Türk qırıcısı, arxiv şəkli

Türk pilotun 30 saniyəlik manevri dünyanı şoka saldı

10545
(Yenilənib 17:25 23.01.2018)
Türk pilotun tuneli darmadağın etmək üçün verdiyi qərar dünya mediasında geniş rezonans doğurub

BAKI, 23 yanvar — Sputnik. Türkiyə Silahlı Qüvvələrinin Suriyanın Afrin bölgəsinə hücum planının tərkib hissəsi olan "Zeytun budağı" əməliyyatında türk pilot dünya hərb tarixinə düşəcək addım atıb.

Sputnik Azərbaycan xəbər verir ki, türk pilot Afrin vilayətində terrorçuların dağdakı tunelə yerləşdirilən silah anbarını inanılmaz manevr nəticəsində yerlə-yeksan edib. Pilot təpənin altında silah anbarını görüb. Anlayıb ki, təpənin altında olduğundan anbarın yuxarıdan bombalanması effekt verməyəcək. Belə olan təqdirdə pilot öz həyatını təhlükəyə atıb, yerə 20 metr məsafəyə qədər yaxınlaşaraq tunellə paralel vəziyyətə gəlib və raketi tunelə buraxıb. Nəticədə terrorçuların silah anbarı darmadağın olub. Bunu anbarın yerləşdiyi təpənin dalından çıxan duman da təsdiqləyib.

Pilotun qırıcı ilə bu manevri etməsi üçün cəmi 30 saniyə vaxtı olub. "Əgər pilot vaxtı və manevri düzgün planlaşdırmasaydı, öz raketi ilə özünü vura bilərdi. Üstəlik, bu əməliyyat həm də ona görə riskli idi ki, qırıcı torpağa son dərəcə yaxınlaşmışdı və onun torpaqla toqquşması an məsələsi idi" — deyə keçmiş döyüşçü pilot, professor Mesut Hakkı Caş türk pilotun inanılmaz manevrini qiymətləndirərkən deyib.

Türk pilotun tuneli darmadağın etmək üçün verdiyi qərar dünya mediasında geniş rezonans doğurub.

10545
Teqlər:
Türkiyə Silahlı Qüvvələri, Mesut Hakkı Caş, Afrin, Suriya
Əlaqədar
Türk ordusundan Afrin açıqlaması: Bu qədərini planlaşdırmamışdıq
Afrin əməliyyatının son tarixi bilindi
Moskvadan Afrin əməliyyatına reaksiya: Ankara özündən çıxdı
Suriyadan Afrin əməliyyatına cavab: Türkiyə ərazisi raket atəşinə tutuldu
Afrin əməliyyatı barədə maraqlı detal üzə çıxdı
Шторм в Черном море

Qara dənizdə batan gəminin dörd üzvü ölüb, axtarışlar dayandırılıb

5
Rusiya Dənizçilərinin Həmkarlar İttifaqının məlumatına görə, gəminin operatoru Ukraynanın “Tesero Marine” şirkətidir.

BAKI, 17 yanvar - Sputnik. Qara dənizin Türkiyə sahillərində, Bartın vilayətinin İnkumu sahillərinə yaxın ərazidə batan Palau bayrağı altında üzən “Arvin” quru yük gəmisinin batması nəticəsində dörd nəfər həlak olub və həyatını itirənlərin sayı arta bilər.

Bunu Türkiyənin Bartın vilayətinin valisi Sinan Güner bildirib. Onun sözlərinə görə, “Arvin” gəmisinin batmasına əlverişsiz hava şəraiti səbəb olub:

“Son məlumata görə, 4 nəfər ölüb, 6 heyət üzvü xilas edilib. Yüksək dalğalara görə dənizdə axtarış-xilasetmə işləri dayandırılıb, helikopterlərdən isifadə edilərək havadan axtarışlar davam edir”.

Rusiya Dənizçilərinin Həmkarlar İttifaqının məlumatına görə, gəminin operatoru Ukraynanın Tesoro Marine LLC şirkətidir. Türkiyə Hərbi Dəniz Qüvvələri axtarış əməliyyatında iştirak etmək üçün freqat göndərmişdi.

Daha öncə gəminin Rusiya bayrağı altında üzdüyü bildirilirdi. Son məlumatlara görə, Palau bayrağı altında üzən gəminin 12 nəfərlik heyətinin 10 üzvü ukraynalı, ikisi isə rusdur. Gəminin sahibi Arvin Shipping LTD-dir (Beliz). Gəmi 1997-ci ildə Rusiyada qeydiyyatdan çıxarılıb.

5

Fevralda Türkiyə Azərbaycan ordusunun ortaq hərbi təlimi olacaq

7
(Yenilənib 15:40 17.01.2021)
"Qış-2021 Türkiyə-Azərbaycan Taboru Kombinə Edilmiş Birgə Vəzifə Gücü Təlimi"nə qatılacaq azərbaycanlı hərbçilər artıq Qarsa gediblər.

BAKI, 17 yanvar - Sputnik. Fevralın 1-dən 12-dək Türkiyə ilə Azərbaycan ordusu arasında ortaq hərbi təlimlər keçiriləcək.

Bu barədə Türkiyə Müdafiə Nazirliyi məlumat yayıb.

Bildirilib ki, "Qış-2021 Türkiyə-Azərbaycan Taboru Kombinə Edilmiş Birgə Vəzifə Gücü Təlimi"nə qatılacaq azərbaycanlı hərbçilər artıq Qarsa gediblər.

“Qarabağda Ermənistan Ordusuna qarşı böyük bir qələbə qazanan qardaşlarımızı qürurla qarşılayırıq. "Bir millət, iki dövlət" anlayışımızla "bir ürək, bir bilək, bir yumruq" kimi birləşərək, fəaliyyətlərimizə davam edəcəyik!” - deyə məlumatda bildirilib.

7
Самолет Бе-200, фото из архива

Hirkan Milli Parkında yanğın davam edir - VİDEO

0
(Yenilənib 19:37 17.01.2021)
Yanğınla mübarizəyə Fövqəladə Hallar Nazirliyinin müvafiq qüvvələri, o cümlədən Aviasiya dəstəsinin "BE-200ÇS" tiplı amfibiya təyyarəsi cəlb olunub.

BAKI, 17 yanvar - Sputnik. Astara rayonu ərazisində Hirkan Milli Parkında baş vermiş yanğının söndürülməsi istiqamətində Fövqəladə Hallar Nazirliyi tərəfindən operativ və təxirəsalınmaz tədbirlər davam etdirilir.

Fövqəladə Hallar Nazirliyindən verilən məlumata görə, yanğının söndürülməsinə relyefin mürəkkəbliyi və hava şəraitinin əlverişsizliyi maneə törədir. Bununla belə, yanğının daha geniş sahəyə yayılması və Milli Parka daha böyük ziyan vurmasının qarşısının alınması məqsədilə zəruri tədbirlər həyata keçirilir.

Qeyd edək ki, yanğınla mübarizəyə Fövqəladə Hallar Nazirliyinin müvafiq qüvvələri, o cümlədən Aviasiya dəstəsinin "BE-200ÇS" tiplı amfibiya təyyarəsi də cəlb olunub.

Əlavə məlumat veriləcək.

0