Hollandiya səfirliyi qarşısında etiraz aksiyası, Ankara 12 mart 2017

Türkiyə ilə Hollandiya arasında qiyamət qopdu: Ankara yaralı yerindən vurulur

7363
(Yenilənib 12:31 16.02.2018)
Məsələ ilə bağlı rəsmi Ankaradan hələlik hər hansı şərh verilməyib

BAKI, 16 fevral — Sputnik. Ankaradakı səfirini geri çağıraraq Türkiyə ilə diplomatik əlaqələri kəsən Hollandiya bu dəfə Türkiyəyə qarşı daha sərt addım atmağa hazırlaşır. Belə ki, Hollandiya parlamenti qondarma iddianı gündəmə gətirərək, 1915-ci il hadisələrini "erməni soyqırımı" kimi tanımaq niyyətindədir.

Aile ve Sosyal Politikalar Bakanı olan Fatma Betül Sayan Kaya'nın ablası Ayşe Hilal Koytak müsteşar yardımcılığı görevinden istifa ettiğini açıkladı. Koytak istifa kararını Kardeşim bakanken etik olmaz diyerek aldı.
© Photo : TC Ailə və Sosial Politikalar Bakanlığı

Sputnik Türkiyə xəbər verir ki, parlamentə bu barədə təklifi koalisiya hökumətində təmsil olunan Xristian İttifaqı Partiyası (XİP) verib. Koalisiyada yer alan digər 3 partiya da layihəyə dəstək verib.

XİP-in sədri Joel Voordevind (Joel Voordewind) jurnalistlərə açıqlamasında deyib ki, Türkiyənin buna necə reaksiya verəcəyi onları qətiyyən maraqlandırmır: "Verəcəyimiz qərarlar başqalarını maraqlandırmamalıdır. Heç kəs bizə təsir göstərə bilməz. Xatırladım ki, Hollandiya beynəlxalq hüququn paytaxtıdır".

Partiya rəhbəri əlavə edib ki, bu ildən etibarən Hollandiya hökuməti hər il aprelin 24-də keçirilən anım mərasimi üçün Ermənistana rəsmi təmsilçi göndərəcək.

Qeyd edək ki, məsələ ilə bağlı rəsmi Ankaradan hələlik hər hansı şərh verilməyib. Onu da diqqətə çatdıraq ki, Türkiyə və Hollandiya NATO üzrə müttəfiq dövlətlərdir.

7363
Teqlər:
"erməni soyqırımı", Hollandiya, Ankara, Türkiyə, parlament, partiya
Əlaqədar
Amerikadan Türkiyəyə ağlasığmaz təklif
Bölgəni dəyişməli olan əməliyyat: Türkiyə bir neçə cəbhədə vuruşmaq zorundadır
Beynəlxalq qalmaqal: Niderland və Türkiyə arasında diplomatik əlaqələr kəsildi
Türkiyəyə yenə raket atılıb, ölü və yaralılar var
Koronavirusdan ölən şəxsin meyiti, arxiv şəkli

Koronavirusdan ölənlər qəbirdən çıxarılır

29
(Yenilənib 08:18 26.11.2020)
Ekvador Prokurorluğu bu işə Los Seybos xəstəxanası yaxınlığındakı zibil qablarından 237 cəsədin parçalarının tapılmasından sonra başlayıb.

BAKI, 25 noyabr — Sputnik. Ekvador Prokurorluğu yeni tip koronavirus (COVID-19) pandemiyasının ən kritik günlərində həyatını itirənlərin şəxsiyyətinin müəyyənləşdirilməsi üçün fəaliyyətə başlayıb. Sputnik Azərbaycan-ın Türkiyənin NTV kanalına istinadən verdiyi xəbərə görə, artıq bu məqsədlə Quayakil şəhərindəki qəbirlərin bir hissəsi eksqumasiya olunub.

Ekvador Prokurorluğunun sosial media vasitəsilə verdiyi açıqlamada "Hazırda Milli Ekspertiza Sisteminin dəstəyi ilə COVID-19 pandemiyası zamanı həyatını itirən şəxslərin kimliyini müəyyənləşdirmək üçün DNT nümunələri toplayırıq", - deyə bildirilir.

İndiyə kimi Quayakildəki Los Seybos xəstəxanasından aparılaraq basdırılmış 45 cəsəddən 18-i artıq qəbirdən çıxarılıb. Dauel qəsəbəsindəki La Avrora qəbirstanlığında isə eksqumasiya işlərinin bir neçə gün sonra başa çatdırılacağı bildirilib.

Qeyd edək ki, Ekvador Prokurorluğu istintaqa may ayında, Los Seybos xəstəxanası yaxınlığındakı zibil qablarından 237 cəsədin parçalarının tapılmasından sonra başlamışdı. Pandemiyanın geniş yayıldığı mart-aprel ayları ərzində ölkənin səhiyyə sistemi çökmüş, virusdan ölənlərin basdırılamasında isə böyük çətinlik yaranmışdı. Dövlət xəstəxanalarında cəsədlərin qarışıq düşməsi ilə yanaşı, evində ölənlərin meyitləri də toplanaraq günlərlə gözlədikdən sonra şəxsiyyətləri müəyyən olunmadan yandırılmışdı. Yaranan qarışıqlıq zamanı sistemdə ölü kimi qeydə alınan bəzi insanların sonradan əslində sağ olduqları üzə çıxdı. Bundan sonra Ekvador Prokurorluğu bütün məzarların bir-bir eksqumasiya olunması haqqında qərar verdi.

29
Teqlər:
zibil qabı, cəsəd, qəbir, ölənlər, COVID-19, Koronavirus, Ekvador
Fransa bayrağı, arxiv şəkli

Fransa Senatından Azərbaycan əleyhinə xaincəsinə qərar

134
(Yenilənib 08:04 26.11.2020)
XİN: Parisin “Dağlıq Qarabağın müstəqilliyi”ni birtərəfli tanıması nə Ermənistana, nə Qarabağ xalqına, nə də Fransanın özünə fayda vermir.

BAKI, 25 noyabr - Sputnik. Fransa Senatı qondarma “Dağlıq Qarabağ Respublikası”nı tanımaq barədə qətnamə qəbul edib. Senat hökumətə qondarma "DQR"i tanımaq barədə müraciət edib.

Sputnik Azərbaycan RİA Novosti-yə istinadən xəbər verir ki, sənədin lehinə 305 senator səs verib. Bir nəfər isə əleyhinə olub. Sənəd tövsiyə xarakteri daşıyır.

Fransa Xarici İşlər Nazirliyi artıq Senatın qərarına münasibət bildirib: Parisin “Dağlıq Qarabağın müstəqilliyi”ni birtərəfli tanıması nə Ermənistana, nə Qarabağ xalqına, nə də Fransanın özünə fayda vermir.

Fransanın Xarici İşlər Nazirliyinin dövlət katibi Jan Batist Lemuanın sözlərinə görə, bu addım Fransa hökumətinin, rəsmi Parisin başqa partnyorlarının siyasətini əks etdirməyəcək.

Xarici İşlər Nazirliyinin dövlət katibi qeyd edib ki, beynəlxalq ictimaiyyət, o cümlədən Ermənistan qondarma Dağlıq Qarabağın müstəqilliyini tanımayıb.

Diplomatın sözlərinə əsasən, bu addım Fransa hökumətinin siyasətini əks etdirmir: “Dağlıq Qarabağ münaqişənin həlli tək tərəfli deyil, iki tərəf arasındakı dialoqdan asılıdır. Bu gün tərəflər həmsədrlərin dialoqu davam etdirmək üçün dəstəyinə ehtiyac duyurlar”.

134
Teqlər:
Dağlıq Qarabağ, Fransa
Kənd məktəbi, arxiv şəkli

Ucqar kəndlərdə məktəblərin azkomplektli formada fəaliyyətinə yol veriləcək

0
(Yenilənib 08:09 26.11.2020)
Bu, Prezident İlham Əliyevin dünən təsdiqlədiyi "Təhsil haqqında" qanunda dəyişiklik edilməsi barədə" qanunda əksini tapıb.

BAKI, 25 noyabr — Sputnik. Ucqar kənd yerlərində şagirdlərin sayından asılı olmayaraq, ibtidai və ümumi orta ümumtəhsil məktəblərinin azkomplektli formada fəaliyyətinə yol veriləcək.

Sputnik Azərbaycan-ın məlumatına görə, bu, Prezident İlham Əliyevin dünən təsdiqlədiyi "Təhsil haqqında" qanunda dəyişiklik edilməsi barədə" qanunda əksini tapıb.

Qanuna əsasən, şagirdlərin sayı az olan ibtidai siniflərdən komplekt siniflər təşkil olunacaq.

0
Teqlər:
ümumtəhsil məktəbləri, "Təhsil haqqında" Qanun, Prezident İlham Əliyev, məktəb