Türkiyə prezidenti Rəcəb Tayyib Ərdoğan Suriya ilə sərhəddəki Hatay vilayətində

Türkiyə atəşkəs xəbərdarlığına məhəl qoymadı dünyaya meydan oxudu

1734
(Yenilənib 13:21 01.03.2018)
"Türkiyə hərbi əməliyyatları bir ay müddətinə dayandırmalıdır"

BAKI, 1 mart — Sputnik. Almaniyanın Xarici İşlər Nazirliyi Türkiyənin Afrindəki "Zeytun budağı" əməliyyatı ilə bağlı atəşkəs çağırışı edib. Sputnik Azərbaycan bu barədə "Haberler"-ə istinadən xəbər verir.

Nazirlikdən bildirilib ki, BMT Təhlükəsizlik Şurasında (TŞ) qəbul edilən 30 günlük atəşkəs Afrin bölgəsini də əhatə edir: "BMT-də əldə olunan 30 günlük atəşkəs razılığı bütün Suriyanı əhatə edir. Türkiyə hərbi əməliyyatları bir ay müddətinə dayandırmalıdır".

Oxşar bəyanatı ABŞ Dövlət Departamenti də yayıb. Departament sözçüsü Hezər Nauret (Heather Nauret) qeyd edib ki, türk tərəfi BMT TŞ-də qəbul edilən atəşkəs razılaşmasını düzgün oxumalı və əməliyyatı dərhal dayandırmalıdır.

Rəsmi Ankara isə, təklifləri qətiyyətlə rədd edib. Prezident Rəcəb Tayyib Ərdoğan bütün təzyiqlərə baxmayaraq, Afrini PYD terrorçularından təmizləyəcəklərini söyləyib.

"Əjdahanı yaralı buraxmaq olmaz. Şanlı ordumuz Afrin bölgəsini terrorçulardan təmizləyənə qədər əməliyyat davam edəcək. Sözügedən atəşkəs razılaşmasında Afrinin adı qeyd olunmayıb. Bizi aldada bilməzlər", — Ərdoğan bildirib.

1734
Teqlər:
"Zeytun budağı" əməliyyatı, Afrin, Xarici İşlər Nazirliyi, atəşkəs, Rəcəb Tayyib Ərdoğan, Türkiyə, Almaniya
Əlaqədar
Türkiyədə limanda partlayış olub
Türk ordusunun zəfərləri davam edir
Türkiyə ABŞ-ın yalanının üstünü açdı
Türkiyənin Berlindəki səfirliyinə hücum edilib
Türkiyədən Salih Müslim qərarına sərt etiraz: Terroru dəstəklədiniz
Штаб-квартира Министерства обороны США, фото из архива

Tarixdə ilk dəfə qaradərili general Pentaqonun rəhbəri təyin edilib

15
(Yenilənib 20:58 22.01.2021)
İraq, Əfqanıstan kimi qaynar bölgələrdə xidmət etmiş Ostin 2013-ci ildə ABŞ Mərkəzi Komandanlığının rəhbəri təyin olunub.

BAKI, 22 yanvar - Sputnik. ABŞ Senatı bu gün istefada olan dörd ulduzlu general Lloyd Ostinin ölkənin müdafiə naziri vəzifəsinə namizədliyini təsdiq edib.

Sputnik Azərbaycan xarici mediaya istinadla xəbər verir ki, Pentaqon rəhbərləri arasında ilk afroamerikalı olan Ostin tezliklə müvafiq and içəcək.

İraq, Əfqanıstan kimi qaynar bölgələrdə xidmət etmiş Ostin 2013-ci ildə ABŞ Mərkəzi Komandanlığının rəhbəri təyin olunub.

O, 2016-cı ildə ordudan istefa verərək sonradan Nümayəndələr Palatası və Senatın üzvü olub.

15
Teqlər:
Pentaqon, ABŞ
Yerevanda etirazlar

Ermənistan dünyanın vecinə deyil - Serj Sarqsyanın səfir kürəkənindən şok sözlər

25
(Yenilənib 18:41 22.01.2021)
“Erməni üçün başqa ölkənin, xüsusilə Rusiyanın agenti olmaqdansa, türkün iti olmaq daha yaxşıdır” - erməni politoloq.

BAKI, 22 yanvar - Sputnik. “Ölkə erməni xalqının, erməni xalqı hakimiyyətin, Ermənistan isə dünyanın vecinə deyil”.

Sputnik Azərbaycan Report-a istinadla xəbər verir ki, bunu Ermənistanın Vatikandakı sabiq səfiri, keçmiş prezident Serj Sarqsyanın kürəkəni, mühacir diplomat Mikael Minasyan söyləyib.

Qeyd edək ki, son günlər Ermənistanda bu ölkənin ictimaiyyətinə xas olmayan bir sıra bəyanatlar gündəmə gəlib. Məsələn, yanvarın 20-də ölkənin baş naziri Nikol Paşinyan Şuşanın erməni şəhəri olmadığını bildirib. Bu gün isə N.Paşinyanın əqidədaşı, politoloq Levon Şirinyan daha sərt açıqlama verib:

“Erməni üçün başqa ölkənin, xüsusilə Rusiyanın agenti olmaqdansa, türkün iti olmaq daha yaxşıdır”.

25

Yanvarın 25-nə qədər ölkədə ictimai nəqliyyat işləməyəcək

0
(Yenilənib 00:11 23.01.2021)
Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

BAKI, 23 yanvar - Sputnik. Bu gündən yanvarın 25-i saat 06:00-dək bütün ölkə ərazisində ictimai nəqliyyatın fəaliyyəti dayandırılıb.

Sputnik Azərbaycan-ın məlumatına görə, Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

Bununla əlaqədar 23 yanvar saat 00:00-dan 25 yanvar saat 06:00-dək ölkə ərazisində ictimai nəqliyyat fəaliyyət göstərməyəcək.

Qeyd edək ki, Bakı metropolitenində də sərnişindaşıma dayandırılıb.

0