İstanbul

Dəhşətli İstanbul zəlzələsinin mümkün vaxtı açıqlandı

773
(Yenilənib 19:56 14.01.2018)
Bəziləri zəlzələnin 12, digərləri 27 il sonra olacağını bildirilər

BAKI, 12 yanvar — Sputnik. İstanbul Texniki Universitetinin Geofizika Mühəndisliyi fakültəsinin professoru, doktor Əhməd Ercan bütün dünyanın həyəcanla gözlədiyi dəhşətli İstanbul zəlzələsinin mümkün baş vermə vaxtını açıqlayıb. Sputnik Azərbaycan Sözçü-yə istinadən xəbər verir ki, doktor Ercan zəlzələnin 27 il sonra baş verəcəyini deyib.

Qeyd edək ki, bütün elm adamları böyük İstanbul zəlzələsinin qaçılmaz olduğunu və nə zamansa bu bölgədə dağıdıcı təkanların olacağını bildirirlər. Onlar sadəcə zəlzələnin baş verəcəyi vaxtı bilmədiklərini vurğulayırlar.

Professor Əhməd Ercan bəzi elm adamlarının İstanbul zəlzələsinin 12 il sonra baş verəcəyini söylədiklərini bildirib: "Mənim hesablamalarıma görə isə böyük zəlzələ təxminən 27 il sonra olacaq. Kim düz dediyini zaman göstərəcək. Zəlzələ 100 faiz əvvəlcədən müəyyən ediləcək elm deyil. Fikrimcə, İstanbul, Tekirdağ, Kocaeli, Yalova, Balıkesir, Çanaqqalaya təsir edəcək 2 zəlzələ olacaq. Biri 6,3-6,7 bal gücündə Küçükçekmece sahillərində, o biri 7-10 kilometr dərinlikdə, 7,0-7,2 bal gücündə Mərmərə istiqamətində olacaq".

Türkiyədə insanların ən sıx yaşadığı yerin İstanbul olduğunu qeyd edən elm adamı, hər kvadrat kilometrə 2,5 min nəfər düşməklə, şəhərdə 16 milyon insanın yaşadığını vurğulayıb: "Yaşayış yerlərinin yüzdə 40 faizi qanunsuzdur, yüzdə 70-nın isə oturma icazəsi yoxdur. Bir sözlə, İstanbul qeyri-qanuni yaşayış məskənidir".

İstanbulun 70 faizinin "möhkəm torpaqda" yerləşdiyini bildirən professor Ercan mümkün təhlükə zonaları barədə danışıb: "Şəhərin Anadolu hissəsinin yüzdə 35 faizi, Trakiya hissəsinin isə yüzdə 65 faizi zəlzələnin təsirinə məruz qalacaq. Təkanların ən çox təsir edəcəyi yerlər Fatih, Eyüp, Zeytinburnu, Kağıthane, Bakırköy, Küçükçekmece, Bağçılar, Büyükçekmece, Kumburgaz, Esenyurt, Ovçular, Güngören, Bahçelievler, Kemerburgaz, Göktürk ilə yeni tikilən Uçuş sahəsi olacaq. Ən dəhşətli yer isə Bostancı-Eminonu, Eminönü-Büyükçekmece arasıdır".

773
Teqlər:
İstanbul Texniki Universiteti, alimlər, zəlzələ, yeraltı təkanlar, proqnoz
Əlaqədar
İstanbulda inanılmaz olay: Gizlincə təyyarəyə minən adam...
İstanbulda təhlükəli torpaq sürüşməsi olub — FOTOLAR
İstanbul böyük bəladan qurtuldu, 23 İŞİD üzvü tutuldu
"Asiyanın qəlbi — İstanbul prosesinin" Bakı Bəyannaməsi qəbul edilib
"İstanbul qatili"nin ölümü təsdiqləndi
Türkiyə Böyük Millət Məclisinin sədri Mustafa Şentop

Azərbaycan Türkiyə spikerləri: "Bu iki qardaş xalq həmişə bir-birinin yanında olacaq"

8
(Yenilənib 23:27 29.10.2020)
Türkiyə Böyük Millət Məclisinin Sədri Mustafa Şentop Türkiyənin bundan sonra da Azərbaycanın yanında olacağını və Azərbaycan torpaqlarının tezliklə tamamilə düşmən tapdağından azad olunacağı günü səbirsizliklə gözlədiklərini diqqətə çatdırıb.

BAKI, 29 oktyabr — Sputnik. Oktyabrın 29-da Milli Məclisin Sədri Sahibə Qafarova Türkiyə Böyük Millət Məclisinin Sədri Mustafa Şentopla telefonla danışıb.

Sputnik Azərbaycan-ın məlumatına görə, Milli Məclisin Sədri türkiyəli həmkarına 29 oktyabr - Cümhuriyyət Günü münasibətilə təbriklərini çatdırıb, qardaş türk xalqına tərəqqi və firavanlıq arzulayıb.

Milli Məclisin Sədri qardaş Türkiyə Respublikasının Ermənistan-Azərbaycan Dağlıq Qarabağ münaqişəsi ilə bağlı ölkəmizə göstərdiyi dəstəyə görə bir daha minnətdarlığını bildirib, iki qardaş xalqın həmişə bir-birinin yanında olacağına əminliyini ifadə edib.

Sahibə Qafarova Ermənistanın son dövrlər döyüş meydanında məruz qaldığı uğursuzluqlarla barışmayaraq mülki əhalini hədəfə aldığını və bunun insanlıq əleyhinə yönələn müharibə cinayəti olduğunu ifadə edib.

Sahibə Qafarova telefon söhbətinin sonunda bildirib ki, bütün Azərbaycan xalqı öz dövlətinin və Prezidentinin yanındadır. "Möhtərəm Prezidentimiz İlham Əliyevin rəhbərliyi ilə Azərbaycanda bərqərar olmuş güclü idarəçilik sistemi, iqtidarla xalq arasında mövcud olan sarsılmaz birlik Dağlıq Qarabağ məsələsinin tamamilə həllini təmin edəcək".

Təbriklər və xoş sözlər üçün təşəkkürünü bildirən Türkiyə Böyük Millət Məclisinin Sədri Mustafa Şentop Türkiyənin bundan sonra da Azərbaycanın yanında olacağını və Azərbaycan torpaqlarının tezliklə tamamilə düşmən tapdağından azad olunacağı günü səbirsizliklə gözlədiklərini diqqətə çatdırıb.

8
Ramil Quliyev

Dünya çempionu da "Qarabağ Azərbaycandır!" dedi

22
(Yenilənib 23:21 29.10.2020)
İdmançı üzərində "Pray for Barda" ("Bərdə şəhəri üçün dua edin") sözləri və 19 nəfərin öldüyü, 50 nəfərin yaralandığı yazılmış foto paylaşıb.

BAKI, 29 oktyabr — Sputnik. Türkiyə millisinin azərbaycanlı dünya çempionu Ramil Quliyev Ermənistan silahlı qüvvələrinin Bərdə şəhərinə raket zərbələri ilə törətdiyi terror barədə özünün "Instagram" səhifəsində paylaşım edib.

Sputnik Azərbaycan xəbər verir ki, idmançı üzərində "Pray for Barda" ("Bərdə şəhəri üçün dua edin") sözləri və 19 nəfərin öldüyü, 50 nəfərin yaralandığı yazılmış foto paylaşıb.

Ramil Quliyevin paylaşımının skrinşotu

Bununla yanaşı, sosial şəbəkədə Qarabağa aid video yayımlayıb və qeyd bölməsinə "Qarabağ Azərbaycandır" yazıb.

Qeyd edək ki, 30 yaşlı idmançının "Instagram"da 67 mindən çox izləyicisi var.

22
Avropa Liqasının qrup mərhələsinin 2-ci tutu çərçivəsində Qarabağ - Vilyareal matçı

"Qarabağ" azarkeşlərini məyus etdi

0
(Yenilənib 23:52 29.10.2020)
Azərbaycanın "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

BAKI, 29 oktyabr — Sputnik. "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

Sputnik Azərbaycan xəbər verir ki, görüş Türkiyənin İstanbul şəhərindəki "Başakşehir Fatih Terim" stadionunda baş tutub.

Komandalar oyunun birinci hissəsini heç-heçə başa vurublar. İkinci hissədə isə "Qarabağ"ın oyunçusu Kvabena Ovusu fərqlənib. O, 78-ci dəqiqədə hesabı açıb. Lakin Ağdam klubunun azarkeşlərinin sevinci uzun çəkməyib. 2 dəqiqə sonra "Vilyarreal" Yeremi Pinonun vurduğu qolla hesabı bərabərləşdirib. Matçın 84-cü dəqiqəsində Pako Alkaser Ağdam klubunu cəzalandırıb. "Vilyarreal" ikinci qolla önə çıxıb. 

Oyuna əlavə edilən dəqiqələrdə "Vilyarreal" 3-cü topu "Qarabağ"ın qapısından keçirib. Üçüncü topu da 90+6-cı dəqiqədə penaltidən Pako Alkaser vurub.

Beləliklə, "Qarabağ"-"Vilyarreal" matçında oyun ispan klubunun qələbəsi ilə başa çatıb.

Bu oyunun nəticəsi olaraq xallarını 6-ya çatdıran "Vilyarreal" qrupda liderliyini möhkəmlədib. "Qarabağ" isə 1 xalla 3-cü pillədə qalıb.

0