Professor Stiven Hokinq

Məşhur fizikdən Yerlə bağlı qorxunc proqnoz: Cəhənnəmə dönəcək!

179
(Yenilənib 11:20 12.01.2018)
Dünyaca məşhur fizik: "Yer kürəsi istiləşmə ucbatından cəhənnəmə çevrilməkdədir"

BAKI, 11 yanvar — Sputnik. İngilis nəzəriyyəçi-fiziki Stiven Hokinq hesab edir ki, Yeri Günəş sisteminin digər planetlərinin, məsələn, Veneranın taleyi gözləyir.

Sputnik Azərbaycan xarici mediaya istinadla xəbər verir ki, Hokinq bu barədə özünün "Sevimli yerlər" (Stephen Hawking's Favourite Places) videolayihəsi çərçivəsində danışıb. O qeyd edib ki, 200 ildən sonra artıq insanların yeni "ev"ə ehtiyacı yaranacaq.

Alimin fikrincə, iqlim dəyişiklikləri bəşəriyyəti yox olmağa doğru aparır, Yer kürəsi isə istiləşmə ucbatından cəhənnəmə çevrilməkdədir.

Əgər bəşəriyyət parnik tullantılarını ixtisar etməsə, gec-tez Yerdə orta temperatur 460 dərəcəyə çatacaq.

Alimlər hesab edirlər ki, 4 milyard il əvvəl Venera praktiki olaraq Yerin eynisi olub. Onun atmosferi, dənizləri və bitki örtüyü var imiş. Amma bir sıra səbəblərdən planet "məhv olub".

"Yer kürəsinin 4,5 milyard il yaşının olduğunu nəzərə alsaq, 200-500 il kifayətdir ki, Yer kürəsi tamamilə həyatın olmadığı səhraya çevrilsin" – Hokinq deyib.

Bununla əlaqədar olaraq, Hokinq ətraf mühitin tullantılarla çirkləndirilməsinin azaldılması ilə bağlı beynəlxalq müqavilələri xatırladıb. Fizik ABŞ prezidentini Amerikanı iqlimlə bağlı Paris razılaşmasından çıxmaqla planetimizin "ölüm hökmünü imzalamaq"da günahlandırıb.

Stiven Hokinq Kembric Universitetinin sabiq riyaziyyat professoru və beynəlxalq bestsellerə çevrilmiş "Zamanın qısa tarixi" kitabının müəllifidir.

179
Teqlər:
cəhənnəm, gələcək, Stiven Hokinq, temperatur, Yer, proqnoz
Əlaqədar
Yer kürəsini fəlakət gözləyir: temperatur 9°-dək arta bilər
Yer kürəsinin 66 milyon il əvvəl yaşamış sakini tapıldı
Onlar Yer kürəsinə qayıdırlar — az qaldı
2017-ci ildə Yer kürəsini fəlakət gözləyir
"ABŞ dağıtdığı Yer kürəsində başqa hansı iz qoyub?"
Robert Koçaryan, arxiv şəkli

Vəziyyətləri qəlizdir - Bütün keçmiş prezidentləri görüşürlər

79
Ötən gün Saakyan və Qukasyan Ermənistanın Baş naziri Nikol Paşinyan və Ermənistanın birinci prezidenti Levon Ter-Petrosyanla görüş keçirib.

BAKI, 21 oktyabr — Sputnik. Ermənistanın ikinci prezidenti Rober Koçaryan Azərbaycanın işğal altında olan torpaqlarında qurulan separatçı "rejim"in "sabiq liderləri" Bako Saakyan və Arkadi Qukasyanla görüşüb. Sputnik Ermənistan xəbər verir ki, görüşdə Ermənistanın sabiq prezidenti Serj Sarqsyan da iştirak edib.

Qeyd olunur ki, görüş Saakyan və Qukasyanın təşəbbüsü ilə baş tutub. Görüşün mövzusu Qarabağdakı vəziyyət olub.

Xatırladaq ki, ötən gün Saakyan və Qukasyan Ermənistanın Baş naziri Nikol Paşinyan və Ermənistanın birinci prezidenti Levon Ter-Petrosyanla görüş keçirib.

79
Mövzu:
Azərbaycan və Ermənistan arasında müharibə
Ermənistanın xarici işlər naziri Zöhrab Mnatsakanyan, arxiv şəkli

Ermənistan xarici işlər naziri yenə Moskvaya gedib - son on gündə üçüncü dəfə

50
Ermənistan xarici işlər naziri Zöhrab Mnatsakanyan son 10 gündə Moskvaya 3-cü səfərini edib. İlkin ehtimallara görə, söhbət Azərbaycan və Ermənistan liderləri İlham Əliyev və Nikol Paşinyanın görüşünə hazırlıq məqsədi daşıyır. 

BAKI, 21 oktyabr - Sputnik. Ermənistan xarici işlər naziri Zöhrab Mnatsakanyan Rusiyaya qısamüddətli işgüzar səfərə gedib.

Sputnik Ermənistan xəbər verir ki, bu barədə Ermənistan XİN-in mətbuat katibi Anna Naqdalyan bildirib.

Onun sözlərinə görə, hazırda Zöhrab Mnatsakanyan Rusiyanın paytaxtı Moskva şəhərindədir.

Səfərin məqsədinin detalları barədə məlumat verilmir. Lakin ilkin ehtimallara görə, söhbət Azərbaycan və Ermənistan liderləri İlham Əliyev və Nikol Paşinyanın görüşünə hazırlıq məqsədi daşıyır. 

Bu, son 10 gün ərzində Mnasakanyanın Moskvaya 3-cü səfəridir. 

Qeyd edək ki, Zöhrab Mnatsakanyan ABŞ dövlət katibi Maykl Pompeo ilə görüşmək üçün oktyabrın 23-də Vaşinqtonda olacaq.

50
Su-34 təyyarəsi, arxiv şəkli

Rusiyada qırıcı qəzaya uğradı

0
"Su-24" təyyarəsi planlı təlim-məşq uçuşu həyata keçirərkən Xabarovsk diyarında qəzaya uğrayıb. Pilotlar katapult ediblər.

BAKI, 21 oktyabr — Sputnik. Rusiyaya məxsus "Su-34" qırıcısı Xabarovsk diyarında qəzaya uğrayıb. Sputnik Azərbaycan "RİA Novosti"yə istinadən xəbər verir ki, bu barədə Rusiya Müdafiə Nazirliyinin Şərq Hərbi Dairəsinin mətbuat xidməti məlumat yayıb.

"Su-24" təyyarəsi planlı təlim-məşq uçuşu həyata keçirərkən Xabarovsk diyarında qəzaya uğrayıb. Pilotlar katapult ediblər. Onların sağlamlığı üçün təhlükə yoxdur. Ekipaj üzvləri evakuasiya edilib", -deyə Şərq Hərbi Dairəsinin yaydığı məlumatda bildirilir.

Faktla bağlı araşdırmalar başlayıb.

0