Suriya prezidenti Bəşər Əsəd

Əsəddən gözlənilməz Afrin etirafı: “Onlar mənimdir”

670
(Yenilənib 23:39 05.03.2018)
Bəşər Əsəd Afrinə gedən güclərin özünə bağlı olduğunu ilk dəfə etiraf edib

BAKI, 5 mart — Sputnik. Bəşər Əsədin mətbuat xidməti tərəfindən verilən açıqlamada Afrinə girən qüvvələrin hökumətə bağlı olduğu ilə bağlı ilk etiraf gəlib.

Sputnik Azərbaycan "Sözcü"yə istinadla xəbər verir ki, yerli mənbələrin məlumatlarında Afrindəki toqquşmalarda hökumətə bağlı qüvvələrin iştirak etdiyi bildirilsə də, Bəşər Əsəd rejimi bu qrupların varlığını etiraf etmirdi.

Amma gecikmiş də olsa, bu dəfə rəsmi etiraf gəlib. Suriya prezidenti Bəşər Əsəd Afrinə gedən güclərin ona bağlı olduğunu bildirib və rejim dəstəkli qüvvələrin Afrin şəhərinə daxil olmasının normal olduğunu deyib.

670
Teqlər:
Afrin, Bəşər Əsəd, açıqlama
İspaniyada epdimioloji vəziyyət

İspaniyada ikinci koronavirus epidemiyası qaçılmazdır ekspert

21
"Bəlkə də bütün payız maska geyinmək lazım olacaq. Ciddi gigiyena qaydalarına, sosial məsafəyə riayət etməyə davam etmək lazımdır. İnsanlara izah etmək lazımdır ki, özlərini məsuliyyətli aparsınlar".

BAKI, 27 may — Sputnik. İspaniyada ikinci koronavirus epidemiyasının payızda baş verməsi demək olar ki, qaçılmazdır, lakin hökumətin ağır karantinin qarşısını almaq və problemi digər yollarla həll etmək üçün vaxtı var. Sputnik Azərbaycan xəbər verir ki, bunu Navarra Universitetinin mikrobioloqu Gilyermo Martinez de Texada RİA Novosti-yə bildirib.

"Bir çox mütəxəssislər inanırlar ki, epidemiya oktyabrda yenidən baş verəcək. Mən də bu fikirdəyəm. Çox güman ki, belə olacaq. Amma yüz faizlik əminlik ola bilməz. Onun birinci epidemiya kimi güclü olub-olmayacağı da aydın deyil", - Martinez de Texada deyib.

Onun sözlərinə görə, hazırda cənub yarımkürəsində payızdır və orada xəstələrin sayında kəskin artım baş verib.

"Bu qrip kimi mövsümi bir virusa oxşayır", - mikrobioloq deyib.

İspaniya hakimiyyət orqanlarının yeni dalğaya hazırlaşmaq üçün bir neçə ay vaxtı var, lakin ölkə çətin ki, mart-aprel aylarında olduğu kimi sərt karantin tətbiq etsin.

"Bu, çox ağır olardı. Cənubi Koreya və Tayvan bütün əhalini karantinə salmadılar. Onlar tez reaksiya verməyə imkan verən sistemləri tətbiq etdilər", - Martinez de Texada deyib.

O qeyd edib ki, hər halda, epidemiyanın ikinci dalğasına həm hakimiyyət, həm tibb işçiləri, həm də ölkə sakinləri martdakından daha hazırlıqlı olacaqlar.

"Bəlkə də bütün payız maska geyinmək lazım olacaq. Ciddi gigiyena qaydalarına, sosial məsafəyə riayət etməyə davam etmək lazımdır. İnsanlara izah etmək lazımdır ki, özlərini məsuliyyətli aparsınlar", - mikrobioloq əlavə edib.

Bununla yanaşı, o, ölkənin payız və qışda barları, mağazaları və s. yenidən bağlamaq məcburiyyətində qalacağını istisna etməyib.

21
Arxeoloji qazıntılar, arxiv şəkli

Çində qədim tapıntı - İçində olduğu bilinmir

36
Alimlərin dəyərləndirməsinə görə, kuzənin 2 minə yaxın yaşı var. Kuzə qaz başları bəzədilib, içində isə naməlum sarı-qəhvəyi maye olub.

BAKI, 26 may — Sputnik. Çində içində naməlum maye olan qədim bürünc kuzə tapılıb.

Sputnik Azərbaycan xarici mətbuata istinadla xəbər verir ki, Henan əyalətindəki Sanmenxia şəhərinin yenidən qurulması zamanı bir qab, digər əşyalar və nefrit qılıncları olan bir məzar tapılıb.

Arexeoloqların sözlərinə görə, məzarın Tsin sülaləsi dövründə (221-207 bizim eradan əvvəl) tikilmə ehtimalı var. O yerli məmurlardan birinə aid ola bilər.

Alimlərin dəyərləndirməsinə görə, kuzənin 2 minə yaxın yaşı var. Kuzə qaz başları bəzədilib, içində isə naməlum sarı-qəhvəyi maye olub. Hazırda kimyaçılar onun tərkibini öyrənir.

36

Bu rayonun bir hissəsinə su verilişi dayandırılacaq

0
(Yenilənib 10:15 27.05.2020)
Xocalı pr., M.Mehdizadə, A.Cəlilov, S.Orucov, N.Əliyev, N.Rəfiyev, A.İsmayılov, R.Əliyev küçələrinə içməli suyun verilişi dayandırılacaq

BAKI, 27 may — Sputnik. Bakıda Xətai rayonunun bir hissəsinə su verilişi dayandırılacaq. Sputnik Azərbaycan-a "Azərsu" Açıq Səhmdar Cəmiyyətinin (ASC) mətbuat katibi Anar Cəbrayıllının verdiyi məlumata görə, yeni çəkilmiş magistral su xəttinin şəbəkəyə qoşulması ilə əlaqadar bu gün ərzində Xətai rayonunun bir hissəsinə (Xocalı pr., M.Mehdizadə, A.Cəlilov, S.Orucov, N.Əliyev, N.Rəfiyev, A.İsmayılov, R.Əliyev küçələri) içməli suyun verilişi dayandırılacaq.

0