Türkiyə prezidenti Rəcəb Tayyib Ərdoğan

Aldadıldığını etiraf edən Ərdoğan: "O, bir meymun balasıdır"

11421
(Yenilənib 15:06 07.02.2018)
Türkiyə prezidenti: "Obama bizə yalan danışdı, Tramp administrasiyası da eyni addımı atmaqdadır"

BAKI, 7 fevral — Sputnik. Türkiyə prezidenti Rəcəb Tayyib Ərdoğan kürd terror təşkilatlarından birinin lideri Mihrac Uralın Soçidə keçirilən beynəlxalq tədbirə saxta pasportla qatıldığını, Rusiya prezidenti Vladimir Putinin də bundan xəbərsiz olduğunu bildirib. Sputnik Türkiyə xəbər verir ki, İtaliya səfəri zamanı jurnalistlərin suallarını cavablandıran Ərdoğan Suriya ətrafında baş verən hadisələrlə bağlı maraqlı faktlar açıqlayıb.

O, 29-30 yanvarda Soçidə keçirilən Suriya Milli Dialoq Konqresinə qatılan Türkiyə Xalq Qurtuluş Partiyası Cəbhəsinin (THKP-C) "Təcililər" şəbəkəsinin lideri Mihraç Uralın oraya saxta pasportla daxil olduğunu söyləyib. Ərdoğan Uralın orada iştirakına etiraz edib və Putinin bundan xəbərsiz olduğunu deyib.

"Mən "Uralın burada nə işi var?" deyə soruşduğumda Rusiya prezidenti Vladimir Putin "mənim bundan xəbərim yoxdur" dedi. Bəllidir ki, onun orada iştirakında maraqlı olan digərlərinin işidir. Onun orada iştirakını saxta sənədlərlə təmin ediblər", — deyə Ərdoğan bildirib.

Dövlət başçısı "Zeytun budağı" əməliyyatında Türkiyə tankını hədəfə alan silahın ABŞ istehsalı olduğuna dair iddialara belə aydınlıq gətirib: "Araşdırmamız davam edir. ABŞ silahın ona məxsus olduğuna dair iddiaları rədd edir, heç cür yaxına buraxmır. Baş Qərargah rəisimizdən hələlik araşdırmanın nəticəsinə dair məlumat gəlməyib. Nəticəni əldə edən kimi, bunu ictmaiyyətə bildirəcəyik".

Ərdoğan Afrin əməliyyatında YPG-nin tutduğu mövqeyə münasibətini bildirərkən deyib: "YPG bir meymun balası kimidir. Harada nə edəcəyi bəlli olmaz. Ondan hamı istifadə edə bilər. Türkiyənin belə bir meymun balasına və maşaya ehtiyacı yoxdur. YPG bir terror təşkilatıdır. ABŞ-ın bir terror təşkilatına qarşı başqa bir terror təşkilatı ilə birlikdə mübarizə aparmağa meylləndiyi mühitdə biz diqqətimizi özümüzün hansı addımları ata biləcəyimiz üzərində cəmləşdirməliyik".

Türkiyə lideri Rusiya və İranın YPG ilə müştərək iş görəcəyinə inanmadığını bildirib: "Rusiyanın, ya da İranın YPG ilə birgə hərəkət edə biləcəkləri ehtimalına inanmaq istəmirəm. Moskva və Tehranın Türkiyə ordusuna zərər vuracağına da ehtimal vermirəm".

Dövlət başçısı, ABŞ və Türkiyənin Menbiçlə bağlı müzakirələrinin nə yerdə olduğuna da aydınlıq gətirib və ABŞ prezidentlərinin bu məsələdə onu aldatdıqlarını deyib: "Menbiç yeni məsələ deyil. Bu, Obama dövründə başlamış prosesdir. Biz ABŞ-a öz niyyətimizi lap başdan söyləmişdik. Təəssüf ki, Obama bizə yalan danışdı. Tramp administrasiyası da eyni addımı atmaqdadır. Tramp bizə dedi ki, "YPG-çilər orada qalmayacaq, Fəratın şərqinə gedəcəklər". Amma olmadı".

Ərdoğanın sözlərinə görə, Tramp Menbiçin həqiqi sahiblərinin ərəblər olduğunu qəbul edib, amma verdiyi sözü yerinə yetirməyib: "Menbiç tez və ya gec əsl sahiblərinə qovuşacaq. Biz də üzərimizə düşəni edəcəyik. Bizdəki miqrantlar arasında da menbiçlilər var. Onlar artıq evlərinə qayıtmaq istəyirlər. Afrinlilər Afrinə, idliblilər də İdlibə qayıtmaq istəyirlər. ABŞ və koalisiya qüvvələri səmimi mövqe ortaya qoymalıdırlar. Türkiyədə 3,5 milyon miqrant var. Suriyalıların öz evlərinə qayıtmalarına yardım etməliyik".

11421
Teqlər:
Mihrac Ural, "Zeytun budağı" əməliyyatı, YPG, terror təşkilatı, Soçi, Vladimir Putin, İran, Suriya, Rusiya, Rəcəb Tayyib Ərdoğan, Türkiyə, ABŞ, silah, prezident
Əlaqədar
"Ərdoğanın Amerika siyasəti "çox qışqırıb, az iş görməkdir"
Rusiyadan Ərdoğana vacib dəvət
Putinlə Ərdoğan anlaşdı: Afrin və Soçi proseslərində ortaq məxrəc
Ərdoğandan dünyanı silkələyən bəyanat: "Bir daha elan edirəm..."
Ərdoğan Afrindəki məqsədi açıqladı
KİV nümayəndələrinin siluetləri

Azərbaycanlı fotoqraflar Beynəlxalq Federasiyanın fəxri adlarını aldılar

9
(Yenilənib 23:20 05.12.2020)
Nurlan Tahirli, Valeri Xlizov, Aleksandr Firstov UNESCO-nun təqdir etdiyi məşhur təşkilatın şərəfli "Rəssam", Rəşad Mehdiyev "Mükəmməllik", İlqar Cəfərov "Mükəmməllik/bürünc" adlarına layiq görülüblər

BAKI, 5 dekabr - Sputnik. Azərbaycanın "Gilavar" fotoklubunun dəstəyi ilə azərbaycanlı fotoqraflar Beynəlxalq Foto Sənəti Federasiyasının (FIAP) fəxri adlarına layiq görülüblər. 

Sputnik Azərbaycan-a fotoklubun mətbuat xidmətindən verilən məlumata görə, bu, UNESCO-nun tanıdığı yeganə fototəşkilatdır. 

Onun fəxri adlarını almaq üçün fotoqraflar xüsusi qaydalara riayət etməlidirlər: FIAP-ın müxtəlif ölkələrdə keçirdiyi müsabiqələrə qatılmalıdırlar, onların fotoqrafiyaları bədii və texniki ustalıq nöqteyi-nəzərindən təqdir olunmalı və onlar mükafat qazanmalıdırlar. Bunlardan əlavə, təşkilatın bədii komissiyasının və direktorlar şurasının üzvlərinin səsləri də nəzərə alınmalıdır. 
Azərbaycanlı fotoqraflar Nurlan Tahirli, Valeri Xlizov, Aleksandr Firstov şərəfli "Rəssam", Rəşad Mehdiyev "Mükəmməllik", İlqar Cəfərov "Mükəmməllik/bürünc" adlarına layiq görülüblər. Bu adlar ildə bir dəfə verilir. 2016-cı ildən bəri fəxri adlar alan azərbaycanlı fotoqrafların sayı artaraq yeddiyə çatıb. 

Qeyd edək ki, İlqar Cəfərov və Rəşad Mehdiyev AZƏRTAC Dövlət İnformasiya Agentliyinin fotojurnalistləridir. Onların hər ikisi İkinci Qarabağ müharibəsi zamanı cəbhəyanı və işğaldan azad olunmuş ərazilərdə çəkilişlər aparıblar.

9
Teqlər:
fəxri adlar, fotoqraf, azərbaycanlı
ABŞ bayrağı, arxiv şəkli

Bütün dövrlərin ən pis ili - Time açıqladı

14
(Yenilənib 22:52 05.12.2020)
Məqalə müəllifi eyni zamanda qeyd edir ki, ABŞ-ın, eləcə də dünyanın tarixində 2020-ci ildən də pis illər olub, amma bunlar çox qədimdə olub, yəni Böyük depressiya, qrip pandemiyası, dünya müharibələrini görmüş insanlar elə də çox deyil.

BAKI, 5 dekabr - Sputnik. Amerikanın Time jurnalı indi yaşayan insanlar üçün tarixin ən pis ilinin 2020 olduğunu yazıb. Jurnal 2020-ci ili iki dünya müharibəsi illəri və ispan qripinin yayıldığı 1918-ci illə müqayisə edib.

Jurnalın yeni sayının üz qabığındakı iri şriftlə dərc olunmuş 2020 rəqəminin üzərindən qırmızı rəngli çarpaz xətlər çəkilib. Aşağıda isə "bütün illərdən ən pisi" yazılıb. 

​Eyniadlı məqaləni Time jurnalı üçün kino tənqidçisi Stefani Zaçarek yazb. Onun sözlərinə görə, indi yaşayanların əksəriyyəti hələ belə "dəhşətli il"lə rastlaşmayıb. 

"Bizim çoxumuz buna hazır deyildik: nə təbiətə nə dərəcədə xəyanət etdiyimizi sübut edən təbii fəlakətlərə, nə fantaziyalara söykənən seçkilərə, nə də planetin bütün insanlarının həyatını alt-üst edən, 1,5 milyon adamın ölümünə bais olan yarasadan törəmiş virusa", - Zaçarek yazıb. 

Məqalə müəllifi eyni zamanda qeyd edir ki, ABŞ-ın, eləcə də dünyanın tarixində 2020-ci ildən də pis illər olub, amma bunlar çox qədimdə olub, yəni Böyük depressiya, qrip pandemiyası, dünya müharibələrini görmüş insanlar elə də çox deyil.

14
Teqlər:
2020, jurnal, Time
Sarımsaq, arxiv şəkli

Təbii antibiotik zərərli imiş

0
(Yenilənib 23:40 05.12.2020)
Məlum olub ki, sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

BAKI, 5 dekabr — Sputnik. Çoxsaylı faydalı təsirləri olmasına baxmayaraq, sarımsaq aqressiv məhsul hesab edilir.

Sputnik Azərbaycan xarici mətbuata istinadla xəbər verir ki, bu barədə danışan həkim-dietoloq İnna Zaykina bildirib ki, çox sarımsaq yemək olmaz.

Mədə xorası xəstəliyi, pankreatit və digər xəstəliyi olan insanlar sarımsaq yeməməlidirlər. Çünki sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

Bir müddət əvvəl isə endokrinoloq Yelena Qubkina kartof bişirmə və yemək üsulları barədə danışarkən bildirmişdi ki, kartof torpaqdan və havadan zərərli maddələr yığdığı üçün onu istehlak edərkən diqqətli olmaq lazımdır. Belə ki, kartofu soyulmuş qaynatmaq və buxarda bişirmək daha faydalıdır. Belə ki, bu zaman tərəvəz maksimum miqdarda qida - kalium, natrium, B6 vitamini verir.

0
Teqlər:
allergiya, mədə-bağırsaq xəstəlikləri, simptom, xəstəlik, təbii antibiotik, zərər, sarımsaq