Salman ibn Əbdüləziz

Ərəb dünyasında yeni çalxalanma: Səudiyyə kralı radikal qərarlar verdi

905
(Yenilənib 12:35 27.02.2018)
Nəhəng kadr dəyişiklikləri nazirləri, generalları, qubernatorları və şəhər merlərini ağuşuna alıb

BAKI, 27 fevral — Sputnik. Səudiyyə Ərəbistanı son bir neçə aydır ki, dünya gündəmindən düşmür. Öncə şahzadələrin həbsi, daha sonra milyardlarla dollar qarşılığında onların azadlığa buraxılması, indi də ordudakı gözlənilməz istefalar dünyanın diqqətini ərəb yarımadasına çevirib.

Sputnik Azərbaycan "The Guardian"-a istinadən xəbər verir ki, Səudiyyə Ərəbistanı kralı Salman ibn Əbdüləziz Baş Qərargah rəisi Əbdülrəhman ibn Saleh əl-Bünyanı işdən azad edib. Həmçinin Quru Qoşunları komandanı, Hava Hücumundan Müdafiə və Strateji Əhəmiyyətli Raket Qoşunları komandanı da istefaya göndərilib.

Ölkənin yeni Baş Qərargah rəisi vəzifəsinə Fayad ibn Həmid ər-Ruvayl təyin olunub. Hava Hücumundan Müdafiə Qoşunlarının komandanı general-leytenant Məhəmməd ibn Avvad Sühaymın yerinə general-leytenant Fəhd ibn Abdulla Məhəmməd əl-Müteyr təyin olunub.

Hökumətdəki kadr dəyişiklikləri qubernatorları, müavinləri və şəhər merlərini də ağuşuna alıb. Əmək və sosial inkişaf naziri də işdən çıxarılıb. Onun yerinə Tamader ər-Rammah gətirilib.

905
Teqlər:
Salman ibn Əbdüləziz, dünya gündəmi, qoşun, kral, rəis, general, Baş Qərargah, Səudiyyə Ərəbistanı, şahzadə, istefa
Əlaqədar
Səudiyyədən müsəlmanları qızdıracaq addım: İsrail üçün hava məkanı açıldı
Səudiyyə Ərəbistanı yol ayrıcında
Səudiyyə Ərəbistanında qalmaqal: Amerikalı biznesmenlərə işgəncə verilir
Fransadan Səudiyyə Ərəbistanına təcili telefon zəngi
Səudiyyə Qətərlə bağlı sərt qərar verdi, sərhədi bağladı
ABŞ-la Səudiyyə Ərəbistanı arasında təhlükəli Qüds anlaşması