BAKI, 1 mart — Sputnik. Türkiyə prezidenti Rəcəb Tayyib Ərdoğanın Əlcəzair səfəri ilə bağlı maraqlı detal üzə çıxıb. Afrika ölkələri turuna çıxan Ərdoğanın ilk dayanacağı olan Əlcəzairdə bu ölkənin prezidenti Əbdüləziz Buteflika ilə keçirdiyi mətbuat konfransında maraqlı anlar yaşanıb.
Yerli jurnalistlərdən biri Ərdoğandan, Osmanlı imperiyasının Əlcəzairə müstəmləkə kimi baxıb-baxmadığını, maddi və mənəvi sərvətini talayıb-talamadığını soruşub. Türkiyə prezidenti "əgər elə olsaydı, siz bu sualı mənə fransızca yox, türkcə verərdiz" cavabını verib.
Sputnik Türkiyə xəbər verir ki, həmin ərəfədə salonda olan Qətərin məşhur jurnalisti Faysal Kasım, jurnalistlə Ərdoğan arasında keçən dialoqu öz "Twitter" hesabında paylaşıb.
فن الجواب
— فيصل القاسم (@kasimf) February 27, 2018
في زيارة للرئيس التركي رجب طيب أردوغان للجزائر ، أراد أحد الصحفيين إحراج أردوغان فسأله هل تعتبر أن الأتراك كانوا محتلين للجزائر ؟
فرد عليه أردوغان: لو كان الأتراك دولة احتلال لكان سؤالك لي باللغة التركية وليس بالفرنسية..
😂😂😂😂
