Donald Tramp

Tramp Fələstini təhdid etdi, qarşı tərəfin cavabı sərt oldu

96
(Yenilənib 20:19 27.01.2018)
Fələstin rəhbəri Mahmud Abbasın müşaviri Saib Ureykat Amerika rəhbərini "hörmətsiz adam" adlandırıb

BAKI, 26 yanvar — Sputnik. ABŞ prezidenti Donald Tramp Fələstini maliyyə yardımını dayandırmaqla hədələyib. Sputnik Azərbaycan "Euronews"a istinadən xəbər verir ki, prezident bunu İsveçrənin Davos şəhərində keçirilən beynəlxalq forum çərçivəsində İsrailin baş naziri Binyamin Netanyahu ilə görüşü zamanı səsləndirib.

"Əgər Fələstin müzakirə masasına qayıtmaq istəməsə, o zaman bizdən pul gözləməsin. Bir həftə əvvəl mənim müavinim, vitse-prezident Mayk Pens Yaxın Şərqdə idi. Onlarla görüşmək istədi, amma qarşı tərəf cənab Mayka hörmətsizlik etdi, görüşmədi. Fələstinə yüz milyonlarla dollar yardım edirik. Pul masada gözləyir. Əgər masaya qayıdıb sülh prosesini müzakirəyə davam etməsələr, bu pulu ala bilməyəcəklər", — Tramp deyib. 

Trampın alçaldıcı bəyanatına Fələstin rəhbərliyinin reaksiyası sərt olub.

Prezident Mahmud Abbasın müşaviri Saib Ureykat Amerika rəhbərini "hörmətsiz adam" adlandırıb.

"ABŞ Qüdsü İsrailin paytaxtı kimi tanıdığını açıqlayaraq, Fələstin-İsrail danışıqlarında tərəfsiz vasitəçi imicini yox etdi. Biz artıq Amerikanı vasitəçi olaraq görmürük. Trampın səviyyəsiz açıqlamaları beynəlxalq cəmiyyətə, beynəlxalq hüquqa hörmətsizlikdir. Bu cür bəyanatlar İsrailin təcavüzkarlığını və işğalçı mövqeyini ucaltmaqdır. Tramp pulla bir çox şeyi ala bilər, amma Fələstin xalqının qürurunu heç vaxt".

96
Teqlər:
Saib Ureykat, Mayk Pens, Donald Tramp, Binyamin Netanyahu, Mahmud Abbas, İsveçrə, Yaxın Şərq, ABŞ
Əlaqədar
Donald Trampdan fələstinlilərə ağır ittiham
Ərdoğan və Tramp arasında kritik telefon danışığı
Donald Tramp günahkarları tapıb
Tramp “ən yaxşı saxta xəbər müəllifləri"ni açıqlayıb
Trampdan növbəti qalmaqallı hərəkət: Ağ Evdə hələ belə şey olmamışdı
ABŞ bayrağı

Birləşmiş Ştatlar Avropa İttifaqı Belarusa sanksiya tətbiq etdi

4
Brüsselin sanksiya siyahısında isə 78 fiziki şəxs və 8 təşkilatın adı var. Sanksiyalar Avropa İttifaqının rəsmi jurnalında dərc olunduqdan sonra qüvvəyə minib.

BAKI, 21 iyun — Sputnik. Avropa İttifaqı və Birləşmiş Ştatlar Belarus vətəndaşları və təşkilatlarına qarşı yeni sanksiyalar qəbul edib. Bu barədə Sputnik Azərbaycan "RİA Novosti"-yə istinadən xəbər verir.

ABŞ Maliyyə Nazirliyinin məlumatına görə, sanksiyalar 16 fiziki şəxsə, həmçinin Belarus Milli Təhlükəsizlik Komitəsinə, Belarus DİN-inin Mütəşəkkil Cinayətkarlıq və Korrupsiya ilə mübarizə üzrə Baş İdarəsinə, Belarus DİN-in Daxili Qoşunlarına, Minskin Akrestsin küçəsindəki cinayətkarların təcrid olunması Mərkəzinə də şamil olunacaq.

ABŞ-ın sanksiya tətbiq etdiyi şəxslər siyahısında Belarus Prezidenti Aleksandr Lukaşenkonun mətbuat katibi Natalya Eysmont, Belarus Parlamentinin yuxarı palatasının spikeri Natalya Koçanova, Belarus Milli Təhlükəsizlik Komitəsinin "Alfa" xüsusi dəstəsinin komandiri Sergey Zubkov, Minskin milis rəisi Mixail Qrib, Belarusun ədliyyə nazirinin müavini Sergey Kalinovski və Belarusun Baş Prokuroru Andrey Şvedinin də adları var.

Brüsselin sanksiya siyahısında isə 78 fiziki şəxs və 8 təşkilatın adı qeyd olunub. Sanksiyalar Avropa İttifaqının rəsmi jurnalında dərc olunduqdan sonra qüvvəyə minib.

Siyahıda olan şəxslərin Aİ-də bütün aktivləri dondurulacaq və onların Aİ-yə səyahəti qadağan olunacaq.

Ümumilikdə Aİ-nin Belarusla bağlı tətbiq etdiyi üç sanksiya paketi çərçivəsində Aleksandr Lukaşenko da daxil olmaqla 166 Belarus vətəndaşı və 15 təşkilata qarşı sanksiya qəbul olunub.

4
Yaxın Şərq məsələləri üzrə ekspert Vüqar Zifəroğlu

Ekspert: “İrandakı prezident seçkiləri dəyişikliklərə səbəb olacaq”

8
(Yenilənib 14:36 21.06.2021)
Yaxın Şərq məsələləri üzrə ekspert Vüqar Zifəroğlu deyir ki, dəyişikliklərin prinsipial nöqtələrlə bağlı olub-olmayacağını demək üçün bir qədər zamana ehtiyac var
Vüqar Zifəroğlu: “Cənub qonşumuz Yaxın Şərqdəki mövqelərini gücləndirməyə çalışacaq”

“Son nəticəyə əsasən Seyid İbrahim Rəisi 17 milyon 926 min 345 səs toplayıb”. Bunu İranın daxili işlər naziri Əbdürrza Rəhmani Fəzli keçirdiyi mətbuat konfransında deyib. Onun sözlərinə görə, əhalinin seçkilərdə aktivliyi 48.8 faiz təşkil edib.

Yaxın Şərq məsələləri üzrə ekspert Vüqar Zifəroğlu Sputnik Azərbaycan-a deyir ki, islahatçı qanadı mühafizəkarların əvəz etməsi İranın daxili və xarici siyasətində istər-istəməz müəyyən dəyişikliklərə səbəb olacaq: “Dəyişikliklər istənməsəydi islahatçı namizədlərdən birinin artıq səs toplamasının şahidi olardıq. Dəyişikliklərin prinsipial nöqtələrlə bağlı olub-olmayacağını demək üçün bir qədər zamana ehtiyac var. İran hələlik daxildə olan problemlərini həll etməklə məşğul olacaq. Bununla yanaşı Cənub qonşumuz Yaxın Şərqdəki mövqelərini gücləndirməyə çalışacaq”.

Vüqar Zifəroğlunun geniş şərhinə audiofaylda qulaq asa bilərsiniz

8

Azərbaycan-Ermənistan münasibətlərinin normallaşması üçün şans yaranıb - Ceyhun Bayramov

13
(Yenilənib 21:35 21.06.2021)
Nazir deyib ki, münasibətlərin normallaşdırılmasının əsasında beynəlxalq hüququn suverenlik, ərazi bütövlüyü və beynəlxalq sərhədlərin toxunulmazlığı prinsiplərinə ciddi riayət edilməsi dayanır.

BAKI, 21 iyun - Sputnik. Azərbaycanın xarici işlər naziri Ceyhun Bayramov və BMT-nin Sivilizasıyalar Alyansının ali nümayəndəsi Migel Angel Moratinos arasında görüş baş tutub.

XİN-dən Sputnik Azərbaycan-a verilən məlumata görə, ali nümayəndəni səmimiyyətlə salamlayan nazir Ceyhun Bayramov Azərbaycan ilə Alyans arasında qarşılıqlı faydalı əməkdaşlığın olduğunu diqqətə çatdırıb. Bu əməkdaşlığın genişləndirilməsində maraqlı olduğumuz bildirilib.

Ali nümayəndənin bölgəyə son səfərindən sonra bir çox dəyişikliyin baş verdiyini nəzərə alaraq, Nazir qarşı tərəfə bölgədə mövcud olan cari vəziyyət, ərazilərin genişmiqyaslı dağıntılara məruz qalması, ərazilərin tarixi-mədəni, dini irsinin yerlə yeksan edilməsi, gündəlik əsasda insan həyatına təhlükə yaradan mina məsələsi, habelə ərazilərin yenidən qurulması üçün görülən işlər barədə danışıb.

İşğal faktorunun aradan qaldırılması ilə iki ölkə arasında münasibətlərin normallaşdırılması şansının yarandığı, bunun əsasında isə beynəlxalq hüququn suverenlik, ərazi bütövlüyü və beynəlxalq sərhədlərin toxunulmazlığı prinsiplərinə ciddi riayət edilməsinin durduğu qeyd edilib.

Migel Angel Moratinos BMT Baş katibinin əsas siyasi-təhlükəsizlik aləti qismində çıxış edən Alyansın fəaliyyət istiqamətləri barədə məlumat verib. O, Azərbaycanın Alyansa verdiyi dəstəyin yüksək qiymətləndirildiyini qeyd edib. Alyansın Azərbaycan ilə pandemiya sonrası əməkdaşlıq planlarının geniş olduğu diqqətə çatdırılb.

Görüşdə həmçinin qaqşılıqlı maraq doğuran digər məsələlər müzakirə edilib.

13