İran

İranda sensasion hadisə: Bu, inqilabdır

1549
(Yenilənib 13:44 01.03.2018)
İslam inqilabından bu yana kimsə bu fikri dilinə gətirməmişdi

BAKI, 1 mart — Sputnik. İran prezidenti Həsən Ruhaninin müavini Məsumə İbtikar qadınların məcburi şəkildə baş örtüsü taxması qanununa qarşı olduğunu deyib. Sputnik Azərbaycan "Daily Mail"-ə istinadən xəbər verir ki, onun bu sözləri ölkədə "düşüncə inqilabı" kimi dəyərləndirilib. Çünki 1979-cu il inqilabından bu yana heç bir rəsmi şəxs tərəfindən bu haqda açıq fikir bildirən olmamışdı.

"Baş örtüsü elə bir mövzudur ki, onu zorla qəbul etdirmək düzgün deyil. Mən özüm baş örtüsü tərəfdarı olsam da, bu geyimin təzyiq və şiddətlə qorunmasına qarşıyam", — xanım İbtikar qeyd edib.

Qadınların başını bağlamasının İranda qanuni zərurət olduğunu xatırladan İbtikar deyib ki, əslində bu qanun 1979-cu il inqilabından sonra xalqdan gələn tələb üzərinə qəbul olunmuşdu: "İndi isə vəziyyət bir az fərqlidir. Düşünürəm ki, hökumət yeni nəslin nümayəndələri ilə bu haqda danışıqlar aparmalı və ortaq məxrəcə gəlinməlidir. Gənclərin tələbləri nəzərə alınmalıdır".

Məsumə İbtikar, həmçinin deyib ki, qadınların ərlərinin icazəsi olmadan ölkədən çıxa bilmələri üçün də dini qurumlar və alimlərlə müzakirələr aparılacaq.

Xatırladaq ki, iki aydan çoxdur İranda hökumət əleyhinə irili-xırdalı aksiyalar keçirilir. Onlardan bəziləri iqtisadi vəziyyətin ağırlığı, bəziləri isə insan haqlarının kobud şəkildə pozulması ilə bağlıdır.

1549
Teqlər:
baş örtüsü, Məsumə İbtikar, inqilab, müavin, İran, Həsən Ruhani, qadın, prezident
Əlaqədar
İran raketləri dünyanı silkələdi
Politoloq İranın nüvə razılaşmasından imtina edə biləcəyindən danışır
İran Suriya barədə xəbərdarlıq etdi
İranın keçmiş prezidenti azad seçkilər tələb etdi
Ekspert: “İran hakimiyyəti Azərbaycan dilinin yayılmasından qorxur”
Türkiyə Respublikasının prezidenti Recep Tayyip Erdoğan, arxiv şəkli

Ərdoğan Boris Consonla Qarabağ münaqişəsini müzakirə etdi: "Ermənistan çəkilməlidir!"

73
(Yenilənib 23:53 28.09.2020)
Ermənistanın Azərbaycana qarşı hücumları nəticəsində başlayan döyüşlərə toxunan Rəcəb Tayyib Ərdoğan deyib ki, bölgədə sülh və əmin-amanlığın bərqərar olması üçün Ermənistan işğal etdiyi Azərbaycan torpaqlarından çəkilməlidir.

BAKI, 28 sentyabr — Sputnik. Türkiyə Prezidenti Rəcəb Tayyib Ərdoğan Böyük Britaniyanın Baş naziri Boris Consonla telefonla danışıb.

Sputnik Türkiyə Türkiyənin Rabitə Nazirliyinin verdiyi xəbərə istinadla bildirir ki, görüşdə Türkiyə-İngiltərə əlaqələri, Şərqi Aralıq dənizindəki proseslər, Ermənistanın Azərbaycana qarşı təxribatları və silahlı hücumu nəticəsində bölgədə yaranan gərginlik müzakirə edilib.

Rəcəb Tayyib Ərdoğan Ermənistanın Azərbaycana qarşı hücumları nəticəsində başlayan döyüşlərə toxunaraq bildirib ki, bölgədə sülh və əmin-amanlığın bərqərar olması üçün Ermənistan işğal etdiyi Azərbaycan torpaqlarından - Dağlıq Qarabağ və ətraf rayonlardan çəkilməlidir.

73
Teqlər:
Dağlıq Qarabağ, Ermənistan, Böyük Britaniya, Boris Conson, Türkiyə Prezidenti Rəcəb Tayyib Ərdoğan, prezident Rəcəb Tayyib Ərdoğan, Ərdoğan
Əlaqədar
Ərdoğan Əliyevə zəng etdi: "Türkiyə Azərbaycanın yanındadır"
İlham Əliyev Rəcəb Tayyib Ərdoğanla görüşüb
Ərdoğan: "Türkiyə Azərbaycanın yanındadır. Artıq hesab vaxtı gəldi"
Ərdoğan: "Hər zaman olduğu kimi, bu gün də Azərbaycanın yanındayıq"
Tərtər rayonunda erməni silahlı qüvvələrinin açdıqları atəş nəticəsində dağılan ev

Türkiyənin Baş Prokuroru: Ermənistanın terrorçu hücumlarını lənətləyirəm

42
(Yenilənib 21:10 28.09.2020)
Türkiyə Cumhuriyyətinin Baş Prokuroru Bəkir Şahin: "Din və qan qardaşımız, tək millət iki dövlət olan can Azərbaycana istiqamətlənmiş Ermənistanın terrorçu hücumlarını lənətləyirəm"

BAKI, 28 sentyabr — Sputnik. Türkiyə Cumhuriyyətinin Baş Prokuroru Bəkir Şahin Azərbaycanın Baş Prokuroru Kamran Əliyevə göndərdiyi mesajda Ermənistanın hücumlarını lənətlədiyini dilə gətirib.

Sputnik Azərbaycan Türkiyə mətbuatına istinadla xəbər verir ki, B.Şahin K.Əliyevə göndərdiyi mesajda Ermənistan tərəfindən Azərbaycanın yaşayış məntəqələrinə edilən hücumlardan hiddətləndiyini ifadə edib.

"Dünən də, bu gün də, sabah da din və qan qardaşımız, tək millət iki dövlət olan can Azərbaycana istiqamətlənmiş Ermənistanın terrorçu hücumlarını lənətləyirəm. Şəhidlərimizə Allahdan rəhmət diləyirəm, məkanları cənnət olsun. Yaralılara şəfa diləyirəm", - deyə B. Şahin K.Əliyevə telefon zəngi zamanı bildirib.

42
Azərbaycan hərbi təyyarələri Türkiyə səmasında

Azərbaycana məxsus təyyarənin vurulması barədə yayılan məlumat dezinformasiyadır

0
(Yenilənib 00:17 29.09.2020)
Ermənistan tərəfinin axşam saatlarında Azərbaycan Hərbi Hava Qüvvələrinə məxsus təyyarənin vurulması barədə yayılan məlumat yalan və dezinformasiyadır.

BAKI, 29 sentyabr — Sputnik. Ermənistan tərəfinin axşam saatlarında Azərbaycan Hərbi Hava Qüvvələrinə məxsus təyyarənin vurulması barədə yayılan məlumat yalan və dezinformasiyadır.

Sputnik Azərbaycan xəbər verir ki, bu barədə Müdafiə Nazirliyinin Mətbuat Xidmətinin rəisi polkovnik Vaqif Dərgahlı bildirib.

V.Dərgahlı qeyd edib ki, Azərbaycan Ordusunun bütün aviasiya vasitələri yerindədir və işləkdir.

Qeyd edək ki, Ermənistan Müdafiə Nazirliyinin mətbuat katibi Şuşan Stepanyan qondarma Dağlıq Qarabağ ordusunun Martuni üzərində Azərbaycana aid bir An-2 təyyarəsini vurduğunu iddia edib. 

0