Afrin

Afrindən sevindirici xəbər

1024
(Yenilənib 15:47 09.02.2018)
Türkiyə Silahlı Qüvvələri Afrinin Nisriyye və Dükan kəndlərini terrorçulardan təmizləyib

BAKI, 9 fevral — Sputnik. Türkiyə Silahlı Qüvvələri (TSQ) və Azad Suriya Ordusu (ASO) "Zeytun budağı" əməliyyatında Afrinin Nisriyye və Dükan kəndlərini terrorçulardan təmizləyib. Sputnik Azərbaycan "Haberler"-ə istinadla xəbər verir ki, dünən gecə saatlarında TSQ terrorçulara aid çoxlu sayda məntəqəni bombalayıb.

Beləliklə, Türkiyə Silahlı Qüvvələri və Azad Suriya Ordusu əməliyyata başlayandan bəri PYD/YPG-nin ələ keçirdiyi Afrinin 5 bölgəsində 43 yaşayış məntəqəsini terrorçulardan xilas etmiş oldu.

Qeyd edək ki, bölgədən əldə edilən məlumatlara görə, dünən daha 34 terror təşkilatı mənsubu zərərsizləşdirilib. "Zeytun budağı" əməliyyatı başlayandan bəri zərərsizləşdirilən terrorçu sayı 1062 nəfər olub. Əməliyyat uğurla davam edir.

1024
Teqlər:
"Zeytun budağı" əməliyyatı, Afrin, TSQ, ASO, Azad Suriya Ordusu, Türkiyə Silahlı Qüvvələri, terrorçu
Əlaqədar
Afrindən acı xəbər: Şəhidlərin sayı 15-ə çatdı...
Afrində məhv edilən terrorçuların sayı artır
Afrində Türkiyə ordusunun tankı vuruldu, beş hərbçi həlak oldu
Afrin əməliyyatı Abdullah Öcalanın başında partladı - VİDEO
Putinlə Ərdoğan anlaşdı: Afrin və Soçi proseslərində ortaq məxrəc
Штаб-квартира Министерства обороны США, фото из архива

Tarixdə ilk dəfə qaradərili general Pentaqonun rəhbəri təyin edilib

15
(Yenilənib 20:58 22.01.2021)
İraq, Əfqanıstan kimi qaynar bölgələrdə xidmət etmiş Ostin 2013-ci ildə ABŞ Mərkəzi Komandanlığının rəhbəri təyin olunub.

BAKI, 22 yanvar - Sputnik. ABŞ Senatı bu gün istefada olan dörd ulduzlu general Lloyd Ostinin ölkənin müdafiə naziri vəzifəsinə namizədliyini təsdiq edib.

Sputnik Azərbaycan xarici mediaya istinadla xəbər verir ki, Pentaqon rəhbərləri arasında ilk afroamerikalı olan Ostin tezliklə müvafiq and içəcək.

İraq, Əfqanıstan kimi qaynar bölgələrdə xidmət etmiş Ostin 2013-ci ildə ABŞ Mərkəzi Komandanlığının rəhbəri təyin olunub.

O, 2016-cı ildə ordudan istefa verərək sonradan Nümayəndələr Palatası və Senatın üzvü olub.

15
Teqlər:
Pentaqon, ABŞ
Yerevanda etirazlar

Ermənistan dünyanın vecinə deyil - Serj Sarqsyanın səfir kürəkənindən şok sözlər

25
(Yenilənib 18:41 22.01.2021)
“Erməni üçün başqa ölkənin, xüsusilə Rusiyanın agenti olmaqdansa, türkün iti olmaq daha yaxşıdır” - erməni politoloq.

BAKI, 22 yanvar - Sputnik. “Ölkə erməni xalqının, erməni xalqı hakimiyyətin, Ermənistan isə dünyanın vecinə deyil”.

Sputnik Azərbaycan Report-a istinadla xəbər verir ki, bunu Ermənistanın Vatikandakı sabiq səfiri, keçmiş prezident Serj Sarqsyanın kürəkəni, mühacir diplomat Mikael Minasyan söyləyib.

Qeyd edək ki, son günlər Ermənistanda bu ölkənin ictimaiyyətinə xas olmayan bir sıra bəyanatlar gündəmə gəlib. Məsələn, yanvarın 20-də ölkənin baş naziri Nikol Paşinyan Şuşanın erməni şəhəri olmadığını bildirib. Bu gün isə N.Paşinyanın əqidədaşı, politoloq Levon Şirinyan daha sərt açıqlama verib:

“Erməni üçün başqa ölkənin, xüsusilə Rusiyanın agenti olmaqdansa, türkün iti olmaq daha yaxşıdır”.

25

Yanvarın 25-nə qədər ölkədə ictimai nəqliyyat işləməyəcək

0
(Yenilənib 00:11 23.01.2021)
Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

BAKI, 23 yanvar - Sputnik. Bu gündən yanvarın 25-i saat 06:00-dək bütün ölkə ərazisində ictimai nəqliyyatın fəaliyyəti dayandırılıb.

Sputnik Azərbaycan-ın məlumatına görə, Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

Bununla əlaqədar 23 yanvar saat 00:00-dan 25 yanvar saat 06:00-dək ölkə ərazisində ictimai nəqliyyat fəaliyyət göstərməyəcək.

Qeyd edək ki, Bakı metropolitenində də sərnişindaşıma dayandırılıb.

0