BAKI, 15 fevral — Sputnik. Cənubi Afrika Respublikasının prezidenti Ceykob Zuma istefa verib.
APA-nın verdiyi xəbərə görə, bu barədə C.Zuma televiziya ilə xalqa müraciətində bildirib.
“Heç bir ittihamla razı deyiləm. Lakin nizam-intizamlı üzv kimi partiyanın qərarına tabe oluram”, — Zuma bildirib.
CAR-da dövlət başçısının səlahiyyətlərini müvəqqəti olaraq vitse-prezident Siril Ramafos icra edəcək.
Qeyd edək ki, fevralın 12-də Cənubi Afrika Respublikasının hakim Milli Konqres Partiyası ölkə prezidenti Ceykob Zumaya postunu tərk etmək üçün 48 saat vaxt vermişdi. Müxalifət 2014-cü ildən etibarən C.Zumanı dövlət büdcəsindən böyük məbləğdə vəsaiti mənimsəməkdə günahlandırır.
