Rəcəb Tayyib Ərdoğan

Ərdoğana elə bir məktub gəldi ki, ya qəzəb baş qaldıracaq, ya mərhəmət

806
(Yenilənib 14:41 01.03.2018)
"Bu cür həbslər Türkiyə Respublikasının dünyadakı hörmətinə, nüfuzuna xələl gətirir"

BAKI, 1 mart — Sputnik. Nobel mükafatının sahibi, dünyaca məşhur 38 nəfər yazıçı Türkiyə prezidenti Rəcəb Tayyib Ərdoğana məktub yazıb. Sputnik Azərbaycan xəbər verir ki, məktubun mətni Britaniyanın "The Guardian" qəzetində dərc olunub.

Aralarında Svetlana Aleksieviç (Svetlana Alexievich), J.M.Koetze (Coetze) və Kazuo İşiquronun (Kazuo Ishiguro) da olduğu məşhur ədiblər, Türkiyədə ömürlük həbsə məhkum olunan jurnalistlər Ahmet Altan, Mehmet Altan və Nazlı Ilıcakın azadlığa buraxılması üçün Ərdoğana müraciət ediblər.

Ahmet Altan və qardaşı Mehmet Altan
© Photo : theguardian
Ahmet Altan və qardaşı Mehmet Altan

Məktubda yazılır:

"Diqqətinizə çatdırmaq istəyir ki, bu cür həbslər Türkiyə Respublikasının dünyadakı hörmətinə, nüfuzuna xələl gətirir. Siz özünüz 1999-cu ildə səsləndirdiyiniz bir şeirə görə 10 aylıq həbsə atıldınız. Bu, ədalətli deyildi, hüquqa zidd və qəddarcasına idi. O vaxt sizi müdafiə edən insanlar, bu gün yaşananlar qarşısında dəhşətə düşüblər. Ümid edirik ki, ölkənizdə fövqəladə vəziyyət rejimi tezliklə aradan qalxar və haqsız yerə həbs edilən şəxslər azadlıqlarına qovuşarlar. Türkiyə yenidən azad dünyanın qürurlu üzvünə çevrilər".

Yazıçılar Ərdoğanın 2009-cu ildə mərhum yazıçı Çətin Altana mükafat təqdim edərkən işlətdiyi ifadələrə də diqqət çəkiblər: "Yadınızdadırsa, 2009-cu ildə yazıçı Çətin Altana mükafat təqdim edərkən belə bir ifadə işlətmişdiniz: "Türkiyə artıq yazıçıları, şairləri həbsə atan köhnə Türkiyə deyil. O dövr tamamən geridə qaldı". Cənab Ərdoğan, siz bu sözləri deyən zaman, həmin zalda mərhum Çətin Altanın oğulları Ahmet və Mehmet Altan da var idi. Hazırda onlar həbsdədir. Sizcə, bu, ziddiyyət deyilmi?".

Qeyd edək ki, jurnalistlər Ahmet Altan, Mehmet Altan və Nazlı Ilıcak FETÖ terror təşkilatının media təmsilçisi olmaqda təqsirli bilinərək ömürlük həbsə məhkum ediliblər. Onlar 15 iyul 2016-cı ildə baş verən dövlət çevrilişinin təbliğatını aparmaqda da günahlandırılır.

806
Teqlər:
Nazlı Ilıcak, Mehmet Altan, Ahmet Altan, Kazuo Ishiguro, Coetze, Svetlana Aleksieviç, Svetlana Alexievich, Nobel mükafatı, məktub, yazıçı, Rəcəb Tayyib Ərdoğan, Türkiyə, prezident, həbs
Reza Deqati, arxiv şəkli

Əcnəbilər üçün tarix dərsi: "Maşınların pəncərəsindən gizli şahidlik etdim" - FOTO

7
(Yenilənib 17:01 20.01.2021)
"Şəhər jurnalistlər üçün qapalı idi. Ancaq Moskvadan qatara minərək qırx səkkiz saat orada gizləndim, Bakıya gəldim. Bunun sayəsində bəzən bu üsyan cəhdinin ciddi təzyiqi altında maşınların pəncərəsindən gizli  şahidlik edə bildim"

Şahpəri Abbasova, Sputnik Azərbaycan

BAKI, 20 yanvar — Sputnik. Fransada yaşayan məşhur fotojurnalist Reza Deqati 20 Yanvar faciəsi ilə bağlı paylaşım edib. Sputnik Azərbaycan xəbər verir ki, dünyaca məşhur fotoqraf qanlı gecə haqqında özünün "Facebook" səhifəsində yazıb: "Əfqan sərkərdələri ilə dağlarda döyüşdükdən sonra dünyanın ən böyük ordularından biri təslim oldu. Şərq Blokunun parçalanması başladı - Berlin divarından yıxılacaq ilk beton parçasının simvolizə etdiyi bir proses. 19-cu əsrdən bəri Rusiyanın nəzarətində olan bir ölkədə - Azərbaycanda siyasi ixtişaşlar Kremlə qarşı üsyana çevrildi. Bu cəsarəti cəzalandırmaq üçün rus tankları 19 yanvar 1990-cı ildə gecə Azərbaycanın paytaxtı Bakıya girdi və insanları qətlə yetirdilər".

Məşhur fotoqraf həmin faciə vaxtı Bakıya gəldiyi haqqında da danışıb: "Qırğın yüzlərlə ölü və yaralıya səbəb oldu. Şəhər jurnalistlər üçün qapalı idi. Ancaq Moskvadan qatara minərək qırx səkkiz saat orada gizləndim, Bakıya gəldim. Bunun sayəsində bəzən bu üsyan cəhdinin ciddi təzyiqi altında maşınların pəncərəsindən gizli şahidlik edə bildim".

Deqati qanlı günlərin simvolu olan qərənfil haqqında da danışıb: "Milli çiçək artıq ölkəni təmsil etmək üçün deyil, o lənətə gəlmiş gecə istifadə edildi. Qırmızı qərənfillər indi yalnız cənazə üçün istifadə olunur və müstəqillik uğrunda mübarizə zamanı ölənlərin xatirəsini yad etmək üçün məzar daşlarının üzərinə qoyulur. Ağrılı keçmişin əbədi qalıqları, yerdəki çiçəklər insanları öz tarixi ilə barışığa, nəhayət azadlığa qovuşmağa dəvət edir".

Məşhur fotoqraf həmin gecə ilə bağlı "Məsumların qırğını" (The Massacre of the Innocents) adlı kitab dərc edib. R.Deqati izləyicilərini həmin kitabı oxumağa dəvət edib.

Qeyd edək ki, Reza Deqati 40 ildən çoxdur dünyanı gəzib dolaşır. O, Qarabağda dəfələrlə olub. Otuzdan çox kitabın müəllifidir. Bir sıra beynəlxalq mükafatlar alıb. Missuri Universitetinin "Şərəf" medalına layiq görülüb, Parisin Amerika Universitetinin fəxri doktorudur. Fransa hökuməti onu Milli Cəngavərlik Ordeni ilə təltif edib. Parisdə "Mühacirin düşüncələri", "Kəsişən talelər", Vaşinqtonda "Bir dünya, bir tayfa", Normandiyada "Müharibə+Sülh" və Dohada "Ümid" adlı sərgiləri təşkil olunub. Fotoqraf ümumilikdə 250 sərginin iştirakçısıdır.

7
Teqlər:
fotoqraf, tarix, 20 Yanvar
Türkiyə Xarici İşlər Nazirliyinin binası, arxiv şəkli

Türkiyə XİN-dən 20 Yanvarla bağlı paylaşım

8
(Yenilənib 15:39 20.01.2021)
"20 Yanvar 1990-cı ildə Can Azərbaycanın istiqlalı üçün şəhid olan azərbaycanlı qardaşlarımızı rəhmətlə anırıq".

BAKI, 20 yanvar — Sputnik. Türkiyə Xarici İşlər Nazirliyi 20 Yanvar faciəsinin ildönümü ilə əlaqədar "Twitter"-də paylaşım edib.

Sputnik Azərbaycan xəbər verir ki, paylaşımda bildirilir: "20 Yanvar 1990-cı ildə Can Azərbaycanın istiqlalı üçün şəhid olan azərbaycanlı qardaşlarımızı rəhmətlə anırıq".

Qeyd edək ki, daha əvvəl Türkiyənin xarici işlər naziri Mövlud Çavuşoğlu öz hesabında 20 Yanvarla bağlı paylaşım etmişdi: "20 Yanvar 1990-cı ildə Can Azərbaycanın istiqlalı uğrunda həyatlarını fəda edən qardaşlarımızı rəhmətlə anıram. Şəhidlərin simvolu qərənfillər bu gün azad Azərbaycan torpaqlarının simvolu olan xarı bülbül ilə birlikdə açır. Üç rəngli bayrağınla məsud yaşa Can Azərbaycan!".

8