BAKI, 11 aprel — Sputnik. Rusiya Suriyadakı vəziyyətlə bağlı kəskin bəyanat yayıb.
Sputnik Azərbaycan Türkiyə mətbuatına istinadən xəbər verir ki, Rusiya Parlamentinin Müdafiə Komitəsi tərəfindən verilən bəyanatda, Suriyada olan rus əsgərlərinin ABŞ və ya başqa bir ölkə tərəfindən vurulacağı təqdirdə, onlara dərhal cavab zərbəsi endiriləcəyi bildirilib.
Qeyd edək ki, son günlər ABŞ və müttəfiqlərinin Suriyada hərbi əməliyyat keçirəcəyi ilə bağlı xəbərlər yayılır. Bu xəbərlərdə mümkün Rusiya-ABŞ qarşıdurmasına da yer verilir və hətta ABŞ-ın Rusiyanın Suriyadakı qoşunlarına da zərbə endirə biləcəyi iddia edilirdi.