Qadın sükan arxasında

Onların qəribə qadağaları davam edir: Qadınlara avtomobil sürmək olmaz

131
(Yenilənib 11:00 19.01.2018)
Dövlət müəssisələrində işə şəxsi avtomobilində gələn qadınlardan bir daha avtomobil sürməyəcəkləri ilə bağlı yazılı iltizam alınır

BAKƏ, 19 yanvar — Sputnik. Türkmənistanda qadınlara sükan arxasına oturmaq qadağan olunub. Sputnik Azərbaycan "Türkmənistanın alternativ xəbərləri"nə istinadən bildirir ki, bu zaman onların sürücülük vəsiqəsinin olub-olmaması rol oynamır.

Ötən ilin dekabrında yol polisi qadınlara bu barədə sadəcə xəbərdarlıq edirdilər. Yanvar ayından onların sürücülük vəsiqələri əlindən alınır, avtomobilləri isə cərimə meydançasına aparılır.

Yerli qadınlardan bir deyir ki, əvvəlcə xəbəri zarafat kimi qəbul edib: "Sonra özüm bununla qarşılaşdım. İndi qadınlar sükan arxasına keçməyə qorxurlar. Onları iş yerinə ərləri aparırlar".

Başqa bir mənbə bildirib ki, dövlət müəssisələrində işə şəxsi avtomobilində gələn qadınlardan bir daha avtomobil sürməyəcəkləri ilə bağlı yazılı iltizam alınır.

Məlumata görə, Türkmənistanın daxili işlər naziri İsgəndər Mulikov prezident Qurbanqulu Berdıməhəmmədova ölkədə baş verən qəzaların əksəriyyətinin qadınların günahından və ya onların iştirakı ilə baş verməsi ilə bağlı informasiya verib. Prezident isə bundan sonra "vəziyyəti düzəltmək" barədə göstəriş verib.

Xatırldaq ki, bir müddət öncə ölkədə qara maşınlara qadağa qoyulduğu barədə məlymat yayılmışdı.

131
Teqlər:
qadağa, Türkmənistan, qadın, cərimə, avtomobil
Əlaqədar
Sürətlə bütün ölkəyə yayılan qadağa: Hər kəs məcburiyyətdən məmnundur
Millət vəkili: "Siqaret qadağasından dolayı əziyyət çəkirəm"
Miri: “Həcc məsələsini qadağalarla həll etmək doğru deyil”
Hələ qanunun "sağı-solu" bəlli deyil, lakin şəhəri qadağa elanları bürüyüb
Soltan: “İngilis dilini qadağan etməkdə İranın iki məqsədi var”
Rusiya Xarici İşlər Nazirliyinin rəsmi nümayəndəsi Mariya Zaxarova, arxiv şəkli

Şenker ABŞ-ın Yaxın Şərqdə son iki onillikdəki hansı layihəsini uğurlu hesab edir?

7
Rusiya XİN-in rəsmi nümayəndəsi Mariya Zaxarova Dövlət Departamentinin Rusiyanın Yaxın Şərqdəki rolu haqqında bəyanatına cavab verib

BAKI, 5 iyun – Sputnik. Rusiya XİN-in rəsmi nümayəndəsi Mariya Zaxarova ABŞ dövlət katibinin köməkçisi Devid Şenkerin “Rusiya Yaxın Şərqdən çıxmalı"dır fikrini şərh edərkən Vaşinqtonun regiondakı siyasətinin nəticələrini xatırlamağa çağırıb.

"Dəqiqləşdirmək istərdim ki, Şenker Amerikanın Yaxın Şərqdə son iki onillikdəki hansı layihəsini uğurlu hesab edir? <...> Xatırlaya bilmirik. Yalnız ölüm və məhv", - deyə Zaxarova RİA Novosti-yə bildirib.

Diplomat əlavə edib ki, ola bilsin, Şenker "uğurlu layihə" nin yekununu məhz belə görür.

Rusiya 2015-ci ildən rəsmi Suriya hökumətinin xahişi ilə ərəb respublikasına terrorizmlə mübarizə və ölkənin bərpası üçün hərbi və digər yardımları göstərir. Birləşmiş Ştatlar isə Suriyanın rəsmi hakimiyyətinin icazəsi olmadan bu ölkədə yerləşir.

7
Berlin şəhərinə mənzərə, arxiv şəkli

Avropanın ən güclü iqtisadiyyatı tarixinin ən pis dövrünü yaşayır

7
(Yenilənib 21:58 05.06.2020)
Xatırladaq ki, daha əvvəl Almaniya hökuməti iqtisadiyyatın dəstəklənməsi üçün ümumi həcmi 130 milyard avro dəyərində paket qəbul edib.

BAKI, 5 iyun — Sputnik. Bu dəfə ki böhran Almaniya tarixində ən ağır böhrandır. Sputnik Azərbaycan xəbər verir ki, bunu Almaniyanın Kansleri Angela Merkel "ARD" telekanalının efirində bildirib.

Onun sözlərinə görə, ölkə iqtisadiyyatı çətin dövrdən keçir, təxminən 7 milyona qədər Almaniya sakini yarım iş gününə keçirilib. Merkel eyni zamanda hesab edir ki, hökumət pandemiya ilə mübarizədə düzgün hərəkət edib.

Xatırladaq ki, daha əvvəl Almaniya hökuməti iqtisadiyyatın dəstəklənməsi üçün ümumi həcmi 130 milyard avro dəyərində paket qəbul edib.

Qeyd edək ki, Almaniyada artıq 600 mindən çox şəxs öz iş yerlərini itirib.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda dünyada virusa yoluxanların sayı 6,6 milyonu keçib, 391 mindən çox adam isə virus səbəbilə ölüb.

7
Zaqatalaya mənzərə, arxiv şəkli

Cənubi Qafqazda ilk olaraq Azərbaycanda...

0
Səmədova onu da bildirib ki, layihə Almaniyanın İqtisadi Əməkdaşlıq və İnkişaf Nazirliyi tərəfindən maliyyələşdirilir və icra müddəti 4 ildir.

BAKI, 6 iyun — Sputnik. Azərbaycanda "Zaqatala–Balakən biosfer rezervatının yaradılması" layihəsinə start verilir. Bu barədə Sputnik Azərbaycan-a Ekologiya və Təbii Sərvətlər Nazirliyinin Bioloji Müxtəlifliyin Qorunması Xidmətinin rəis müavini Arzu Səmədova bildirib.

O, qeyd edib ki, layihə çərçivəsində Zaqatala Dövlət Təbiət Qoruğunun bazasında yaradılacaq Zaqatala-Balakən biosfer rezervatı həmin bölgədə ekoturizmin inkişafına və yerli əhalinin məşğulluğunun artırılmasına şərait yaradacaq, insanların flora və faunaya zərər vermədən təbiət gözəlliklərini görməsi üçün hərəkət çığırları, seyr nöqtələri müəyyənləşdiriləcək. Qoruqdan fərqli olaraq biosfer rezervatın ərazisinə ekoturistlərin girişi açıq olacaq.

ETSN rəsmisi biosfer qoruğunun yaxın qonşularımız Türkiyə, Rusiya, Belarusiyada da mövcud olduğunu, lakin Cənubi Qafqaz regionunda ilk dəfə Azərbaycanda yaradılacağını vurğulayıb.

O qeyd edib ki, bununla da bölgədə ekoloji və kənd turizminin stimullaşdırılmasına, əhalinin sosial-iqtisadi rifahının yüksəldilməsinə şərait yaranacaq. Biosfer rezervatda müasir tələblərə cavab verən infrastruktur qurulacaq, alternativ və bərpa olunan enerji mənbələri ilə təmin olunacaq. Eyni zamanda, burada ekoloji təmiz məhsulların istehsalı üçün təsərrüfat yaradılacaq.

"Biosfer rezervatın özəlliklərindən biri də odur ki, burada istehsal olunan orqanik məhsullar qoruğun loqosu ilə qablaşdırılacaq və bir sıra ölkələrə ixrac olunan zaman gömrük rüsumundan azad olunacaq. Həmçinin, layihə çərçivəsində ətraf ərazilərdə təsərrüfat fəaliyyəti ilə məşğul olan şəxslərə kiçik həcmli qrantların verilməsi də planlaşdırılır".

A.Səmədova onu da bildirib ki, layihə Almaniyanın İqtisadi Əməkdaşlıq və İnkişaf Nazirliyi tərəfindən maliyyələşdirilir və icra müddəti 4 ildir.

0