Irak ordusu

Kərkük nefti uğrunda yenidən savaş başladı

197
(Yenilənib 15:33 07.02.2018)
İraq ordusu İran sərhədi yaxınlığındakı bölgəyə nəzarət etmək üçün hərbi əməliyyata başlayıb

BAKI, 7 fevral — Sputnik. İraq ordusu İran sərhədi yaxınlığındakı bölgəyə nəzarət etmək üçün hərbi əməliyyata başlayıb. Sputnik Türkiyə xəbər verir ki, İraq ordusundan verilən rəsmi açıqlamaya görə, həmin bölgədən Kərkükdəki xam neftin İrana ötürülməsi üçün istifadə ediləcək.

İraq ordusu İraq neftinin nəql ediləcəyi İranla sərhəddəki bölgəyə nəzarəti təmin etmək üçün hərbi əməliyyata başlandığını elan edib. Ordu dağlıq bölgədə iki silahlı şəbəkənin aktiv fəaliyyət göstərməsindən narahat olduğunu bildirib.

Rəsmi Bağdad ötən ilin dekabrında Kərkükdəki xam neftin yük maşınları ilə İranın Kirmanşah bölgəsindəki neft emalı müəssisələrinə daşınacağını bəyan etmişdi. İraqla İran arasında ötən ilin 10 dekabrında əldə olunan razılığa görə, gündəlik neft ixracı 30.000 barel, gələcəkdə isə 60.000 barel olacaq.

İraqın şimalındakı Kürd Muxtariyyətinə bağlı olmayan Kərkükdəki neft və təbii qaz yataqları bir müddət əvvəl Peşmərgənin (İraq Kürdüstanındakı hərbi kürd birləşmələri) nəzarətində idi. Ancaq 2017-ci ilin oktyabrında İraq qüvvələrinin keçirdiyi əməliyyat nəticəsində Şimal Neft Şirkətinə aid neft bölgələrinə nəzarət yenidən Bağdadın əlinə keçib.

Neftin yük maşınları ilə daşınmasına hələ ötən həftə başlanmalı idi. Ancaq İraqın neft sahəsi üzrə rəsmiləri gecikmənin texniki səbəblərdən baş verdiyi barədə məlumat paylaşmışdı.

197
Teqlər:
nəql, İraq ordusu, xam neft, hərbi əməliyyat, Kərkük, kürd, bölgə, nəzarət, İran, sərhəd, neft
Əlaqədar
Rusiyadan İraq və Misirə gözlənilməz dəvət
Suriyaya və İraqa gedib döyüşmək istəyən 82 şəxs saxlanıldı
Cəfərli: “İraq hökumətinin neft mədənlərinə nəzarəti neft hasilatını artıra bilər”
İraq ABŞ-ın təklifinə sərt reaksiya göstərdi
Türkiyə Böyük Millət Məclisinin sədri Mustafa Şentop

Azərbaycan Türkiyə spikerləri: "Bu iki qardaş xalq həmişə bir-birinin yanında olacaq"

20
(Yenilənib 23:27 29.10.2020)
Türkiyə Böyük Millət Məclisinin Sədri Mustafa Şentop Türkiyənin bundan sonra da Azərbaycanın yanında olacağını və Azərbaycan torpaqlarının tezliklə tamamilə düşmən tapdağından azad olunacağı günü səbirsizliklə gözlədiklərini diqqətə çatdırıb.

BAKI, 29 oktyabr — Sputnik. Oktyabrın 29-da Milli Məclisin Sədri Sahibə Qafarova Türkiyə Böyük Millət Məclisinin Sədri Mustafa Şentopla telefonla danışıb.

Sputnik Azərbaycan-ın məlumatına görə, Milli Məclisin Sədri türkiyəli həmkarına 29 oktyabr - Cümhuriyyət Günü münasibətilə təbriklərini çatdırıb, qardaş türk xalqına tərəqqi və firavanlıq arzulayıb.

Milli Məclisin Sədri qardaş Türkiyə Respublikasının Ermənistan-Azərbaycan Dağlıq Qarabağ münaqişəsi ilə bağlı ölkəmizə göstərdiyi dəstəyə görə bir daha minnətdarlığını bildirib, iki qardaş xalqın həmişə bir-birinin yanında olacağına əminliyini ifadə edib.

Sahibə Qafarova Ermənistanın son dövrlər döyüş meydanında məruz qaldığı uğursuzluqlarla barışmayaraq mülki əhalini hədəfə aldığını və bunun insanlıq əleyhinə yönələn müharibə cinayəti olduğunu ifadə edib.

Sahibə Qafarova telefon söhbətinin sonunda bildirib ki, bütün Azərbaycan xalqı öz dövlətinin və Prezidentinin yanındadır. "Möhtərəm Prezidentimiz İlham Əliyevin rəhbərliyi ilə Azərbaycanda bərqərar olmuş güclü idarəçilik sistemi, iqtidarla xalq arasında mövcud olan sarsılmaz birlik Dağlıq Qarabağ məsələsinin tamamilə həllini təmin edəcək".

Təbriklər və xoş sözlər üçün təşəkkürünü bildirən Türkiyə Böyük Millət Məclisinin Sədri Mustafa Şentop Türkiyənin bundan sonra da Azərbaycanın yanında olacağını və Azərbaycan torpaqlarının tezliklə tamamilə düşmən tapdağından azad olunacağı günü səbirsizliklə gözlədiklərini diqqətə çatdırıb.

20
Ramil Quliyev

Dünya çempionu da "Qarabağ Azərbaycandır!" dedi

32
(Yenilənib 23:21 29.10.2020)
İdmançı üzərində "Pray for Barda" ("Bərdə şəhəri üçün dua edin") sözləri və 19 nəfərin öldüyü, 50 nəfərin yaralandığı yazılmış foto paylaşıb.

BAKI, 29 oktyabr — Sputnik. Türkiyə millisinin azərbaycanlı dünya çempionu Ramil Quliyev Ermənistan silahlı qüvvələrinin Bərdə şəhərinə raket zərbələri ilə törətdiyi terror barədə özünün "Instagram" səhifəsində paylaşım edib.

Sputnik Azərbaycan xəbər verir ki, idmançı üzərində "Pray for Barda" ("Bərdə şəhəri üçün dua edin") sözləri və 19 nəfərin öldüyü, 50 nəfərin yaralandığı yazılmış foto paylaşıb.

Ramil Quliyevin paylaşımının skrinşotu

Bununla yanaşı, sosial şəbəkədə Qarabağa aid video yayımlayıb və qeyd bölməsinə "Qarabağ Azərbaycandır" yazıb.

Qeyd edək ki, 30 yaşlı idmançının "Instagram"da 67 mindən çox izləyicisi var.

32
Avropa Liqasının qrup mərhələsinin 2-ci tutu çərçivəsində Qarabağ - Vilyareal matçı

"Qarabağ" azarkeşlərini məyus etdi

0
(Yenilənib 23:52 29.10.2020)
Azərbaycanın "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

BAKI, 29 oktyabr — Sputnik. "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

Sputnik Azərbaycan xəbər verir ki, görüş Türkiyənin İstanbul şəhərindəki "Başakşehir Fatih Terim" stadionunda baş tutub.

Komandalar oyunun birinci hissəsini heç-heçə başa vurublar. İkinci hissədə isə "Qarabağ"ın oyunçusu Kvabena Ovusu fərqlənib. O, 78-ci dəqiqədə hesabı açıb. Lakin Ağdam klubunun azarkeşlərinin sevinci uzun çəkməyib. 2 dəqiqə sonra "Vilyarreal" Yeremi Pinonun vurduğu qolla hesabı bərabərləşdirib. Matçın 84-cü dəqiqəsində Pako Alkaser Ağdam klubunu cəzalandırıb. "Vilyarreal" ikinci qolla önə çıxıb. 

Oyuna əlavə edilən dəqiqələrdə "Vilyarreal" 3-cü topu "Qarabağ"ın qapısından keçirib. Üçüncü topu da 90+6-cı dəqiqədə penaltidən Pako Alkaser vurub.

Beləliklə, "Qarabağ"-"Vilyarreal" matçında oyun ispan klubunun qələbəsi ilə başa çatıb.

Bu oyunun nəticəsi olaraq xallarını 6-ya çatdıran "Vilyarreal" qrupda liderliyini möhkəmlədib. "Qarabağ" isə 1 xalla 3-cü pillədə qalıb.

0