ABŞ-ın sanksiyalarına Rusiyadan cavab: “Qara siyahı” genişlənir
(Yenilənib 22:10 16.03.2018)
Rusiya Vaşinqtonun yeni sanksiya qərarına cavab verdi: ABŞ vətəndaşlarının yer aldığı “qara siyahı”nı genişləndirəcəyikBAKI, 16 mart — Sputnik. Rusiya xarici işlər nazirinin müavini Sergey Rıbakov ölkəsinin ABŞ-ın yeni sanksiya qərarına qarşılıq verəcəyini söyləyib.
Sputnik Azərbaycan "Haberler"ə istinadla xəbər verir ki, Rıbakov Rusiyanın ABŞ-ın yeni sanksiya qərarına qarşılıq olaraq Amerika vətəndaşlarının da olduğu “qara siyahı”nı genişləndirəcəyini bildirib. Rıbakov əlavə tədbirlərin də gözardı edilməyəcəyini bildirib.
Rusiya xarici işlər nazirinin müavini Sergey Rıbakov Moskvanın Vaşinqton ilə dialoqu davam etdirmək istədiyini, ancaq, Rusiya ilə münasibətləri pozmaq istəyən ABŞ-dakı bəzi şəxslərin odla oynadığını dilə gətirib.
Qeyd edək ki, Rusiya Müdafiə Nazirliyi Baş Kəşfiyyat İdarəsinin sabiq polkovniki S. Skripal və qızı Yuliya martın 4-də Böyük Britaniyanın Solsberi şəhərində huşsuz vəziyyətdə tapılıblar. Ardından London — Moskva xəttində gərginlik yaşanmış sonra da Vaşinqtondan sərt bəyanatlar və yeni sanksiyalar gəlmişdi.
Teqlər:
BMT Baş katibi Azərbaycan və Ermənistana müraciət etdi
(Yenilənib 09:36 14.07.2020)
Antonio Quterreş tərəfləri vəziyyətin həlli istiqamətində addımlar atmağa, eləcə də təxribatçı ritorikadan çəkinməyə çağırıbBAKI, 14 iyul – Sputnik. BMT-nin Baş katibi Antonio Quterreş Azərbaycan və Ermənistanı qarşıdurmaları dayandırmağa və münaqişənin həllinə başlamağa çağırıb.
Sputnik Azərbaycan xəbər verir ki, bu barədə BMT Baş katibinin rəsmi nümayəndəsi Stefan Düjarrik açıqlama verib.
“Baş katib hərbi əməliyyatların dərhal dayandırılmasına çağırır və iştirak edən tərəfləri vəziyyətin həlli istiqamətində addımlar atmağa, eləcə də təxribatçı ritorikadan çəkinməyə çağırır”, - məlumatda belə deyilir.
Hələ gözlənilmir! Avropa iqtisadiyyatı nə vaxt bərpa olacaq?
(Yenilənib 23:27 13.07.2020)
Avropa pandemiyanın bir neçə il davam etməsinə və ardınca yeni epidemiyaların gəlməsinə hazırlaşmağa başlamalıdır.BAKI, 14 iyul — Sputnik. Avropa İttifaqı (Aİ) ölkələrinin real ümumi daxili məhsulu (ÜDM) 2019-cu ilin səviyyəsinə yalnız 2022-ci ildə qayıdacaq.
Sputnik Azərbaycan xəbər verir ki, bu barədə Beynəlxalq Valyuta Fondunun (BVF) Avropa Departamentinin Direktoru Poul Tomsen məqaləsində bildirib.
Onun sözlərinə görə, 2020-ci ildə Aİ ölkələrinin real ÜDM-i 9,3 faiz azalacaq və yalnız bundan sonra tədricən bərpa olmağa başlayacaq.
Tomsen qeyd edir ki, iqtisadiyyatın artım tempinə koronavirusdan effektiv dərmanın yaradılması və ya xəstəliyin yeni dalğaları əhəmiyyətli dərəcədə təsir göstərə bilər.
Ekspert həmçinin deyib ki, böhrandan sonrakı iqtisadiyyat xeyli yenidənqurma tələb edəcək. O qeyd edib ki, hakimiyyət pandemiyanın bir neçə il davam etməsinə və ardınca yeni epidemiyaların gəlməsinə hazırlaşmağa başlamalıdır. Məhz buna görə də Avropa ölkələri uzun müddət ərzində sosial distansiya tədbirlərinə əməl etmək üçün yararlı olan yeni və daha ekoloji iqtisadiyyata can atmalıdır.
Evdən oğurluq etdi, tutuldu, axtarışda olduğu üzə çıxdı
(Yenilənib 09:59 14.07.2020)
Qaradağ rayon Polis İdarəsinin 10-cu Polis Bölməsi əməkdaşlarının keçirdiyi əməliyyat-axtarış tədbirləri nəticəsində Bakı şəhər sakini, 1982-ci il təvəllüdlü Gülnaz Bayramova saxlanılıbBAKI, 14 iyul – Sputnik. Bakı şəhərində axtarışda olan qadın mənzili qarət edib.
Sputnik Azərbaycan-ın məlumatına görə, hadisə iyulun 4-də Lökbatan qəsəbəsi V. Əsgəroı küçəsində yerləşən evlərin birində baş verib. Naməlum şəxs həmin evdən 700 manat pul oğurlayıb.
Qaradağ rayon Polis İdarəsinin 10-cu Polis Bölməsi əməkdaşlarının keçirdiyi əməliyyat-axtarış tədbirləri nəticəsində Bakı şəhər sakini, 1982-ci il təvəllüdlü Gülnaz Bayramova saxlanılıb. Araşdırmalar zamanı həmin qadının axtarışda olduğu üzə çıxıb.