Gəmi, arxiv şəkli

SOS: Qara dənizdə içində azərbaycanlıların olduğu gəmi batır

429
(Yenilənib 10:16 02.02.2018)
Gəmi Feodosi buxtasında yedəkdədir, heyət üzvləri təxliyyə edilib

BAKI, 2 fevral — Sputnik. Qara dənizin Krım sahillərində Moldova bayrağı altında üzən BERG adlı yük gəmisi batır.

Sputnik Azərbaycan "Report"a istinadən xəbər verir ki, gəmidə Azərbaycan və Ukrayna vətəndaşları da daxil olmaqla 12 heyət üzvü var.

Yük gəmisinin gövdəsi zədələnib. Gəmi Feodosi buxtasında yedəkdədir, heyət üzvləri təxliyyə edilib.

Qəzanın səbəbləri məlum deyil.

Gəmi qapalı Kerç limanından Türkiyənin Bandırma limanına gedirmiş. Həmçinin o da məlumdur ki, gəmi yanvarın 28-də Azov limanında olub.

429
Teqlər:
gəmi, Qara dəniz, azərbaycanlı
Əlaqədar
İçərisində azərbaycanlıların olduğu daha bir gəmi qəzaya uğradı
İçində azərbaycanlıların da olduğu itən gəminin son görüntüsü
İtən gəminin axtarışları davam edir
İtən gəmidə olan azərbaycanlılar belə axtarılır
İtən gəmidəki azərbaycanlılarla bağlı yeni xəbər var
Neft buruğu, arxiv şəkli

Azərbaycan nefti ucuzlaşıb

3
Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

 

BAKI, 1 dekabr — Sputnik. Azərbaycan neftinin qiyməti ucuzlaşıb.

Sputnik Azərbaycan xəbər verir ki, "Azeri Light" markalı neftin bir barelinin qiyməti 0,68 dollar ucuzlaşaraq 48,05 dollar təşkil edib.

“Brent” markalı neftin bir barelinin qiyməti 0,59 dollar geriləyərək 47,59 dollar, “Light” markalı neftin bir barelinin qiyməti isə 0,28 dollar ucuzlaşaraq 45,06 dollar olub.

Qeyd edək ki, Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

3
Teqlər:
barel, birja, qiymət, neft
Флаги ЕС

Şengen zonasına "əl gəzdirəcəklər"

12
(Yenilənib 01:22 01.12.2020)
AK rəhbəri qeyd edib ki, xarici sərhədləri nəzarəti gücləndirmək, müasir sistemlər quraşdırmaq, eləcə də sürətli və uyumlu prosedurlar yolu ilə tamamilə təhlükəsiz hala gətirmək lazımdır

BAKI, 1 dekabr - Sputnik. Avropa Komissiyasının rəhbəri Ursula fon der Lyayen Şengen zonasını təkmilləşdirmək niyyətlərini açıqlayıb.

"Şengen forumu"nda çıxış edən fon der Lyayenin sözlərinə görə, avropalılar açıq sərhədlərə öyrəşiblər, ancaq koronavirus pandemiyası Şengenin işləmədiyi zaman nələr baş verəcəyini göstərdi. O vurğulayıb ki, sazişi təkmilləşdirmək və möhkəmləndirmək lazımdır.

AK rəhbəri qeyd edib ki, xarici sərhədləri nəzarəti gücləndirmək, müasir sistemlər quraşdırmaq, eləcə də sürətli və uyumlu prosedurlar yolu ilə tamamilə təhlükəsiz hala gətirmək lazımdır. Bundan başqa, o, təhlükəsizliyi Avropa ölkələrinin polislərinin sıx əməkdaşlığı, şübhəlilər haqda sürətli məlumat mübadiləsi vasitəsilə təmin etməyi, həmçinin Avropolun rolunu gücləndirməyi təklif edib. Fon der Lyayen deyib ki, daxili sərhədlərdə yoxlamalar isə ən son tədbirlərdən olmalıdır.

Martda Fransa prezidenti Emmanuel Makron koronavirus pandemiyasını Avropa İttifaqına təhlükə adlandırmışdı. O qeyd etmişdi ki, pandemiya sərhədlərin olmaması kimi əsas Şengen prinsipinə təhlükə törədir.

12
Teqlər:
təhlükəsizlik, sərhəd, təkmilləşdirmə, Şengen zonası, Şengen, Avropa Komissiyası, Avropa ittifaqı

DİN: Aşıq Namiq qadının ünvanına qeyri-etik ifadələr səsləndirib

0
Məhkəmənin 7 noyabr tarixli qərarı ilə N.Hüseynov İnzibati Xətalar Məcəlləsinin 535.1-ci maddəsində nəzərdə tutulan inzibati xətanı törətməkdə təqsirli bilinərək barəsində inzibati tənbeh tədbiri tətbiq edilib.

BAKI, 1 dekabr — Sputnik. Televiziya kanallarının birində aşıq Namiq Fərhadoğlu (Namiq Hüseynov) Nərimanov polisinin ünvanına əsassız ittihamlar səsləndirib.

Sputnik Azərbaycan xəbər verir ki, DİN Mətbuat Xidmətinin KİV və ictimaiyyətlə əlaqələr şöbəsinin rəisi, polis mayoru Elşad Hacıyev bildirib ki, Namiq Hüseynovun səsləndirdiyi fikirlər böhtandır və qərəzdən irəli gəlir.

Oktyabrın 30-da N.Hüseynov barəsində Nərimanov RPİ-nin 18-ci Polis Şöbəsinə şikayət ərizəsi daxil olub. Müraciətdə vətəndaş sosial şəbəkə vasitəsilə tanış olduğu şəxsin ona etik olmayan təkliflər etməsini və onun tələblərinə əməl etməyəcəyi təqdirdə hədə-qorxu gəlməsini vurğulayıb.

İş üzrə aparılan araşdırmanın xüsusatlarını aydınlaşdırmaq məqsədilə N.Hüseynov müvafiq polis şöbəsinə dəvət olunmasına baxmayaraq o, polisə tabesizlik nümayiş etdirib, şikayət edən qadının ünvanına isə qeyri-etik ifadələr səsləndirib.

Qeyd olunan hərəkətlərdə xırda xuliqanlıq, polis işçisinin və ya hərbi qulluqçunun qanuni tələbinə qəsdən tabe olmama maddələrinin tərkib əlamətləri olduğuna görə fakta əsasən İnzibati Xətalar Məcəlləsinin 510-cu (Xırda xuliqanlıq) və 535.1-ci (Polis işçisinin və ya hərbi qulluqçunun qanuni tələbinə qəsdən tabe olmama) maddəsi ilə inzibati protokol tərtib olunaraq baxılması üçün Nərimanov rayon Məhkəməsinə göndərilib.

Məhkəmənin 7 noyabr tarixli qərarı ilə N.Hüseynov İnzibati Xətalar Məcəlləsinin 535.1-ci maddəsində nəzərdə tutulan inzibati xətanı törətməkdə təqsirli bilinərək barəsində inzibati tənbeh tədbiri tətbiq edilib.

0
Teqlər:
aşıq, şikayət, Nərimanov RPİ, Elşad Hacıyev, DİN