Telefonun ekranına baxan qadın, arxiv şəkli

Durmadan 20 saat telefona baxdı, başına gəldi

86
(Yenilənib 05:44 17.03.2018)
Şahidlərin sözlərinə görə, qadın 20 saat qatarda yol gəlib və bu zaman gözünü telefondan ayırmayıb

BAKI, 17 mart — Sputnik. Çində bir qadın 20 saat dayanmadan mobil telefona baxıb. Bu zaman onun beyninə qan sızıb baş verib.

Sputnik Azərbaycan Türkiyə mətbuatına istinadən xəbər verir ki, 47 yaşlı yadın 3 saat ərzində əməliyyat olunub. Həkimlər qadını güclə həyata qaytara biliblər.

Şahidlərin sözlərinə görə, qadın 20 saat qatarda yol gəlib və bu zaman gözünü telefondan ayırmayıb. Qatardan düşən zaman qadın qolunu, ayağını hiss etməyib, danışmaqda çətinlik çəkib.

Qadını əməliyyat edən həkim bildirib ki, onu zamanında əməliyyat etməsəydilər, ölə bilərdi.

86
Teqlər:
ekran, əməliyyat, beyin, telefon
 COVİD-19-da ölən şəxs, arxiv şəkli

Ermənistanda koronavirusa yoluxma ölümlə bağlı statistika açıqlandı

5
(Yenilənib 12:48 15.01.2021)
Xəstəlikdən sağalanların sayı 152320 nəfər olub. Hazırda bu ölkədə 7952 nəfər xəstəxanada müalicə alır.

BAKI, 15 yanvar — Sputnik. Ermənistanda koronavirusa yoluxanların sayı 163972-yə çatıb. Sputnik Ermənistan xəbər verir ki, bu barədə Ermənistanın Xəstəliklərə Nəzarət və Profilaktika üzrə Milli Mərkəzinin yaydığı məlumatda bildirilib.

Məlumatda qeyd olunub ki, bir gündə bu virusa yoluxanların sayı daha 396 nəfər artıb.

Ermənistanda son gündə daha 11 nəfər ölüb. Ümumilikdə bu virusdan ölənlərin sayı 2974-ə çatıb. Xəstəlikdən sağalanların sayı 152320 nəfər olub. Hazırda bu ölkədə 7952 nəfər xəstəxanada müalicə alır.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 93 milyonu keçib, 1,99 milyondan çox adam isə virus səbəbi ilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

5
Teqlər:
Ermənistan, Koronavirus, epidemiya, COVID-19
Jurnalist

Berezovskaya: "Latviya jurnalistləri müdafiəmizlə bağlı bir kəlmə demədilər"

19
(Yenilənib 10:48 15.01.2021)
Jurnalistin sözlərinə görə, o daha çox Latviyada rusdilli təhsilin geridə qalması, vətəndaşlıq məsələləri, nasizm üzərində qələbə, cinayət məsuliyyətinə cəlb olunan rus jurnalist və hüquq müdafiəçiləri haqqında məqalələr yazıb.

BAKI, 15 yanvar — Sputnik. Xəbər verdiyimiz kimi, 2020-ci ilin dekabr ayının 3-də Latviya Dövlət Təhlükəsizlik Xidmətinin əməkdaşları Riqada "Sputnik Latviya" və "Baltnews"la əməkdaşlıq edən jurnalistlərlə bağlı xüsusi əməliyyat keçiriblər. Rusdilli jurnalistlərə qarşı Latviya Cinayət Məcəlləsinin 84-cü maddəsi ilə (beynəlxalq təşkilatların sanksiyalarına əməl etməmək) ittiham irəli sürülüb. Bununla əlaqədar jurnalistlər dindirilib, onların evlərində axtarış aparılıb və ölkədən çıxmamaları barədə dillərindən iltizam alınıb.

Hadisə vaxtı saxlanılan rusdilli jurnalistlərdən biri də "Baltnews" xəbər portalı ilə əməkdaşlıq edən Alla Berezovskaya olub. Jurnalist hadisəni belə xatırlayır: "Öz masamda oturub işləyirdim. Birdən qapının zəngi çalındı. Domofondan baxıb polis forması geyinmiş şəxslərin qapıda dayandığını gördüm. Qapını açdım.

Polis zabiti mənə hakimin qərarını göstərdi. Bildirdi ki, Cinayət Məcəlləsinin 84-cü maddəsi ilə təhqiqat başlayıb. Mənzildə axtarış aparacaqlarını, bütün kompüter texnikasını, informasiya daşıyıcılarını müsadirə edəcəklərini bildirdilər. Dedilər ki, mobil telefonumu da masaya qoyum. Maskalı cavan bir oğlan (başa düşdüyüm qədər o, haker idi) iş masamın arxasına keçib kompüterdə hansısa əməliyyatlar aparmağa başladı. Anladım ki, mənim bütün informasiyalarımı köçürür".

Jurnalistin sözlərinə görə, daha sonra polislər evin ikinci mərtəbəsindəki yataq otağında axtarışa davam ediblər. "Oradan nəvəmin köhnə planşetini tapıb çıxartdılar. O planşetdə uşaq oyunları və filmlərdən başqa heç nə yox idi. Bunu onlara deyəndə bildirdilər ki, özləri araşdıracaqlar. Hətta şəxsi sənədlərimə də baxdılar. Sonra həyətə çıxıb artıq qaranlıq düşməsinə baxmayaraq, evin ətrafında da axtarış apardılar".

A.Berezovskaya onu da bildirib ki, "Baltnews" xəbər portalının rəhbəri Andrey Yakovlev 8 il bundan əvvəl portalı yaratdığı vaxt ona əməkdaşlıq təklif edib: "Əlbəttə ki, mən də razılaşdım və sayt üçün məqalələr, köşə yazıları yazmağa başladım. "Baltnews" redaksiyası Rusiyaya keçəndən sonra onlar da mənimlə əməkdaşlığı müqavilə əsasında davam etdirdilər. Çox vaxt mən özüm onlara hansısa məqalələri yazmağı təklif edirdim. Ayda bir-iki dəfə yazılarımı dərc edirdilər".

© Sputnik / Maksim Blinov

Jurnalistin sözlərinə görə, o daha çox Latviyada rusdilli təhsilin geridə qalması, vətəndaşlıq məsələləri, nasizm üzərində qələbə, cinayət məsuliyyətinə cəlb olunan rus jurnalist və hüquq müdafiəçiləri haqqında məqalələr yazıb: "Açığı, fikirləşirdim ki, buna qarşı etirazlar olacaq. Ancaq qəfildən bizə heç bir şəkildə şamil olunmayan sanksiyalar məsələsi ortaya çıxdı. Təəssüf ki, Latviya jurnalistlərindən heç biri bizim müdafiəmizlə bağlı bir kəlmə də demədi. Hətta yazdılar ki, onlar jurnalist deyil, Kremlin təbliğatçılarıdırlar".

Berezovskayanın sözlərinə görə, Latviya dünyaya Rusiyanın rəsmi dövlət KİV-ləri ilə əməkdaşlıq edənlərin jurnalist deyil, təbliğatçı olmaları barədə mesaj ötürmək istəyir. "Ona görə də belə hesab edirlər ki, deməli, demokratiya, söz azadlığı kimi anlayışlar bu jurnalistlərə şamil olunmaya bilər", – deyə jurnalist vurğulayır.

Halbuki Latviya Seyminin deputatı Edvins Şnore, yazıçı Didzis Seddenieksin ruslarla bağlı səsləndirdikləri təhqiramiz fikirlərdən sonra Latviyanın çoxsaylı rus vətəndaşları tərəfindən dövlət orqanlarına müraciət olunsa da hər dəfə eyni cavabı alıblar: "Bu əməllərdə cinayət tərkibi yoxdur. Ölkədə söz azadlığı var".

19
Teqlər:
jurnalist, Latviya, Rusiya
Sinovac CoronaVac peyvəndi, arxiv şəkli

Azərbaycanda vaksinasiya necə aparılacaq - Nazirlikdən izahat

0
(Yenilənib 18:09 15.01.2021)
Peyvəndlənmə olunduqdan sonra 30 dəqiqə ərzində vətəndaş müşahidə otağında yarana biləcək hər hansı bir əks təsirlə əlaqəli olaraq izlənməyə alınır.

Zülfiyyə Quluyeva, Sputnik Azərbaycan

BAKI, 15 yanvar — Sputnik. Səhiyyə Nazirliyinin nəzdində fəaliyyət göstərən COVID-19-la mübarizə işçi qrupunun üzvü Aris Rüstəmov poliklinikalardakı peyvənd otaqları barədə danışıb.

Sputnik Azərbaycan A.Rüstəmovun müsahibəsini təqdim edir:

- Vaksinasiyanı həyata keçirəcək tibb işçiləri üçün hər hansı təlim və ya kurs nəzərdə tutulubmu?

- Vaksinlər təlim kursu keçən tibb işçiləri tərəfindən ediləcək. Peyvənd ediləcək poliklinikalarda tibb işçiləri seçilərək xüsusi kurslara cəlb olunub. Burada əsas məqsəd tələb olunan əhaliyə uyğun sayda tibb personalının olmasıdır.

- Vaksinasiya prosesi necə həyata keçiriləcək?

- Vaksinasiya ilə bağlı poliklinikaya müraciət edən vətəndaşlar üçün bütün şərait və rahatlıq düşünülmüşdür. Poliklinikaya daxil olduğumuz zaman xüsusi işarələr bizi birbaşa peyvənd olunacaq sahəyə yönləndirir. Peyvəndlər xüsusi ayrılmış peyvənd otaqlarında həkim nəzarəti altında ediləcək. Bu otaqların sayı qeydiyyat otağı, vaksinasiya otağı və müşahidə otağı olaraq bölunmüşdür. İlk öncə müraciət edən vətəndaş qeydiyyat otağında qeydiyyata alınır. Daha sonra vaksinasiya otağına ötürülür. Peyvəndlənmə olunduqdan sonra 30 dəqiqə ərzində vətəndaş müşahidə otağında yarana biləcək hər hansı bir əks təsirlə əlaqəli olaraq izlənməyə alınır. Bu müddət ərzində heç bir əlamət üzə çıxmazsa, vətəndaş evə buraxılır.

- Peyvəndlənmədən öncə vətəndaşlar üçün hər hansı bir prosedur qaydası varmı?

- Peyvəndlənmə yalnız həkim yoxlanışı və göstərişi ilə ediləcək. Bu səbəbdən vaksinasiyadan öncə müvafiq olaraq sahə həkiminin yoxlanışından keçmək mütləqdir.

- Peyvənd otaqlarında saxlanma şəraiti necədir?

- Bir xüsusi məsələ də peyvəndlərin doğru saxlanılmasıdır. Bunun üçün vaksinasiya həyata keçiriləcək bütün tibb məntəqələri soyuducular və termoçantalarla təmin edilmişdir.

0
Teqlər:
Səhiyyə Nazirliyi, korona virusu, epidemiya, COVID-19