Rəcəb Tayyib Ərdoğan

Ərdoğan "od püskürdü"

594
(Yenilənib 15:34 06.03.2018)
"Qərarınız batsın sizin. Həyata keçməyən qərarın insanlıq üçün nə mənası var?"

BAKI, 6 mart — Sputnik. Türkiyə prezidenti Rəcəb Tayyib Ərdoğan Suriyanın Şərqi-Quta bölgəsində davam edən insanlıq dramına diqqət çəkib. O, BMT-də qəbul edilən 1 aylıq atəşkəs qərarını nəzərdə tutaraq, "sizin qərarınız batsın" deyib.

"Şərqi-Qutada baş verənləri görməzdən gəlmək olarmı? Bu, insanlığa sığarmı? BMT Təhlükəsizlik Şurasında qərarlar qəbul edilir. Qərarınız batsın sizin. Həyata keçməyən qərarın insanlıq üçün nə mənası var? Siz bəşəriyyəti aldadırsınız", — Ərdoğan bəyan edib.

"BMT TŞ-də 5 ölkənin sahib olduğu haqlara digər ölkələr də sahib olmalıdır. Görüşdüyüm bütün liderlərə bunu deyirəm. Doğru söylədiyimizi bildirirlər, ancaq "hərəkətə keçin" deyəndə susurlar. Nə yaxşı ki, Qüds məsələsində susmadılar. Həmd olsun, 128 dövlət dünyanın 5-dən böyük olduğunu sübut elədi", — o vurğulayıb.

Sputnik Azərbaycan "Timeturk"ə istinadən xəbər verir ki, Bəşər Əsəd rejiminə bağlı ordu qüvvələri müxaliflərin nəzarətindəki Şərqi-Quta bölgəsini aramsız bombalamağa davam edir. Son 1 ayda 1000-ə yaxın günahsız insan bombardımanın qurbanı olub.

594
Teqlər:
BMT TŞ, Şərqi-Quta, Qüds, Bəşər Əsəd, Suriya, bomba, Rəcəb Tayyib Ərdoğan, Türkiyə, prezident
Əlaqədar
Ərdoğan jurnalisti sual verməyinə peşman etdi
Ərdoğana elə bir məktub gəldi ki, ya qəzəb baş qaldıracaq, ya mərhəmət
Əliyevlə Ərdoğan arasında telefon danışığı olub
"Əxlaqsız müttəfiq" - Amerikanın riyakarlığı Ərdoğanı əsəbləşdirdi
Türkiyə ətrafında vəziyyət gərginləşir, Ərdoğan hansı addımı atacaq?
Almaniya kansleri Angela Merkel, arxiv şəkli

Angela Merkel Prezident İlham Əliyevə zəng edib

74
İlham Əliyev əlavə edib ki, Ermənistan Azərbaycanın işğal olunmuş ərazilərinə başqa ölkələrdən xarici vətəndaşların qanunsuz məskunlaşmasını həyata keçirir ki, bu da Cenevrə Konvensiyasına görə beynəlxalq hüququn ciddi pozulmasıdır və bu, hərbi cinayət sayılır

BAKI, 29 sentyabr — Sputnik. Sentyabrın 29-da Almaniya Kansleri Angela Merkel Azərbaycan Respublikasının Prezidenti İlham Əliyevə telefonla zəng edib.

Sputnik Azərbaycan xəbər verir ki, bu barədə Prezidentin Mətbuat Xidməti məlumat yayıb.

Angela Merkel Ermənistan-Azərbaycan təmas xəttində silahlı qarşıdurmanın baş verməsi ilə bağlı ölkəsinin narahatlığını ifadə edib və hadisələrin gedişi ilə maraqlanıb.

Dövlətimizin başçısı qeyd edib ki, sentyabrın 27-də, səhər saatlarında Ermənistan Azərbaycana qarşı hərbi təxribat törədərək, ağır artilleriya qurğularından təmas xətti boyu yerləşən hərbi birləşmələrimizi, şəhər və kəndlərimizi atəşə tutması nəticəsində iki gün ərzində hərbçilərimiz, mülki şəxslər həlak olub və yaralanıblar, 150 yaşayış evi dağıdılıb. Azərbaycan tərəfi əks-hücum əməliyyatına başlayıb.

Fransa Prezidenti Emmanuel Makron, arxiv şəkli
© AFP 2020 / GONZALO FUENTES / POOL

Dövlətimizin başçısı bildirib ki, bundan əvvəl də iyul-avqust aylarında Ermənistan tərəfindən ölkəmizə qarşı hərbi təxribatlar törədilib və bunların nəticəsində hərbçilərimiz və mülki şəxslərimiz həlak olub. Prezident İlham Əliyev bu təxribatları Ermənistanın Azərbaycana qarşı təcavüzkar siyasətinin davamı olduğunu vurğulayıb.

Azərbaycan Prezidenti qeyd edib ki, Ermənistan baş nazirinin “Qarabağ Ermənistandır və nöqtə” bəyanatı danışıqlar prosesini mənasız edir və Ermənistan rəhbərliyinin Azərbaycandan dırnaqarası “Dalıq Qarabağ respublikası” ilə danışıqlar aparması tələbi danışıqlar formatının dəyişdirilməsi cəhdi kimi qiymətləndirilməlidir. Dövlətimizin başçısı, eyni zamanda, bildirib ki, Ermənistanın müdafiə naziri yeni torpaqlar uğrunda yeni müharibə ilə Azərbaycanı hədələyib və bu plan reallıqda həyata keçirilir.

Dövlətimizin başçısı vurğulayıb ki, Ermənistanın hərbi təxribatı ilə bağlı hadisələrin gələcək inkişafına görə məsuliyyət Ermənistanın siyasi və hərbi rəhbərliyinin üzərinə düşür, Azərbaycan Ordusu öz torpaqlarında vuruşur və Ermənistan ordusu Azərbaycan torpaqlarında olmamalıdır.

Prezident İlham Əliyev əlavə edib ki, Ermənistan Azərbaycanın işğal olunmuş ərazilərinə başqa ölkələrdən xarici vətəndaşların qanunsuz məskunlaşmasını həyata keçirir ki, bu da Cenevrə Konvensiyasına görə beynəlxalq hüququn ciddi pozulmasıdır və bu, hərbi cinayət sayılır.

Söhbət zamanı atəşkəsin və danışıqlar prosesinin bərpa edilməsi imkanları barədə müzakirələr aparılıb.

74
Mövzu:
Azərbaycan və Ermənistan arasında müharibə
Əlaqədar
İlham Əliyevlə BMT-nin Baş katibi arasında videokonfrans formatında görüş olub
İlham Əliyev Türkiyə prezidentinə təşəkkür edib
Rus İcması beynəlxalq ictimaiyyəti Ermənistana təzyiq etməyə çağırdı
Peskov: Vladimir Putinlə İlham Əliyevin söhbəti lazım gəldikdə baş tutacaq
"Qoşunların təmas xətti boyu əməliyyatlar davam edir, bu, vətən müharibəsidir!
BMT

Rəsmi Bakı BMT Təhlükəsizlik Şurasından gözləntisini açıqladı

65
"Biz ümid edirik ki, 1993-cü ildə olduğu kimi, BMT Təhlükəsizlik Şurası yenidən Ermənistanı öz qoşunlarını işğal olunmuş Azərbaycan torpaqlarından çıxarmağa çağıracaq" - Leyla Abdullayeva

Eldar Tanrıverdiyev, Sputnik Azərbaycan

BAKI, 29 sentyabr - Sputnik. BMT Təhlükəsizlik Şurasının 4 qətnaməsi mövcuddur və onlar hələ də yerinə yetirilməyib. Bu qətnamələrin yerinə yetirilməməsi hazırkı vəziyyətə gətirib çıxarıb. Sputnik Azərbaycan xəbər verir ki, bunu Azərbaycan Xarici İşlər Nazirliyinin mətbuat xidmətinin rəhbəri Leyla Abdullayeva qeyd edib.

"BMT Təhlükəsizlik Şurasının dörd qətnaməsinin yerinə yetirilməməsi dünya birliyinin ikili standartlarının göstəricisidir. Qeyd etmək istəyirəm ki, bütün qətnamələr həyata keçirilməyənə qədər qüvvədədir və biz ümid edirik ki, 1993-cü ildə olduğu kimi, BMT Təhlükəsizlik Şurası yenidən Ermənistanı öz qoşunlarını işğal olunmuş Azərbaycan torpaqlarından çıxarmağa çağıracaq. Ədalət həmişə Azərbaycanın tərəfində olub və olacaq".

65
Teqlər:
rəsmi Bakı, BMT-nin qətnamələri, BMT TŞ, erməni təxribatı, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Rəsmi Bakı: Ermənistanın hərbi təcavüzü nəticəsində 10 mülki şəxs həlak olub
Füzuli istiqamətində Ermənistan SQ-nin əks-hücum cəhdi dəf edilib
Hadrut istiqamətində Ermənistanın komanda müşahidə məntəqəsi darmadağın edilib
Hüsənli kəndində Ermənistan ordusunun mərmisi yaşayış evini dağıdıb – VİDEO
MN: "Ermənistan tərəfi köhnə videoları yeni görüntülər kimi təqdim edir”
Şuşa

Mədəniyyət Nazirliyi: Qarabağdakı tarixi abidələr erməni vandalizminin qurbanına çevrilib

0
Təmir-bərpa işləri adı altında ermənilər məscidin daxili interyerində ciddi dəyişikliklər edərək tariximizi saxtalaşdırmağa çalışırlar. Məscidin internet resurslarında yayılmış şəkilləri də bunu təsdiqləyir

BAKI, 29 sentyabr — Sputnik. Mədəniyyət Nazirliyi Ermənistanın işğal etdiyi Azərbaycan torpaqlarındakı tarixi mədəniyyət abidələrinin dağıdılması ilə bağlı bəyanat yayıb. Sputnik Azərbaycan xəbər verir ki, bəyanatda deyilir: "Ermənistanın Azərbaycana qarşı təcavüzü nəticəsində işğal edilmiş ərazilərdə yerləşən yaşayış evləri, təhsil, sənaye və kənd təsərrüfatı obyektləri ilə yanaşı yüzlərlə mədəniyyət müəssisəsi, o cümlədən 4,6 milyon kitab fondu olan 927 kitabxana, 808 mədəniyyət sarayı, klub və mədəniyyət evi, 85 musiqi və rəssamlıq məktəbi, 100 mindən artıq eksponatın toplandığı 22 muzey və muzey filialı, 4 rəsm qalereyası, 4 teatr müəssisəsi, 2 konsert müəssisəsi, 8 mədəniyyət və istirahət parkı, Qarabağ münaqişəsinə qədər dövlət qeydiyyatına alınan 700-dən artıq tarix və mədəniyyət abidəsi, o cümlədən Cəbrayıl rayonunda 11 və 15 aşırımlı Xudafərin körpüləri (VII-XII əsrlər), Kəlbəcər rayonunda Gəncəsar və Xudavənd məbədləri (XIII əsr), Ağdam rayonunun Xaçın Türbətli kəndində məqbərə (XIV əsr), Füzuli rayonu ərazisində dünyanın ən qədim sakinlərinin yaşayış məskənlərindən biri - Azıx mağarası, Şuşa Dövlət Tarix-Memarlıq Qoruğu erməni vandalizminin qurbanına çevrilib".

Nazirlikdən bildirilib ki, ermənilər Şuşadakı "Yuxarı Gövhər ağa" məscidinin də tarixini saxtalaşdırmağa çalışırlar:

"Ermənistan tərəfindən işğal olunan Şuşa şəhərində yerləşən Yuxarı Gövhər ağa məscidi 1883-1884-cü illərdə İbrahimxəlil xanın qızı Gövhər ağanın tapşırığı ilə memar Kərbəlayı Səfixan Sultanhüseyn oğlu Qarabaği tərəfindən inşa edilmişdir. İndiki məscidin yerində hələ Pənahəli xanın dövründə qarğı və qamışdan bir məscid tikilibmiş. Pənahəli хanın tikdirdiyi qarğı məscid 1768-ci ildə İbrahimxəlil xan tərəfindən daşla əvəz edilmişdi.

Daha sonra həmin məscidin yerində müasir dövrümüzə qədər gəlib çatmış "Yuхarı Gövhər ağa" məscidi kimi tanınan həmin bina inşa edilib. Təmir-bərpa işləri adı altında ermənilər məscidin daxili interyerində ciddi dəyişikliklər edərək tariximizi saxtalaşdırmağa çalışırlar. Məscidin internet resurslarında yayılmış şəkilləri də bunu təsdiqləyir".

0
Teqlər:
Mədəniyyət Nazirliyi, mədəni irs, erməni təxribatı, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Sami Yusuf Azərbaycan Ordusuna dəstək verib
Tərtər atəş altında: poçt binasına və xəstəxanaya top mərmiləri düşüb
Hikmət Hacıyev dünyanın aparıcı KİV-lərini Qarabağ döyüşləri barədə məlumatlandırdı
Rəsmi Bakı: Ermənistanın hərbi təcavüzü nəticəsində 10 mülki şəxs həlak olub
Hüsənli kəndində Ermənistan ordusunun mərmisi yaşayış evini dağıdıb – VİDEO