Vladimir Putinin Federal Məclisə müraciəti

Putinin müraciəti: Yeni silahlar Rusiyanın inkişafı

115
(Yenilənib 00:21 02.03.2018)
Prezident açıq bəyan edib ki, SSRİ dağılandan sonra beynəlxalq aləm uzun müddət Rusiya ilə tərəfdaş qismində danışmaq istəməyib

BAKI, 2 mart — Sputnik. Rusiya prezidenti Vladimir Putin Federal Məclisə illik müraciətlə çıxış edib. Sputnik Azərbaycan xəbər verir ki, prezident müraciətində ölkənin gələcək inkişafı və təhlükəsizliyi mövzusuna toxunub.

Vladimir Putinin çıxışında Rusiyanın beynəlxalq aləmdəki yeni roluna, mövqeyinə xüsusi yer ayrılıb. Prezident açıq bəyan edib ki, SSRİ dağılandan sonra beynəlxalq aləm uzun müddət Rusiya ilə tərəfdaş qismində danışmaq istəməyib. O, artıq bu dövrün arxada qaldığını bildirib: "İqtisadiyyat, maliyyə, müdafiə sənayesi, orduda olan bütün problemlərə baxmayaraq, Rusiya ən böyük nüvə dövləti olaraq qalır. Yaddan çıxarmayın, bizimlə heç kim danışmaq istəmirdi. Bizə heç kim qulaq asmaq istəmirdi. İndi isə qulaq assınlar".

Putin çıxışı zamanı ölkənin hərbi sahədə əldə etdiyi bəzi nailiyyətlərdən danışıb. Onların arasında "Sarmat" raket kompleksi xüsusi yer tutur. Prezident bildirib ki, beşinci nəsil kompleks olan "Sarmat" hələ SSRİ-də hazırlanmış "Voyevoda"ları əvəz edəcək və hazırda aktiv sınaq dövründədir.

Strateji raket kompleksi hərəkətdə olan hədəflərin, o cümlədən dənizdəki hədəflərin vurulması üçün nəzərdə tutulub. Çoxpilləli qitələrarası ballistik raket NATO hava hücumundan müdafiə qüvvələrini dəf etmək qüdrətindədir. Raketin özünün kütləsi 200 tondur.

Vladimir Putin hipersəsdən tez "Kinjal" silahı barədə də danışıb. Bu silah 2017-ci il dekabrın 1-dən Cənub hərbi dairəsində növbəyə durub. Putin "Kinjal"ı mütləq silah adlandırıb: "Bu, müasir hipersəsdən tez aviasiya-raket kompleksidir. O, daşıyıcı təyyarədən və hipersəsdən tez raketdən ibarətdir. Təyyarə unikal texniki xarakteristikalara malikdir və bu, bir neçə dəqiqəyə raketi istənilən nöqtəyə çatdırmağa imkan verir".

Rusiya prezidenti yeni yaradılan sualtı pilotsuz qayıqlardan da danışıb. Belə qayıqların hazırlanmasını "fantastika" adlandıran dövlət başçısı bildirib ki, bu qayıqlar çox dərinlikdə üzür, qitələrarası məsafəni qət edə bilir, bu zaman onların göstəricisi sualtı qayıqların göstəricisini bir neçə dəfə üstələyir: "Onların səssizdir, manevr imkanları yüksəkdir və düşmən onu tuta bilmir. Hələ onlara qarşı dura biləcək hərbi vəsaitlər hazırlanmayıb. Onlar adi və nüvə başlığı daşıya bilirlər. Bu da onlara çox fərqli hədəfləri, o cümlədən düşmənin aviadaşıyıcı qruplaşmalarını, sahil mühafizəsini və infrastrukturunu vurmağa imkan verir".

Rusiya prezidenti yeni hazırlanan "Avanqard" raket sistemi barədə danışaraq, onun artıq kütləvi şəkildə istehsal edildiyini vurğulayıb: "Bu, Rusiyanın daha bir strateji silah növüdür. Biz onu "Avanqard" adlandırmışıq. Məlum səbəblərdən raketi tam olaraq göstərə bilmirik. Amma raket hazırlanıb və işləyir".

Raketin texniki xarakteri ilə bağlı tam məlumat verilmir. Amma ekspertlər bildirilər ki, "Avanqard" Amerika müdafiə raketlərini sürətinə görə 4 dəfə üstələyir.

115
Teqlər:
silahlar, Federal məclis, Vladimir Putin, müraciət
Rusiya Müdafiə Nazirliyinin binası, arxiv şəkli

Moskva Qarabağa dair qurulacaq Mərkəz barədə: "Türkiyə hərbçilərinin sayı..."

47
(Yenilənib 17:58 01.12.2020)
Rusiya Müdafiə Nazirliyi və Türkiyə Milli Müdafiə Nazirliyi arasında noyabrın 11-i imzalanan memoranduma uyğun olaraq, atəşkəsə və bütün hərbi fəaliyyətlərə nəzarət üzrə Rusiya-Türkiyə Ortaq Mərkəzinin yaradılması və fəaliyyətinə dair razılıq əldə olunub.

BAKI, 1 dekabr — Sputnik. Rusiya və Türkiyə Dağlıq Qarabağda atəşkəsə nəzarət üzrə Ortaq Mərkəzə dair razılığa gəlib. Mərkəzdə hər iki ölkədən olan hərbçilərin sayı bərabər olacaq. Sputnik Azərbaycan "RİA Novosti"yə istinadən xəbər verir ki, bunu Rusiyanın müdafiə naziri general-mayor İqor Konaşenikov bildirib.

"Rusiya Federasiyası Müdafiə Nazirliyi və Türkiyə Respublikası Milli Müdafiə Nazirliyi arasında noyabrın 11-i imzalanan memoranduma uyğun olaraq, atəşkəsə və bütün hərbi fəaliyyətlərə nəzarət üzrə Rusiya-Türkiyə Ortaq Mərkəzinin yaradılması və fəaliyyətinə dair razılıq əldə olunub. Mərkəz Azərbaycan ərazisində yerləşəcək. Rusiya və Türkiyə hərbçilərinin sayı bərabər olacaq", - deyə Konaşenkov bildirib.

Qeyd edək ki, bu gün Türkiyənin Milli Müdafiə Nazirliyi məlumat yayaraq Türkiyə-Rusiya Ortaq Mərkəzinin yaradılmasına dair texniki detallarla bağlı müzakirələrin başa çatdığını və tərəflər arasında anlaşma imzalandığını bildirib.

"Türkiyə-Rusiya Ortaq Mərkəzinin yaradılması və vəzifə əsaslarına dair texniki detallarla bağlı danışıqlar tamamlanaraq razılaşma imzalanıb. Mərkəzin ən qısa zamanda fəaliyyətə başlaması üçün lazımi işlər gedir", - deyə məlumatda qeyd olunub.

Həmçinin qeyd olunur ki, noyabrın 11-də Türkiyənin Milli Müdafiə naziri Hulusi Akarla rusiyalı həmkarı Sergey Şoyqu Azərbaycan və Ermənistan arasında atəşkəsi müşahidə etmək və nəzarət üçün video konfrans formatında anlaşma memorandumu imzalayıb.

47
Çak Norris, arxiv şəkli

"Qarabağ, sən indi xoşbəxtsən" - amerikalı aktyor Azərbaycanı təbrik etdi

21
(Yenilənib 17:22 01.12.2020)
Norris açıqlamasında "Qarabağ, sən indi əsl ailənlə xoşbəxtsən" deyib. Qeyd edək ki, Çak Norris əvvəllər də izləyicilərinin istəklərini video vasitəsilə çatdırıb.

BAKI, 1 dekabr — Sputnik. Məşhur amerikalı aktyor, film rejissoru və ssenaristi Çak Norris Qarabağla bağlı danışıb.

O, açıqlamasında "Qarabağ, sən indi əsl ailənlə xoşbəxtsən" deyib.

Qeyd edək ki, Çak Norris əvvəllər də izləyicilərinin istəklərini video vasitəsilə çatdırıb.

Məlumat üçün bildirək ki, Norris Qərb yarımkürəsində taekvondo sistemi üzrə 8-ci dərəcəli qara kəmərə layiq görülən ilk idmançı, eləcə də Ümumdünya Təkbətək Döyüş Liqasının (World Combat League) banisi və prezidentidir.

Çak Norris çoxsaylı teleşouların yaradıcısı olmaqla yanaşı, öz jurnalını nəşr etdirir, bir neçə kitabın müəllifidir. ABŞ-da onun aktyorluq işi çoxdan ikinci plana çəkilib. Hazırda Norris milli miqyasda xristian missioneridir. Çoxsaylı dini təşkilat və fondlarda üzvlüklə yanaşı, Çak populyar "World Net Daily" saytında bir bölümə rəhbərlik edir. Həmin bölümün əsas mövzusu İncil və xristianlığın ABŞ-da fəal təbliğatından ibarətdir. O, bundan başqa, ondan artıq filmdə rol alıb.

21
Azərbaycan bayrağı, arxiv şəkli

ƏSA Teatrının kollektivi xalqımızı belə təbrik etdi - VİDEO

0
(Yenilənib 20:16 01.12.2020)
ƏSA Teatrının kollektivi videoçarx vasitəsilə şanlı qələbəmizdə əməyi olan vətəndaşlarımıza, jurnalistlərimizə, polislərimizə, həkimlərimizə, müharibənin əsas qəhrəmanı olan hərbçilərimizə və Ali Baş Komandanımıza təşəkkür ediblər.

BAKI, 1 dekabr — Sputnik. Əlilliyi olan və olmayan aktyorlardan ibarət Azərbaycanın ilk inklüziv teatrı olan ƏSA Teatrı Azərbaycan xalqının İkinci Qarabağ müharibəsindəki tarixi qələbəsi münasibətilə növbəti sosial videoçarx hazırlayıb. Videoçarxda teatrın aktyor heyəti iştirak edib.

Sputnik Azərbaycan xəbər verir ki, İkinci Qarabağ müharibəsi başlayan gündən vətənpərvərlik istiqamətində layihələr həyata keçirən ƏSA Teatrının kollektivi budəfəki videoçarx vasitəsilə şanlı qələbəmizdə əməyi olan vətəndaşlarımıza, jurnalistlərimizə, polislərimizə, həkimlərimizə, müharibənin əsas qəhrəmanı olan hərbçilərimizə və Ali Baş Komandanımıza təşəkkür edərək, qələbə sevincini bölüşüb.

0
Teqlər:
xalq, təbrik, ƏSA Teatrı