Купюра номиналом в 200 AZN, фото из архива - Sputnik Azərbaycan
İQTİSADİYYAT
Sosial-iqtisadi gündəmə, maliyyə, biznes sahəsinə dair materiallar

Trampdan gözlənilməz qərar

© REUTERS / Jim BourgABŞ prezidenti Donald Tramp
ABŞ prezidenti Donald Tramp - Sputnik Azərbaycan
Abunə olmaq
Donald Tramp Venesuela əleyhinə addım atdı

BAKI, 20 mart — Sputnik. ABŞ prezidenti Donald Tramp Venesuelaya rəqəmsal pul vahidləri (kriptovalyuta) ilə həyata keçirilən bütün  maliyyə əməliyyatlarını qadağan edən qərara imza atıb. Bu barədə Sputnik Azərbaycan Türkiyə mətbuatına istinadla xəbər verir.  

İmzalanmış qərarda deyilir: “Venesuela höküməti tərəfindən və ya Venesuella höküməti adından 9 yanvar 2018-ci il tarixindən etibarən çıxarılan rəqəmsal pul vahidləri  ilə həyata keçrilən bütün əməliyyatlar amerikalılara və ABŞ daxilində bu gündən etibarən qadağan edilir”. 

Qərarda qadağanın həm real, həm də virtual şəxslərə aid olduğu və ABŞ Maliyyə Nazirliyinin qadağanın təsirli şəkildə həyata keçirilməsini təmin etmək üçün lazım olan addımları atmaqda səlahiyyətli olduğu bildirilir. 

Xatırladaq ki, Trampın qadağa qərarı Venesuelanın “petro” adını verdiyi rəqəmsal pul vahidinin satışının son gününə təsadüf edib. Qeyd edək ki, Venesuela ABŞ-ın ona qarşı həyata keçirdiyi maliyyə təzyiqinə sinə gərmək və sıxıntıda olan iqtisadiyyatını canlandırmaq üçün “petro”nu  fevralın 20-də  bazara çıxarıb.

Xəbər lenti
0