İncirlik Hərbi Hava Bazası

İncirlikdəki amerikalı hərbçilərlə bağlı qorxunc iddia yayılıb

3462
(Yenilənib 14:03 10.01.2018)
"Həyat yoldaşım mənə bu xəbəri eşitdirəndə, az qala beynimə qan sızacaqdı"

BAKI, 10 yanvar — Sputnik. Türkiyənin Adana vilayətində ağlasığmaz olay baş verib. Hazırda Amerikada yaşayan, ancaq körpə ikən vilayətdəki İncirlik hərbi bazasında qulluq edən amerikalı hərbçinin ailəsinə pulla satıldığını iddia edən iki türk bacı DNT-dən keçməyə qərar verib. Araşdırmalardan sonra məlum olub ki, onlar doğrudan da amerikalı əsgərlərə pul qarşılığında veriliblər.

Sputnik Azərbaycan "Sabah"a istinadən xəbər verir ki, türk polisi hadisə ilə əlaqədar təcili istintaq başladıb. Uşaqları vaxtilə amerikalı əsgərlərə satan ailənin, həmçinin başqa ailələrin də oxşar addım atıb-atmadığının araşdırılması üçün bölgədəki bütün əhali qeydə alınacaq.

Mövzu ilə əlaqədar "Sabah" qəzetinə danışan yerli sakinlər bildiriblər ki, amerikalı əsgərlərin çoxu onlardan da pul qarşılığında körpələrini almaq istəyib. "40 ildir ki, İncirlik qəsəbəsində yaşayıram. ABŞ hərbçilərinin pul qarşılığında türk körpələri aldıqları doğrudur" — bölgə sakini Mahmut Açar deyib.

"Bu bölgədə amerikalılara övladını satan çox ailə olub. Yaxından tanıdığım bir nəfər həm oğlunu, həm də qızını pula görə onlara satdı. Bir müddət sonra uşaqların öldüyü xəbəri gəldi. Amerikalı əsgərlər sanki marketdən alış-veriş edərmiş kimi, ailələrə uşaq qarşılığında pul təklif edirlər" — sakin bildirib.

Mahmut Açar əlavə edib ki, vaxtilə bir nəfər amerikalı qadın hərbçi onun evinə gələrək bir yaş yarımında olan qızını da pulla almaq istəyib: "Həyat yoldaşım mənə bu xəbəri eşitdirəndə, az qala beynimə qan sızacaqdı. İnsan öz balasını necə sata bilər? Övladını satan adamın dəli olması lazımdır".

Qəzetə açıqlama verən digər vətəndaş, 65 yaşlı taksi sürücüsü Əli Aslan da bu barədə çox eşitdiyini söyləyib: "Uzun illərdir, bu bazanın qapısı ağzında müştəri gözləyirəm. Onlar xüsusilə yoxsul ailələri araşdırıb, onların qapısına gedirlər. Bu işi İncirlik hərbi bazasında çalışan amerikalı qadın hərbçilər görür. Kimin maddi çətinliyi varsa, o evə üz tuturlar".

Adının açıqlanmasını istəməyən digər bir vətəndaş isə deyib ki, 1980-90-cı illərdə belə hallar olub, amma indi yoxdur. İddiaya görə, amerikalı hərbçilər pulla aldıqları türk uşaqları ölkələrinə apararaq, orada həm adlarını, həm də dinlərini dəyişdirirlər.

3462
Teqlər:
Adana vilayəti, amerikalı, sakin, ailə, hərbçi, Türkiyə, İncirlik hərbi bazası, körpə, türk, uşaq
Əlaqədar
"Türkiyə İncirlik bazasını təcili bağlamalıdır"
"İncirlik" hərbi bazasında sürpriz görüş
ABŞ İncirlik bazasını qorumağın yolunu axtarır
Türkiyə İncirlik aviabazasını rusların ixtiyarına verərsə...
"ABŞ İncirlik bazasını boşaltmalıdır"
Koronavirusdan ölən şəxsin meyiti, arxiv şəkli

Koronavirusdan ölənlər qəbirdən çıxarılır

27
(Yenilənib 23:07 25.11.2020)
Ekvador Prokurorluğu bu işə Los Seybos xəstəxanası yaxınlığındakı zibil qablarından 237 cəsədin parçalarının tapılmasından sonra başlayıb.

BAKI, 25 noyabr — Sputnik. Ekvador Prokurorluğu yeni tip koronavirus (COVID-19) pandemiyasının ən kritik günlərində həyatını itirənlərin şəxsiyyətinin müəyyənləşdirilməsi üçün fəaliyyətə başlayıb. Sputnik Azərbaycan-ın Türkiyənin NTV kanalına istinadən verdiyi xəbərə görə, artıq bu məqsədlə Quayakil şəhərindəki qəbirlərin bir hissəsi eksqumasiya olunub.

Ekvador Prokurorluğunun sosial media vasitəsilə verdiyi açıqlamada "Hazırda Milli Ekspertiza Sisteminin dəstəyi ilə COVID-19 pandemiyası zamanı həyatını itirən şəxslərin kimliyini müəyyənləşdirmək üçün DNT nümunələri toplayırıq", - deyə bildirilir.

İndiyə kimi Quayakildəki Los Seybos xəstəxanasından aparılaraq basdırılmış 45 cəsəddən 18-i artıq qəbirdən çıxarılıb. Dauel qəsəbəsindəki La Avrora qəbirstanlığında isə eksqumasiya işlərinin bir neçə gün sonra başa çatdırılacağı bildirilib.

Qeyd edək ki, Ekvador Prokurorluğu istintaqa may ayında, Los Seybos xəstəxanası yaxınlığındakı zibil qablarından 237 cəsədin parçalarının tapılmasından sonra başlamışdı. Pandemiyanın geniş yayıldığı mart-aprel ayları ərzində ölkənin səhiyyə sistemi çökmüş, virusdan ölənlərin basdırılamasında isə böyük çətinlik yaranmışdı. Dövlət xəstəxanalarında cəsədlərin qarışıq düşməsi ilə yanaşı, evində ölənlərin meyitləri də toplanaraq günlərlə gözlədikdən sonra şəxsiyyətləri müəyyən olunmadan yandırılmışdı. Yaranan qarışıqlıq zamanı sistemdə ölü kimi qeydə alınan bəzi insanların sonradan əslində sağ olduqları üzə çıxdı. Bundan sonra Ekvador Prokurorluğu bütün məzarların bir-bir eksqumasiya olunması haqqında qərar verdi.

27
Fransa bayrağı, arxiv şəkli

Fransa Senatından Azərbaycan əleyhinə xaincəsinə qərar

124
(Yenilənib 22:12 25.11.2020)
XİN: Parisin “Dağlıq Qarabağın müstəqilliyi”ni birtərəfli tanıması nə Ermənistana, nə Qarabağ xalqına, nə də Fransanın özünə fayda vermir.

BAKI, 25 noyabr - Sputnik. Fransa Senatı qondarma “Dağlıq Qarabağ Respublikası”nı tanımaq barədə qətnamə qəbul edib. Senat hökumətə qondarma "DQR"i tanımaq barədə müraciət edib.

Sputnik Azərbaycan RİA Novosti-yə istinadən xəbər verir ki, sənədin lehinə 305 senator səs verib. Bir nəfər isə əleyhinə olub. Sənəd tövsiyə xarakteri daşıyır.

Fransa Xarici İşlər Nazirliyi artıq Senatın qərarına münasibət bildirib: Parisin “Dağlıq Qarabağın müstəqilliyi”ni birtərəfli tanıması nə Ermənistana, nə Qarabağ xalqına, nə də Fransanın özünə fayda vermir.

124
Teqlər:
Dağlıq Qarabağ, Fransa

Cəbhəyanı ərazilərdə onlarla tank piyada əleyhinə mina, bombacıqlar aşkarlandı

0
Mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

BAKI, 26 noyabr - Sputnik. Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Beyləqan, Füzuli, Goranboy, Göygöl, Tərtər rayonları ərazisində mərmilərin aşkar olunması barədə Daxili İşlər Nazirliyinin ″102″ Xidməti-Zəng mərkəzi sistemindən 38 və Fövqəladə Hallar Nazirliyinin Böhran Vəziyyətlərində İdarəetmə mərkəzindən 7 müraciət daxil olub.

ANAMA-dan Sputnik Azərbaycan-a verilən məlumata görə, daxil olmuş 45 çağırış əsasında agentliyin xüsusi mobil çevik əməliyyat qrupları tərəfindən Daxili İşlər Nazirliyinin əməkdaşları ilə birlikdə 28 operativ və təxirəsalınmaz əməliyyat çıxışı həyata keçirilib.

Aparılmış əməliyyat-axtarış tədbirləri zamanı 71 ədəd partlamamış hərbi sursat (PHS), 2 ədəd tank əleyhinə mina, 42 ədəd piyada əleyhinə mina, 4 ədəd bombacıq və 40 ədəd partlamış mərmi qalıqları aşkar olunub.

Agentliyin partlayış qrupu tərəfindən 26 ədəd mina və partlamamış hərbi sursat (PHS), 4 ədəd bombacıq zərərsizləşdirilib, mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

0