Qırıcı təyyarələr

Suriyada böyük müharibəyə hazırlıq gedir, Əsədin döyüş texnikası ruslara sığınır

818
(Yenilənib 12:25 13.04.2018)
Bəşər Əsəd rejiminin öz döyüş təyyarələrini və hərbi helikopterlərini Rusiyanın Suriyadakı bazalarına daşıdığı bildirilir

BAKI, 13 aprel — Sputnik. ABŞ prezidenti Donald Trampın Ağ Evdə keçirdiyi Suriya toplantısında son qərar verilməyib. Lakin Britaniyada baş nazir Tereza Mey Nazirlər Kabinetindən Suriyada hərbi əməliyyat səlahiyyəti alıb.

İsrail Hərbi Hava Qüvvələrinə məxsus iki F-15 təyyarəsi
© AFP 2020 / JACK GUEZ

Sputnik Azərbaycan xarici mətbuata istinadla xəbər verir ki, Suriya rejimi müharibəyə hazırlaşır. ABŞ və Britaniya qəzetləri Bəşər Əsəd rejiminin öz döyüş təyyarələrini və hərbi helikopterlərini Rusiyanın Suriyadakı bazalarına daşıdığını yazır.

ABŞ Müdafiə Nazirliyinin (Pentaqon) iki səlahiyyətlisi Əsədin mühüm bəzi təyyarələrini rus bazalarında yerləşdirdiyini söyləyib. Məlumata görə, rəsmi Dəməşq ABŞ-ın Rusiya bazasına hücum etməkdən çəkinəcəyini düşünür.

Suriya hökumətinə bağlı mətbuat da ordunun qırıcıları və helikopterləri Rusiyanın Suriyadakı bazalarına yerləşdirdiyini qeyd edib. Əlavə edilir ki, Əsədin müttəfiqi olan "Hizbullah" yaraqlıları da mövqelərini dəyişiblər.

Qeyd edək ki, Kimyəvi Silahların Qadağan Olunması üzrə Təşkilatın (OPCW) mütəxəssisləri sabah kimyəvi hücumun təşkil edildiyi iddia olunan Suriyanın Duma şəhərində təftişlərə başlayacaq.

Onu da diqqətə çatdıraq ki, Böyük Britaniya Nazirlər Kabinetinin toplantısında Suriya məsələsi ilə bağlı son qərar verilib. Sputnik Azərbaycan BBC-yə istinadla xəbər verir ki, Britaniya hökuməti yekdilliklə Suriyada hərbi əməliyyat aparılmasının vacib olduğuna qərar verib.

Baş nazirlikdən verilən açıqlamaya görə, bu qərar Suriya ordusunun kimyəvi silahdan istifadə etməsi səbəbindən qəbul edilib. BBC-yə danışan mənbələr baş nazir Meyin parlamentin razılığı olmadan Suriyaya hərbi müdaxilədə iştirak qərarı verməyə hazır olduğunu söyləyiblər.

818
Teqlər:
baş nazir Tereza Mey, hərbi əməliyyat, Sputnik Azərbaycan, qırıcı, Donald Tramp, helikopter, Suriya, Nazirlər Kabineti, hərbi baza, Böyük Britaniya, ABŞ
Mövzu:
ABŞ və müttəfiqlərinin Suriyaya qarşı hərbi əməliyyatı (23)
Əlaqədar
Suriya hava məkanında mülki təyyarələrin uçuşu dayanıb
İttifaq parçalanır: Suriya ilə bağlı qərar qəbul edilməyib
Suriyanın növbəti geriyə addımı nə ilə nəticələnəcək?
Politoloq: “Suriya hökumətinə qarşı əlavə sanksiyalar tətbiq olunmalıdır”
Mixail Qorbaçov

Qorbaçovu artıq qohumları da ziyarət etmirlər

2
(Yenilənib 19:45 05.12.2020)
Qorbaçovun qızı və iki qız nəvəsi Almaniyada yaşayır, Rusiyaya gəlmirlər. Siyasətçi özü də harayasa getmək iqtidarında deyil.

BAKI, 5 dekabr - Sputnik. SSRİ-nin sabiq prezidenti Mixail Qorbaçovu artıq qohumları ziyarət etmirlər. İndi onun üçün ən yaxın adam köməkçisi olub. Sputnik Azərbaycan bildirir ki, "MK"nın jurnalistləri Vitali Manskinin "Qorbaçov. Cənnət" filminə baxandan sonra bu qənaətə gəliblər. 

Qorbaçov hökumətin ömürlük istifadə üçün ayırdığı xidməti evdə tək yaşayır. Bina mühafizə olunur və hündür hasarla əhatə olunub. 

Filmdə Qorbaçov etiraf edir ki, nəvələri ona baş çəkmirlər. Qocalmış siyasətçinin durumu elə də yaxşı deyil, kreslodan güclə qalxır və xüsusi qurğunun hesabına hərəkət edir. İkinci mərtəbəyə qalxmaq üçün liftdən istifadə edir, əks halda yataq otağına getmək üçün bir saat sərf etməli olur. 

 

Qorbaçovun qızı və iki qız nəvəsi Almaniyada yaşayır, Rusiyaya gəlmirlər. Siyasətçi özü də harayasa getmək iqtidarında deyil.

Uzun illər Qorbaçovla işləyən Pavel Palajçenko onun niyə qohumlarıyla görüşmədiyini izah edib. Onun sözlərinə görə, Qorbaçov koronavirusa yoluxmaqdan qorxduğundan özünütəcriddədir. 

"İndi kim gəlir ki? İndi təyyarələr uçmur, ona görə", - Palajçenko deyib. 

Onun sözlərinə görə, emidemioloji situasiya yaxşılaşan kimi qohumları mütləq Qorbaçova baş çəkəcəklər.

2
Teqlər:
qohumlar, Rusiya, Mixail Qorbaçov
 Türkiyə Prezidenti Rəcəb Tayyib Ərdoğan, arxiv şəkli

Azərbaycanlı qardaşlarımızın sayəsində Qarabağ səmasını ay-ulduz bəzəyir - Ərdoğan

7
(Yenilənib 19:25 05.12.2020)
"Yenə də vurğulamaqda fayda görürəm: Azərbaycan kimsənin torpağına əl uzatmadı, kimsəyə hücum etmədi, Birləşmiş Millətlər Təşkiları və ATƏT-in qərarına rəğmən 30 il işğal altında saxlanan torpaqlarını azad etdi"

BAKI, 5 dekabr - Sputnik. "Ermənilər Azərbaycan torpaqlarına hücum edəndə bütün qəlbimiz və imkanlarımızla qardaşlarımızın imdadına yetişdik. Qarslılar bu erməniləri çox yaxşı tanıyırlar. Ortaq tariximiz, mədəniyyətimiz, inancımız və dil birliyimizin tələb etdiklərini gerçəkləşdirərək Dağlıq Qarabağ və ətrafındakı işğal altında olan Azərbaycan torpaqlarının azadlığına qovuşmasında bir zəhmətimiz oldu. Azərbaycanlı qardaşlarımızın mücadiləsi nəticəsində, həmd olsun, Qarabağ səmalarını əskilər deyil, ay-ulduzlu bayraqlar bəzəyir".

Sputnik Azərbaycan bildirir ki, bunu Türkiyə Prezidenti Rəcəb Tayyib Ərdoğan videobağlantı ilə qatıldığı Sarıkamış-Karakurt-Xorasan yolunun açılış mərasimində söyləyib. 

"Azərbaycan bayrağı şəhidlərimizin qəhrəmanlıqlarının timsalı olaraq Dağlıq Qarabağda qürurla dalğalanır. İnşallah, Naxçıvan ilə Azərbaycan arasındakı əlaqəni təmin edəcək dəhlizin açılmasıyla qardaşlarımızla birbaşa quru yolu əlaqəsi quracağıq", - deyən Ərdoğan əlavə edib ki, bu işdən ən çox faydanı da Qars görəcək. 

30 illik işğaldan sonra Azərbaycanın öz torpaqlarına yenidən qovuşmasının haqlı sevincini yaşadığını vurğulayan Ərdoğan deyib ki, Qarabağda qazanılan zəfər həm beynəlxalq hüquq, həm diplomatiya, həm də hərbi baxımdan Azərbaycana anasının ağ südü kimi halaldır. 

"Yenə də vurğulamaqda fayda görürəm: Azərbaycan kimsənin torpağına əl uzatmadı, kimsəyə hücum etmədi, Birləşmiş Millətlər Təşkiları və ATƏT-in qərarına rəğmən 30 il işğal altında saxlanan torpaqlarını azad etdi. Bunu da ermənilər kimi mülki əhalini, yaşayış məntəqələrini hədəf alaraq deyil, legitimlik çərçivəsində gerçəkləşdirdi. Bu durumda bir gün əvvəl Minsk qrupu həmsədrlərindən olan Fransanın parlamentinin müzakirə elədiyi qətnamə qalmaqaldan da betər bir faciədir", - deyə Türkiyə lideri bildirib. 

Azərbaycan Prezidenti İlham Əliyevin: "Fransa, əgər erməniləri bu qədər çox sevirsə, özünün Marsel şəhərini onlara verə bilər" sözlərini xatırladan Ərdoğan heç bir dövlətin digərinin suverenliyinə bu dərəcədə alçaqcasına hücum etməsinin qəbul edilməyəcəyini söyləyib. 

7
Teqlər:
Rəcəb Tayyip Ərdoğan, Qars, Türkiyə, Azərbaycan, Qarabağ