Virtual pul vahidi bitkoin

Fətva verildi: bitkoin İslamla qadağan edilir

91
Müftinin məsləhətçisi Məqdi Əşor bildirib ki, bitkoin terroristlərin maliyyələşməsi üçün istifadə edilir

BAKI, 3 yanvar — Sputnik. Misir müftisi bitkoin alverini qadağan edib. Sputnik Azərbaycan xəbər verir ki, Misir bitkoin alverindən imtina edib. Ölkənin baş müftisi Şeyx Şəvki Əllam kriptovalyuta əməliyyatlarını qadağan edən fətva verib.

Əllamın sözlərinə görə, bitkoin İslam dininə görə qadağandır. Çünki bitkoin dələduzluq, yalan və cahilliyi özündə birləşdirir.

Xatırladaq ki, fətva, müsəlman din adamlarının nümayəndələri tərəfindən hazırlanmış qərardır. Adətən heç bir hüquqi gücü olmur və inanclılar arasında keçərli olur. 

Qeyd edək ki, Misirdə ilk dəfə 2017-ci ilin avqust ayında bitkoin alveri üçün meydanca açılmışdı. Ancaq dekabrda dövlət  bu kriptovalyutanı qanunsuz elan etdi. 

Nəzərinizə çatdıraq ki, Bloombergin məlumatına görə, bitkoin 2017-ci ildə 1403 faiz bahalaşıb. Belə ki, ötən ilin başlanğıcında ABŞ-da bitkoinin qiyməti 1000 dollar olduğu halda dekbarın 18-də onun qiyməti 19511 dollar olmuşdu. İlin sonu 15 min dollar olsada, bazar ertsəindən onun qiyməti 13 min dollara qədər enib.

Onu da deyək ki, müftinin məsləhətçisi Məqdi Əşor bildirib ki, bitkoin terroristlərin maliyyələşməsi üçün istifadə edilir.

91
Əlaqədar
Bitkoin həvəskarlarına bəd xəbər
Tamer Karadağlı, arxiv şəkli

“Çocuklar duymasın”ın Haluku: “Azərbaycan üçün könüllü əsgərliyə gedərdim

193
"Bir millət, iki dövlətik. Əgər elə düşünürüksə, onun üçün gərəkli olanları da yerinə yetirməliyik" - Tamer Karadağlı

BAKI, 8 avqust — Sputnik. Azərbaycan əsilli məşhur türkiyəli aktyor Tamer Karadağlı maraqlı açıqlamalar verib. Karadağlı “Jülide Ateşle 40” verilişində qonaq olarkən Azərbaycanla bağlı maraqlı sualları da cavablandırıb.

“Azərbaycan mədəniyyəti üçün darıxırsınızmı?” sualına məşhur aktyor belə cavab verib:

“Xeyr, darıxmıram, çünki o mədəniyyəti yaşayıram. Bütün ailəmiz o mədəniyyəti yaşayırdı. Evimizdə həmişə Azərbaycan yeməkləri hazırlanırdı, xalalarım, əmilərim Azərbaycandaymış kimi danışırdılar. Hər nə qədər Azərbaycan əsilli olsam da, ilk dəfə iki il əvvəl getdim oraya və yeməkləri, insanları, danışıqları o qədər yaxın gəlmişdi ki mənə, izah edə bilmirəm”.

Aparıcının “Azərbaycan üçün könüllü əsgərliyə gedərsinizmi?” sualına cavab isə daha maraqlı olub: “Məni bu yaşdan sonra almazlar, amma əgər ehtiyac olsa, çağırsalar, niyə də olmasın? Bir millət, iki dövlətik. Əgər elə düşünürüksə, onun üçün gərəkli olanları da yerinə yetirməliyik”.

Qeyd edək ki, 53 yaşlı aktyor “Bir tutam baharat”, “Memlekette Demokrasi Var”,  “Şans Kapıyı Kırınca”, “Pamuk prens” və s. filmlərində rol alıb. Serial sahəsində daha çox tanınan Karadağlı Türkiyənin ən məşhur “Acayib hikayeler”,  “Doktorlar”, ”Fedai”, “Ah kalbim” və s. seriallarına çəkilib. Azərbaycan tamaşaçısı isə onu “Çocuklar duymasın”dakı Haluk obrazı ilə sevib.

193
Əlaqədar
Hollivud ulduzu Kemeron Diaz kinodan niyə getdiyini açıqlayıb
Gənc heykəltaraş bu dəfə polkovnikin xatirəsini əbədiləşdirib
Məşhur aktyor gizli şəkildə üçüncü dəfə evləndi
"Apple" və Di Kaprio: Hollivudda birgə filmlər çəkiləcək
Hələ ki açıq-saçıq səhnələr təklif etməyiblər: azərbaycanlı qız Moskvanı necə fəth edəcək?
ABŞ Prezidenti Donald Tramp, arxiv şəkli

Donald Tramp bunu "TikTok"-dan heç gözləmirdi

121
(Yenilənib 08:19 08.08.2020)
""TikTok" təhlükəsi ilə mübarizə haqqında" icraçı fərmana əsasən "ByteDance" proqramının sahibi ilə istənilən sazişlər 45 gün ərzində dayandırılır.

BAKI, 8 avqust — Sputnik. "TikTok" sosial şəbəkəsi ABŞ Prezidenti Donald Trampın "TikTok" proqramına qarşı tədbirlərin görülməsi haqqında icraçı fərmanı ilə bağlı ABŞ məhkəməsinə müraciət edə biləcəyini bildirib.

"Biz çox aydın şəkildə bəyan etmişik ki, biz heç vaxt istifadəçilərin məlumatlarını hökumətə ötürməmişik. Biz hətta ABŞ-da olan biznesimizi ABŞ şirkətinə də satmağa hazır olduğumuzu ifadə etmişik", - deyə sosial şəbəkənin nümayəndələri bildirib.

Şirkət vurğulayıb ki, onlar hakimiyyətlə razılaşmaq üçün təxminən bir il xərcləyiblər, lakin hakimiyyət kompromisə getmək istəmədi. Bundan əlavə "TikTok" ABŞ hökumətini hüquqi prosedurları pozmaqda və özəl biznesə müdaxilədə ittiham etdi.

Qeyd edək ki, ABŞ Prezidenti Donald Tramp "TikTok" proqramına qarşı tədbirlərin görülməsi haqqında icraçı fərmanı imzalayıb. Tramp "TikTok"un sahibi "ByteDance" və onun törəmə şirkətləri ilə hər hansı bir əməliyyata qadağa qoyub.

"TikTok" təhlükəsi ilə mübarizə haqqında" icraçı fərmana əsasən "ByteDance" proqramının sahibi ilə istənilən sazişlər 45 gün ərzində dayandırılır.

"ABŞ yurisdiksiyasında "ByteDance" ilə hər hansı (hüquqi və ya fiziki şəxs tərəfindən) əməliyyat qadağan edilir", - fərmanda deyilir.

"Çində yerli şirkətlər tərəfindən hazırlanan mobil tətbiqlərin ABŞ-da yayılması Birləşmiş Ştatların milli təhlükəsizliyini, xarici siyasətini və iqtisadiyyatını təhdid etməkdə davam edir", - fərmanda deyilir.

"İndi konkret bir tətbiqin – "TikTok"un təhdidinə cavab vermək üçün səy göstərilməlidir", - deyə Tramp əlavə edib.

ABŞ Prezidenti həmçinin Çinin internet nəhəngi "Tencent" və onun sahibi olduğu "WeChat" sosial şəbəkəsi üzərindəki törəmə şirkətlərlə sövdələşmələri qadağan edən fərman da imzalayıb. Sənədin mətni Ağ Evin mətbuat xidməti tərəfindən yayılıb.

Qadağa fərmanın nəşrindən 45 gün sonra, yəni sentyabrın sonunda qüvvəyə minir. "WeChat"a aid olan istənilən sazişlər qadağaya aiddir.

121

Toya icazə verəcəklər, amma hər şey sahibkarlardan asılı olacaq

0
"Yəqin ki, bu qərar 1 və 2-ci mərhələdə olmasa da, müəyyən dövrdən sonra veriləcək" - İqtisadiyyat nazirinin müavini

BAKI, 8 avqust — Sputnik. “Prezidentin tapşırığı ilə sahibkarlıq subyektlərinə yeni maliyyə yardımın edilməsi ilə bağlı qərar verilib”.

Sputnik Azərbaycan bildirir ki, bunu Nazirlər Kabineti yanında Operativ qərargahın brifinqində İqtisadiyyat nazirinin müavini Rövşən Nəcəf deyib.

O bildirib ki, bununla yanaşı, dövlət mütəmadi olaraq sahibkarlarla görüşür:

“Onların təklifləri dinlənilir. Bizneslərin açılması istiqamətində məsələlər geniş müzakirə edilir. Hazırda hökumətdə biznes fəallığının mərhələli olaraq artırılması istiqamətində müzakirələr aparılır. İlkin olaraq insanların az toplaşdığı biznes subyektlərinin açılması ilə bağlı qərar verilib. Toylarla bağlı - burada adətən çoxlu sayda insan qapalı məkana toplaşır. Yəqin ki, bu qərar 1 və 2-ci mərhələdə olmasa da, müəyyən dövrdən sonra veriləcək. Yenə hər şey epidemioloji vəziyyətdən və sahibkarlıq subyektlərinin qaydalara necə əməl etməsindən asılı olacaq”.

Nazir müqavini qeyd edib ki, bu yaxınlarda Prezidentin tapşırığına əsasən, Nazirlər Kabineti ikinci maliyyə paketini təsdiq edib və bu ödənişlərə yaxın zamanlarda başlanılacaq.

Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov isə hökumətin insanlara yardım etməməsi barədə iddialara cavab verərkən rəsmi qeydiyyatdan keçməyin vacib olduğunu vurğulayıb: "Hökumət sahibkara yardım edir ki, o, işçisini işdən azad etməsin, onun əməkhaqqını ödəməyə davam etsin. Əgər hansısa müəssisədə, restoranda, şadlıq evində işləyənlər əməkhaqqı almırlarsa, deməli, onlar qeydiyyatda olmayıblar və rəsmi işçi sayılmayıblar. Pandemiya dövründə dövlət işçilərin işdən çıxarılmasına moratorium qoyub, özəl qurumlara isə tapşırılıb ki, işçiləri çıxarmasınlar, hökumət yardım edəcək".

0
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar