Trampın oğlu danışdı: "İkinci elə bir insan görməmişəm"
(Yenilənib 12:36 17.01.2018)
Erik Tramp: "Atamın indiyədək hələ soyuqladığı da olmayıb"BAKI, 17 yanvar — Sputnik. Amerika Birləşmiş Ştatlarının prezidenti Donald Trampın oğlu Erik atasının son tibbi müayinələri haqda danışıb. Sputnik Azərbaycan xarici mətbuata istinadən xəbər verir ki, oğul Tramp jurnalistlərə açıqlamasında atası kimi ikinci bir enerjili insan görmədiyini deyib.
"Birincisi, atamın indiyədək hələ soyuqladığını da görməmişəm. İkincisi, atamda olan enerji hər hansı bir gəncdə də yoxdur. İşində kimi desən, geridə qoyar" — Erik Tramp bildirib.
Prezidentin səhhətinə daim nəzarət edən həkimi Roni Cekson da eyni fikirləri bölüşüb: "Donald Tramp tamamilə sağlamdır. Bir az fiziki idman hərəkətlərinə başlaması və bir neçə kiloqram çəki atması yaxşı olardı".
— Fox News (@FoxNews) 17 января 2018 г.
Misirdə üzərində ginekoloji əməliyyat izi olan mumiya aşkarlanıb
BAKI, 17 yanvar — Sputnik. Qədim Misirdə üzərində ginekoloji əməliyyat izi olan mumiya aşkarlanıb.
Sputnik Azərbaycan xarici mətbuata istinadla xəbər verir ki, Qranada və Xaena universitetlərinin alimləri qadın mumiyası üzərində apardıqları araşdırma zamanı məlum olub ki, qadın ginekoloji əməliyyat keçirib.
Mumiyanın bizim eradan əvvəl 1878-1797-ci illərə aid olduğu bildirilir. Həmin şəxs sağlığında çanaq sümüyündən ciddi zədə alıb və güclü xəstəlikdən əziyyət çəkib. Yerli təbiblər onu sağaltmağa çalışıblar. Onlar qadın üzərində "fumiqasiya" əməliyyatı aparıblar. Belə ki, yaraya toksiki maddələr verərək, mikrobları öldürməyə çalışıblar.
Qeyd edək ki, bu üsul indi ancaq bitkilər üçün həyata keçirilir.
Müəyyən edilib ki, qadın yüksək təbəqədən olub və onun adı Sattjeni A. olub. Sonuncu hərf qadını digərlərindən fərqləndirmək üçün olub.
Çünki həmin dövrdə Sattjeni əhali arasında populyar ad olub. Mumiya qaya məzarlığında aşkarlanıb. Orada 11 yaxşı vəziyyətdə qalmış mumiya olub.
İsraildə “Pfizer” vaksini vurulan 13 nəfər üz iflici olub
BAKI, 17 yanvar - Sputnik. İsraildə yeni növ koronavirus infeksiyasına qarşı “Pfizer” vaksini ilə peyvənd olunan 13 nəfər üz iflici olub.
“Report”un məlumatına görə, bu barədə “The Jerusalem Post” İsrail Səhiyyə Nazirliyinin hesabatına istinadən xəbər verib.
Nazirlik bildirib ki, üz iflici olanların sayı daha çox ola bilər.
Qeyd edək ki, ötən ilin 20 dekabr tarixində İsraildə yeni növ koronavirus (COVID-19) infeksiyasına qarşı kütləvi vaksinasiya prosesinə başlanılıb. İlk olaraq İsrailin Baş naziri Binyamin Netanyahu peyvənd olunub.
İki gün əvvəl ordudan tərxis olunan könüllü əsgər ölüb
BAKI, 17 yanvar - Sputnik. Lənkəran rayonunun Göyşaban kəndindən Vətən müharibəsinə könüllü olaraq qatılan Mirzəzadə İbrahim Rüfət oğlu bu gün vəfat edib.
“Report”un verdiyi xəbərə görə, mərhum iki gün əvvəl səfərbərlik üzrə hərbi xidmətdən tərxis edilib.
İlkin məlumata görə, onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.
Faktla bağlı araşdırma aparılır.