Sergey Ryabkov

Rusiyadan "şantaj" açıqlaması

55
(Yenilənib 15:49 21.02.2018)
Sergey Ryabkov deyib ki, Rusiyaya qarşı atılan addımlara Kreml eyni ölçüdə tutarlı cavab verəcək

BAKI, 21 fevral — Sputnik. "Ölkəmizdə seçkilər yaxınlaşdıqca Amerika bizə qarşı şantaj və təhdidlərinin sayını artırır". Sputnik xəbər verir ki, bunu Rusiya xarici işlər nazirinin müavini Sergey Ryabkov jurnalistlərin suallarına cavabında deyib.

Ryabkov bildirib ki, ABŞ-ın Rusiya əleyhinə ortaya atdığı iddiaların heç bir əsası yoxdur.

"Amerikalı dostlarımız bizə qarşı heç bir məntiqə sığmayan davranışlar sərgiləyirlər. Daxili işlərimizə qarışırlar. Rusiyada keçiriləcək prezident seçkisi öncəsində ikitərəfli əlaqələrimizi gərginləşdirməyə söykənən siyasət yürüdürlər. Bizi onların seçkilərinə qarışmaqda təqsirləndirirlər. Halbuki ortada belə bir sübut yoxdur", — nazir müavini deyib.

Sergey Ryabkov əlavə edib ki, Rusiyaya qarşı atılan addımlara Kreml eyni ölçüdə tutarlı cavab verəcək.

55
Teqlər:
şantaj, Rusiya, ABŞ, cavab
Əlaqədar
Politoloq: “Rusiya "avropalı" olduğunu Aİ ictimaiyyətinə sübut etməyə çalışmır”
Siyavuş Novruzov: “İrəvanla bağlı bütün sənədlər Rusiya arxivlərində saxlanılır”
BMT iclası Rusiya-ABŞ "atışmasına" səhnə oldu
Штаб-квартира Министерства обороны США, фото из архива

Tarixdə ilk dəfə qaradərili general Pentaqonun rəhbəri təyin edilib

15
(Yenilənib 20:58 22.01.2021)
İraq, Əfqanıstan kimi qaynar bölgələrdə xidmət etmiş Ostin 2013-ci ildə ABŞ Mərkəzi Komandanlığının rəhbəri təyin olunub.

BAKI, 22 yanvar - Sputnik. ABŞ Senatı bu gün istefada olan dörd ulduzlu general Lloyd Ostinin ölkənin müdafiə naziri vəzifəsinə namizədliyini təsdiq edib.

Sputnik Azərbaycan xarici mediaya istinadla xəbər verir ki, Pentaqon rəhbərləri arasında ilk afroamerikalı olan Ostin tezliklə müvafiq and içəcək.

İraq, Əfqanıstan kimi qaynar bölgələrdə xidmət etmiş Ostin 2013-ci ildə ABŞ Mərkəzi Komandanlığının rəhbəri təyin olunub.

O, 2016-cı ildə ordudan istefa verərək sonradan Nümayəndələr Palatası və Senatın üzvü olub.

15
Teqlər:
Pentaqon, ABŞ
Yerevanda etirazlar

Ermənistan dünyanın vecinə deyil - Serj Sarqsyanın səfir kürəkənindən şok sözlər

25
(Yenilənib 18:41 22.01.2021)
“Erməni üçün başqa ölkənin, xüsusilə Rusiyanın agenti olmaqdansa, türkün iti olmaq daha yaxşıdır” - erməni politoloq.

BAKI, 22 yanvar - Sputnik. “Ölkə erməni xalqının, erməni xalqı hakimiyyətin, Ermənistan isə dünyanın vecinə deyil”.

Sputnik Azərbaycan Report-a istinadla xəbər verir ki, bunu Ermənistanın Vatikandakı sabiq səfiri, keçmiş prezident Serj Sarqsyanın kürəkəni, mühacir diplomat Mikael Minasyan söyləyib.

Qeyd edək ki, son günlər Ermənistanda bu ölkənin ictimaiyyətinə xas olmayan bir sıra bəyanatlar gündəmə gəlib. Məsələn, yanvarın 20-də ölkənin baş naziri Nikol Paşinyan Şuşanın erməni şəhəri olmadığını bildirib. Bu gün isə N.Paşinyanın əqidədaşı, politoloq Levon Şirinyan daha sərt açıqlama verib:

“Erməni üçün başqa ölkənin, xüsusilə Rusiyanın agenti olmaqdansa, türkün iti olmaq daha yaxşıdır”.

25

Yanvarın 25-nə qədər ölkədə ictimai nəqliyyat işləməyəcək

0
(Yenilənib 00:11 23.01.2021)
Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

BAKI, 23 yanvar - Sputnik. Bu gündən yanvarın 25-i saat 06:00-dək bütün ölkə ərazisində ictimai nəqliyyatın fəaliyyəti dayandırılıb.

Sputnik Azərbaycan-ın məlumatına görə, Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

Bununla əlaqədar 23 yanvar saat 00:00-dan 25 yanvar saat 06:00-dək ölkə ərazisində ictimai nəqliyyat fəaliyyət göstərməyəcək.

Qeyd edək ki, Bakı metropolitenində də sərnişindaşıma dayandırılıb.

0