Moskvanın Sadovod bazarı, arxiv şəkli

Səhlənkarlıq, yoxsa qəsd: "Sadovod" bazarında əsas ziyan azərbaycanlılara dəyib

126
(Yenilənib 10:13 19.01.2018)
Moskvanın "Sadovod" bazarının sahibkarı yanğının azərbaycanlılara vurduğu ziyandan danışıb

BAKI, 18 yanvar — Sputnik. Moskvanın "Sadovod" bazarında gecə baş verən yanğın nəticəsində zərərçəkənlərin əksəriyyəti azərbaycanlı sahibkarlardır. Bu barədə Sputnik Azərbaycan-a Moskvadakı Azərbaycan diasporunun nümayəndəsi, "Sadovod" bazarında işləyən sahibkar Əhməd Cəlilov məlumat verib.

RF Fövqəladə Hallar Nazirliyinin Moskva şəhər Baş İdarəsinin mətbuat xidmətinin məlumatına görə, yanğın yanvarın 17-də axşam saat 21:17-də bazarın Verxniye küçəsində yerləşən 300 kvadratmetr ərazidəki metal pavilyonda başlayıb.

Hadisə yerinə gələn yanğından mühafizə bölmələrinin əməkdaşları təhlükəsizlik məqsədilə qonşuluqdakı obyektlərdən 40 nəfəri təxliyə edib. Yanğın 18 yanvar saat 03:51-də lokallaşdırılıb. Yanğının söndürülməsində 100 yanğınsöndürən və 30 texnika iştirak edib.

Sputnik Azərbaycan-ın mənbəsinin sözlərinə görə, yanğına məruz qalan obyektlərin 70%-i azərbaycanlılara məxsusdur.

"Orada içində geyim və xırdavat mallar olan 50 konteyner yanıb. Əvvəlcə yanğını su ilə söndürməyi düşünüblər. Sonra görəndə ki, alovu su ilə söndürmək mümkün deyil, köpüklə söndürməyə başlayıblar. Ehtimal var ki, yanğın icarəçilərdən birinin səhlənkarlığı və laqeydliyi ucbatından baş verib. Bayırda soyuq olduğu üçün adamlar elektrik qızdırıcılarından istifadə edir. Orada patrullar müntəzəm olaraq ticarətçilər və icarədarlara təhlükəsizlik tədbirlərini xatırladırlar və onlardan xahiş edirlər ki, hətta elektrik çaydanlarını belə elektrik cərəyanından ayırsınlar. Hər şey mümkündür, qəsdən yandırılma ehtimalını da istisna etmək olmaz", – deyə Cəlilov bildirib.

Cəlilovun sözlərinə görə, sahibkarlara dəyən zərərin kompensasiya edilməyəcəyi birmənalıdır. Çünki hazırda "Sadovod" bazarının sahiblərinin böyük problemləri var. Onlar yeni konteynerlər qurmalıdırlar. Bu isə əlavə xərcdir. Odur ki, sahibkarlar heç nəyə ümid etmirlər.

126
Teqlər:
"Sadovod" bazarı, ziyan, konteyner, Moskva, azərbaycanlı, yanğın
Əlaqədar
Nyu-Yorkda güclü yanğın, xeyli sayda ölən var
Azərbaycanda yaşayış binasında yanğın oldu, onlarla insan təxliyə edildi
Hotel yanğınında ölənlərin sayı artır
Çoxmərtəbəli binada baş verən yanğın söndürülüb
Bakının mərkəzində yanğın

"Lotu Quli"nin məzarı üstündə atışma olub, 1 nəfər ölüb

11
Silahlı insident nəticəsində bir azərbaycanlı başından güllələnib. O, aldığı güllə yarasından hadisə yerində ölüb.

BAKI, 19 yanvar - Sputnik. İstanbulun Esenyurt rayonunda "Lotu Quli" ləqəbli kriminal avtoritet Nadir Səlifovun məzarı üstündə silahlı insident olub.

APA-nın verdiyi xəbərə görə, silahlı insident nəticəsində bir azərbaycanlı başından güllələnib. Güllələnən şəxsin Əli Həşimov olduğu bildirilir. O, aldığı güllə yarasından hadisə yerində ölüb.

Onu vuran digər azərbaycanlı Kənan adlı şəxs isə xəstəxanaya çatdırılıb.

Məlumata görə, hadisə borc üstündə baş verib.

Hadisədə şübhəli bilinən 3 nəfər saxlanılıb.

11
 Rusiyada epdimioloji vəziyyət

Vaksini tapıblar, amma xeyri yoxdur: bir gündə 586 nəfər öldü

14
(Yenilənib 16:03 19.01.2021)
Rusiyada pandemiya yayılandan 66623 nəfər COVID-19-dan vəfat edib. Ölkədə bu virusdan sağalanların sayı 3002026-ya çatıb.

 

BAKI, 19 yanvar — Sputnik. Son bir sutka ərzində Rusiyada 21734 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 586 nəfər ölüb.

Ümumilikdə, Rusiyada bu xəstəliyə yoluxanların sayı 3612800-ə çatıb. Rusiyada pandemiya yayılandan 66623 nəfər COVID-19-dan vəfat edib. Ölkədə bu virusdan sağalanların sayı 3002026-ya çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 95.5 milyonu keçib, 1,04 milyondan çox adam isə virus səbəbi ilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

14
Mövzu:
Yeni tip koronavirus pandemiyası
Hövsanda çirkli ərazi

Xəzərə tullantıların atılması azalıb

0
"ETSN sadəcə tullantıların idarəedilməsinə nəzarət edir, amma bələdiyyələr həmin tullantıların yığılmasını və atılmasını təmin etməlidirlər".

BAKI, 19 yanvar — Sputnik. Xəzər dənizinə tullantı sularının axıdılması halları xeyli azalıb.

Sputnik Azərbaycan xəbər verir ki, bu barədə Ekologiya və Təbii Sərvətlər Nazirliyinin Ekoloji Siyasət şöbəsinin müdiri Rasim Səttarzadə "Ekspert saatı" proqramında bildirib.

Onun sözlərinə görə, ötən dövr ərzində həm Xəzərə axıdılan tullantı sularının həcmi, həm də axarların sayı azalıb: "Lakin təkcə Abşeron yarımadasından Xəzərə gün ərzində 1 milyon kub metr su axıdılır. Bunun qarşısının alınması üçün tədbirlər görülür".

O qeyd edib ki, Bakı şəhərində tullantıların idarəedilməsi ilə bağlı əksər problemlər həll edilib. Belə ki, regionlarda bu problem hələ qalmaqda davam edir. O, bu problemin həlli üçün strategiya təsdiqləndiyini də nəzərə çatdırıb: "ETSN sadəcə tullantıların idarəedilməsinə nəzarət edir, amma bələdiyyələr həmin tullantıların yığılmasını və atılmasını təmin etməlidirlər".

0