaq şəxslər geri döndükdən sonra İngiltərədə 10 günlük karantinə alınacaq.

“Formula-1”in İstanbul mərhələsinin ləğvi səbəbindən dünya çempionatı 22 yarışla yekunlaşacaq.

Qeyd edək ki, aprelin 28-də Kanada Qran-Prisini ləğv edən təşkilatçılar əvəzində İstanbul mərhələsini təqvimə əlavə etmişdi.

 

57
Teqlər:
Formula-1 Azərbaycan Qran Prisi, "Formula-1"
İsrailin Qəzza zolağına aviazərbələri

Təl-Əviv qan içindədir: Radikalların atdığı raketlərdən biri avtobusu partladıb

61
(Yenilənib 00:02 12.05.2021)
Tel-Əvivə və İsrailin mərkəzinə doğru 130 raket zərbəsi endirilib. Raket atəşləri nəticəsində bir neçə nəfərin yaralandığı bildirilir.

BAKI, 11 may - Sputnik. Fələstinin “Həmas” radikal qrupuna daxil olan “İzzəddin Əl-Qəssam briqada”sının Tel-Əvivə atdığı raketlərdən biri avtobusu partladıb.

Sputnik Azərbaycan Rusiya mediasına istinadla xəbər verir ki, bu barədə İsrail Müdafiə Qüvvələrinin mətbuat xidməti Twitter səhifəsində məlumat yayıb.

Qeyd edilib ki, avtobus boş olduğundan itki qeydə alınmayıb. Reuters-in İsrail Səhiyyə Nazirliyinə istinadən yaydığı məlumatda isə bildirilib ki, Tel-Əvivə və İsrailin mərkəzinə doğru 130 raket zərbəsi endirilib. Raket atəşləri nəticəsində bir neçə nəfərin yaralandığı bildirilir.

Qeyd edək ki, bir neçə gündür, İsrail Qəzza zolağı ilə sərhəddə problem yaşayır. Mayın 10-da isə Qüds şəhərində fələstinlilərlə polis arasında qarşıdurma böyüyüb, xeyli insan yaralanıb.

Qəzza zolağından İsrail ərazisinin raket atəşinə tutulmasına cavab olaraq İsrail ordusu qarşı tərəfi aviabombardmana məruz qoyub.

Həmçinin oxuyun: 

İsrail Həmas və "İslami Cihad"ın mövqelərinə 80 təyyarə ilə zərbələr endirib

İsrail Tel-Əvivdə bomba sığınacaqlarını açmağa məcbur oldu

Müsəlmanların ilk qibləsində qan düşdü: yaralı sayı artır - VİDEO

61

Bayram günü hava necə olacaq?

0
Mayın 13-də Azərbaycanın rayonlarında hava şəraitinin əsasən yağmursuz keçəcəyi gözlənilir. Lakin gündüz bəzi dağlıq ərazilərdə şimşək çaxacağı, qısamüddətli yağış yağacağı ehtimalı var.

BAKI, 12 may - Sputnik. Mayın 13-də Bakıda və Abşeron yarımadasında hava şəraiti dəyişkən buludlu olacaq, əsasən yağmursuz keçəcək. Gecə və səhər bəzi yerlərdə zəif duman olacaq.

ETSN-ninMilli Hidrometeorologiya Xidmətindən Sputnik Azərbaycan-a verilən məlumata görə, şimal küləyi gündüz mülayim cənub küləyi ilə əvəz olunacaq.

Havanın temperaturu gecə 11-14 isti, gündüz 20-25 isti, Bakıda gecə 12-14 isti, gündüz 23-25 dərəcə isti olacaq.Atmosfer təzyiqi 761 mm civə sütunu təşkil edəcək.
Nisbi rütubət gecə 70-80, gündüz 40-45 faiz olacaq.

Mayın 13-də Azərbaycanın rayonlarında hava şəraitinin əsasən yağmursuz keçəcəyi gözlənilir. Lakin gündüz bəzi dağlıq ərazilərdə şimşək çaxacağı, qısamüddətli yağış yağacağı ehtimalı var. Səhər bəzi yerlərdə duman olacaq. Şərq küləyi əsəcək. Havanın temperaturu gecə 10-15 isti, gündüz 23-28 isti, dağlarda gecə 3-8 isti, gündüz 13-18 dərəcə isti olacaq.

Tibbi-meteoroloji proqnoza əsasən mayın 13-də Abşeron yarımadasında meteoroloji amillərin mülayim tərəddüdü gözlənilir ki, bu da meteohəssas insanlar üçün əsasən əlverişlidir.

0