BAKI, 28 yanvar — Sputnik. 1887-ci il yanvarın 28-də Eyfel qülləsinin tikintisinə başlanıb.
Sputnik Azərbaycan xəbər verir ki, Fransa inqilabının 100 illik yubileyi münasibətilə tikilən Eyfel qülləsinə ildə 6 milyon turist baş çəkir. Hər il qülləni korroziyadan qorumaq üçün 60 ton boya işlədilir.
1940-cı ildə Hitlerin qoşunları Parisə daxil olmazdan əvvəl fransızlar qüllənin liftini xarab ediblər. Bu səbəbdən də alman əsgərləri qülləyə öz bayraqlarını asa bilməyiblər. "Hitler Fransanı fəth etsə də, Eyfel qülləsini fəth edə bilmədi" ifadəsi belə yaranıb.
