Yeni ölümcül xəstəlik yayılır: Vaksini yoxdur
(Yenilənib 21:56 07.03.2018)
Son hesablamalara görə, təkcə doqquz həftə ərzində ölkədə 110 nəfər həlak olubBAKI, 7 mart — Sputnik. Nigeriyada yanvar ayından bəri yayılan Lassa epidemiyası misli görülməmiş sürətlə yayılır.
Sputnik Azərbaycan xarici mətbuata istinadən xəbər verir ki, adı çəkilən virus artıq ölkənin azı 18 ştatına yayılıb.
Son hesablamalara görə, təkcə doqquz həftə ərzində ölkədə 110 nəfər həlak olub. Qurbanlardan savayı 353 əlavə yoluxma halı qeydə alınıb. Yoluxanlar arasında 16 tibb işçisinin olduğu deyilir.
Ümumilikdə 3 minə yaxın insan virusa yoluxmaqda şübhəli bilinir.
Lassa qızdırması, viruslu hemorraqik qızdırmalar qrupuna aid kəskin infeksion xəstəlikdir. Hazırda ona qarşı peyvənd mövcud deyil. Virus daha çox qida, su, anti-sanitar şərait, qan və ya siçovlular vasitəsilə ötürülür.
Eyni zamanda hava-damcı yolu ilə ötürülə bilən virusun inkubasiya müddəti 3 həftə təşkil edir. Xəstəlik yüksək hərarət, baş ağrıları və ümumi taqətsizliklə müşahidə olunur. Ağır hallarda Ebola virusuna uyğun fəsadlara yol açır, güclü daxili qanaxmaya səbəb olur.
Teqlər:
"Lotu Quli"nin məzarı üstündə atışma olub, 1 nəfər ölüb
BAKI, 19 yanvar - Sputnik. İstanbulun Esenyurt rayonunda "Lotu Quli" ləqəbli kriminal avtoritet Nadir Səlifovun məzarı üstündə silahlı insident olub.
APA-nın verdiyi xəbərə görə, silahlı insident nəticəsində bir azərbaycanlı başından güllələnib. Güllələnən şəxsin Əli Həşimov olduğu bildirilir. O, aldığı güllə yarasından hadisə yerində ölüb.
Onu vuran digər azərbaycanlı Kənan adlı şəxs isə xəstəxanaya çatdırılıb.
Məlumata görə, hadisə borc üstündə baş verib.
Hadisədə şübhəli bilinən 3 nəfər saxlanılıb.
Vaksini də tapıblar, amma xeyri yoxdur: bir gündə 586 nəfər öldü
(Yenilənib 16:03 19.01.2021)
Rusiyada pandemiya yayılandan 66623 nəfər COVID-19-dan vəfat edib. Ölkədə bu virusdan sağalanların sayı 3002026-ya çatıb.
BAKI, 19 yanvar — Sputnik. Son bir sutka ərzində Rusiyada 21734 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 586 nəfər ölüb.
Ümumilikdə, Rusiyada bu xəstəliyə yoluxanların sayı 3612800-ə çatıb. Rusiyada pandemiya yayılandan 66623 nəfər COVID-19-dan vəfat edib. Ölkədə bu virusdan sağalanların sayı 3002026-ya çatıb.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 95.5 milyonu keçib, 1,04 milyondan çox adam isə virus səbəbi ilə ölüb.
Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.