Türkiyə prezidenti Rəcəb Tayyib Ərdoğan

Ərdoğandan Amerikaya "Osmanlı şilləsi"

119
(Yenilənib 10:04 14.02.2018)
YPG/PYD terrorçularına təlim keçən bir nəfər amerikalı general, əgər Türkiyə bizi də hədəf alsa, sərt cavab alacaqlar demişdi

BAKI, 13 fevral — Sputnik. Türkiyə prezidenti Rəcəb Tayyib Ərdoğan partiyasının qrup toplantısında ABŞ əleyhinə sərt ifadələr işlədib. Amerikanı terrorçulara dəstəkdə ittiham edən Ərdoğan heç kəsin Türkiyəyə hədə-qorxu gələ bilməyəcəyini söyləyib.

"Amerikalı generallar PYD-li terrorçularla şəkil çəkdirərək bizə təhdid dolusu mesajlar göndərirlər. Görünür, onlar Osmanlı şilləsi yeməyiblər. Bizi başqaları ilə səhv salmasınlar. Onlara yenidən səslənirəm. Suriyada terrorçulara yaxın durmasınlar. Çünki bütün terrorçular hədəfimizdədir, hamısı öldürüləcək", – Ərdoğan bildirib.

Sputnik Azərbaycan "Timeturk"ə istinadən xəbər verir ki, YPG/PYD terrorçularına təlim keçən amerikalı general, “əgər Türkiyə bizi də hədəfə götürsə, sərt cavab alacaq” demişdi.

Türkiyə prezidenti, ABŞ-ın Suriyadakı varlığının İŞİD-lə əlaqəsi olmadığını da deyib.

"Amerika guya İŞİD-lə mübarizə aparır. Hardadı İŞİD? O teatr bitdi artıq. Biz regionda kimin kim olduğunu açıq-aşkar bilirik. Bu gün heç kim İŞİD adından istifadə edə bilməz", – Ərdoğan vurğulayıb.

119
Teqlər:
terror, PYD, İŞİD, Rəcəb Tayyib Ərdoğan, Türkiyə, ABŞ
Əlaqədar
"Ərdoğanın Amerika siyasəti "çox qışqırıb, az iş görməkdir"
Ərdoğanın kürəkəni də dilləndi: “Ey Amerika...”
Ərdoğan Amerikaya meydan oxudu
İtaliyada epdimioloji vəziyyət

Hələ gözlənilmir! Avropa iqtisadiyyatı vaxt bərpa olacaq?

1
(Yenilənib 23:27 13.07.2020)
Avropa pandemiyanın bir neçə il davam etməsinə və ardınca yeni epidemiyaların gəlməsinə hazırlaşmağa başlamalıdır.

BAKI, 14 iyul — Sputnik. Avropa İttifaqı (Aİ) ölkələrinin real ümumi daxili məhsulu (ÜDM) 2019-cu ilin səviyyəsinə yalnız 2022-ci ildə qayıdacaq.

Sputnik Azərbaycan xəbər verir ki, bu barədə Beynəlxalq Valyuta Fondunun (BVF) Avropa Departamentinin Direktoru Poul Tomsen məqaləsində bildirib.

Onun sözlərinə görə, 2020-ci ildə Aİ ölkələrinin real ÜDM-i 9,3 faiz azalacaq və yalnız bundan sonra tədricən bərpa olmağa başlayacaq.

Tomsen qeyd edir ki, iqtisadiyyatın artım tempinə koronavirusdan effektiv dərmanın yaradılması və ya xəstəliyin yeni dalğaları əhəmiyyətli dərəcədə təsir göstərə bilər.

Ekspert həmçinin deyib ki, böhrandan sonrakı iqtisadiyyat xeyli yenidənqurma tələb edəcək. O qeyd edib ki, hakimiyyət pandemiyanın bir neçə il davam etməsinə və ardınca yeni epidemiyaların gəlməsinə hazırlaşmağa başlamalıdır. Məhz buna görə də Avropa ölkələri uzun müddət ərzində sosial distansiya tədbirlərinə əməl etmək üçün yararlı olan yeni və daha ekoloji iqtisadiyyata can atmalıdır.

1
Kök adam

Artıq çəkinin olmaması sağlamlıq deyil

3
(Yenilənib 23:31 13.07.2020)
O, eyni zamanda orqanizmin çalışmasında problemlər yaradan hormon və protein birləşmələrinin istehsalına da səbəb olur.

BAKI, 14 iyul — Sputnik. Artıq çəkinin olmaması sağlamlığa zəmanət deyil.

Sputnik Azərbaycan xarici mətbuata istinadla xəbər verir ki, çəkisi normal olan insanlarda belə qarın səthində yağ yığılması ola bilər. Mütəxəssislərin fikrincə, bu, təkcə kosmetik qüsur deyil, gələcək xəstəliklər üçün risk faktorudur.

Əslində isə normal olaraq, qadınların bel göstəriciləri 80 sm, kişilərdə isə 94 sm olmalıdır. Tədqiqatlar göstərir ki, hər 5 sm artıq erkən ölüm riskini qadınlarda 13%, kişilərdə 17% artırır.

Lesqaft adına Novosibirsk Dövlət Universitetinin profilaktik tibb və sağlamlıq əsasları şöbəsinin müdiri Roza Tsallaqovanın sözlərinə görə, böyük qarın daxili orqanları əhatə edən və əzələlər vasitəsilə böyüyən viseral yağ yığılmasının göstəricisidir.

O, eyni zamanda orqanizmin çalışmasında problemlər yaradan hormon və protein birləşmələrinin istehsalına da səbəb olur.

Viseral yağlar ürək-damar xəstəlikləri, diabet, damarların varikoz genişlənməsi və xərçəng riskini artırır. Bundan başqa bu yağlar seksual disfunksiya və sonsuzluğa da səbəb olur.

Ekspertlər qeyd edir ki, viseral yağlardan can qurtarmağın ən effektiv yolu düzgün qidalanma, nizamlı yuxu və fiziki yüklənmədir. Bəzi xəstələrə isə endokrinoloq nəzarət etməlidir.

3