Пистолет в руке, фото из архива

Jurnalist oğlunun gözü qarşısında öldürüldü

102
(Yenilənib 10:34 21.12.2017)
Qatil oğlunun Yeni il şənliyinə qatılan 35 yaşlı jurnalisti güllələyib

BAKI, 21 dekabr — Sputnik. Meksikanın Verakrus ştatında 35 yaşlı jurnalist Gumaro Perezi oğlunun gözü qarşısında güllələyiblər.

Sputnik Azərbaycan Reuters-ə istinadla xəbər verir ki, silahlı kişi Yeni il şənliyi zamanı Peresin altı yaşlı oğlunun sinfinə daxil olaraq orada olan jurnalistə 4 dəfə atəş açıb.

Qətlə yetirilmiş jurnalistin üzvü olduğu Jurnalistlər Assosiasiyası Perezin meyitinin ailəsinə verilməsini və baş vermiş cinayətlə bağlı istintaqın başlamasını gözləyir. Perez ölkədə narkotiklərin qanunsuz dövriyyəsi ilə bağlı araşdırma aparırmış.

"Sərhədsiz Reportyorlar" təşkilatının sonuncu hesabatına görə, Meksika jurnalistlərin işləməsi üçün ən təhlükəli ölkələrdən biri olaraq qalır. 2000-ci ildən bu yana ölkədə 111 KİV işçisi qətlə yetirilib. Onlardan 38-i 2012-ci ildə Enrike Penya Nyeto prezident olandan sonra öldürülüb.

Aprel ayında Meksikanın “El Norte” qəzeti ölkədə jurnalistlərin öldürülməsi ilə əlaqədar bağlanıb. Qəzetin baş redaktoru bildirib ki, vicdanlı jurnalistlərin belə ağır şərtlər altında işləməsi çox təhlükəlidir, qatillər isə cəzasız qalır.

102
Teqlər:
"Sərhədsiz Reportyorlar", Meksika, güllələnmə, narkotik, jurnalist
Əlaqədar
Keçmiş baş nazirin oğlu evində ölü tapıldı: onu güllə ilə vurublar
Universitetdə atışma oldu, iki nəfər güllələndi
Səhəri güllələnmə xəbəri ilə açdıq
Bu görüntülər şoka saldı: Polis silahsız şəxsi güllələyir - Video
Keçmiş arvadını iş başında güllələdi
İlon Mask, arxiv şəkli

İlon Mask ABŞ-da ən yüksək əməkhaqqı alan baş direktor olub

16
(Yenilənib 07:19 08.05.2021)
"Tesla" şirkəti 2021-ci ilin ilk rübünü rekord həcmdə mənfəətlə sona çatdırıb. Belə ki, şirkətin mənfəəti hesabat dövründə 27 dəfə artaraq 438 milyon dollar təşkil edib.

BAKI, 8 may — Sputnik. Ötən ilin nəticələrinə görə, "Tesla" avtomobil konserninin banisi İlon Mask ABŞ-da ən yüksək əməkhaqqı alan baş direktor olub. Sputnik Azərbaycan Rusiya mediasına istinadən xəbər verir ki, 2018-ci ildə Mask "Tesla"dakı əmək haqqından imtina edib. Bunun əvəzində sahibkar işlədiyi şirkətin səhmlərinə opsionlar (səhmləri müəyyən qiymətə və ya müəyyən tarixə qədər almaq və ya satmaq hüququ verən müqavilə) şəklində mükafat alıb.

"Forbes" məcmuəsinin reytinqində bildirilir ki, 2020-ci ildə sahibkar avtomobil konserninin səhmlərinə 11 milyard dollarlıq opsionlara sahib olub.

Həmin reytinq cədvəlində ikinci yeri 211 milyon dollarla biznes üçün "Paycom" proqram təminatının müəllifi Çad Riçardson tutub. Cədvəldə üçüncü yerə "1Life Healthcare" tibbi şirkətinin baş direktoru Amir Den Rubin tutur. Onun hesabat ilində əmək haqqı 199 milyon dollar təşkil edib.

Qeyd edək ki, "Tesla" şirkəti 2021-ci ilin ilk rübünü rekord həcmdə mənfəətlə sona çatdırıb. Belə ki, şirkətin mənfəəti hesabat dövründə 27 dəfə artaraq 438 milyon dollar təşkil edib (hər bir səhmə 0,39 dollar düşür). Ötən ilin həmin dövründə şirkətin mənfəəti 16 milyon dollar olub.

Hesabat dövründə şirkətin ümumi dövriyyəsi 5,99 milyard dollardan 10,39 milyard dolara yüksəlib. Lakin şirkətin səhmləri 3,1% azalıb.

16
Qoyun, arxiv şəkli

"Qissar"dan böyük "Araşan" var: Qırğızıstanda yeni qoyun cinsi qeydə alınıb

17
Yeni cins digərlərindən xeyli fərqlənir. Belə ki, bir yaşa çatan toğluların çəkisi 90 kiloqrama, böyük qoçların çəkisi isə 200 kiloqrama çatır.

BAKI, 7 may — Sputnik. Qırğızıstanda "Araşan" adlı yeni ətlik-piylik qoyun cinsi rəsmi qeydiyyatdan keçirilib. Sputnik Qırğızıstan xəbər verir ki, yeni cinsdən olan qoyunlar öz xüsusiyyətlərinə görə etalon sayılan "Qissar" cinsindən olan qoyunları xeyli qabaqlayır.

Bu cür qoyunlar hələ Sovet dövründən yetişdirilib. Lakin yeni cins kimi qeydiyyatdan cari ilin aprelin 15-də keçirilib.

Qırğızıstan elmi-tədqiqat heyvandarlıq institutunun Qoyunların yetişdirilməsi və seleksiyası şöbəsinin müdiri Rahatbek İbrayev bildirib ki, yeni cins "Qissar" və "qırğız iriyunlu" cinslərinin cütləşdirilməsi yolu ilə yetişdirilib.

"Nazirliyin əsasnaməsinə görə, yeni cinsi qeydiyyatdan keçirmək üçün həmin cinsdən 5000 baş heyvan olmalı və bütün heyvanlar eyni tipli olmalıdırlar. Hazırda Qırğızıstanda 5800 başdan çox "Araşan" var. Fermerlərin xahişi ilə tədqiqat keçirilib və məlum olub ki, yeni cins digərlərindən xeyli fərqlənir. Belə ki, bir yaşa çatan toğluların çəkisi 90 kiloqrama, böyük qoçların çəkisi isə 200 kiloqrama çatır", — deyə İbrayev bildirib.

Mütəxəssisin sözlərinə görə, hazırda "Araşan" cinsinin ölkə hüdudlarından kənarda populyarlaşdırılması istiqamətində iş aparılır. Bu məqsədlə sərginin keçirilməsi və xarici ölkə nümayəndələrinin dəvət olunması planlaşdırılır.

Qoyun Yetişdiriciləri İctimai Birliyinin sədri Mirlan Satıbekov isə "Araşan" qeydiyyatdan keçirildikdən sonra artıq beynəlxalq sərgilərdə də iştirak etməyin mümkün olduğunu dilə gətirib.

"Yeni cins "Qissar" cinsli qoçlarla rəqabət aparmaq qabiliyyətindədir və hətta onlardan daha böyükdür. Fermerlərdən biri özünün 220 kiloqramlıq qoçunu hətta 50 min dollara da satmır. Bu cinsin quzularının qiyməti isə 300 dollardır. Bizim heyvandarlar çoxlu sayda qoyun saxlamağa öyrəşiblər. Amma 100 baş cins erkək qoyun saxlamaq 500 baş adi qoyun saxlamaqdan daha yaxşıdır. Belə ki, cins qoyunlar daha çox ət verir və onları diri halda sərfəli qiymətə satmaq olar", — deyə Satıbekov bildirib.

Mütəxəssis onu da bildirib ki, "Araşan" cinsindən olan qoçları almaq istəyənlər Qoyun Yetişdiriciləri İctimai Birliyindən məsləhət ala bilərlər.

17
Taxıl biçini, arxiv şəkli

Taxıl biçini başlayacaq - Kombaynlara GPS qoşulur

0
(Yenilənib 23:29 08.05.2021)
May ayının sonundan etibarən Azərbaycanda taxıl biçininə başlanılacaq. Hazırda biçinə cəlb ediləcək kombaynlar üzərində sazlama işləri aparılır.

BAKI, 8 may — Sputnik. May ayının sonundan etibarən Azərbaycanda taxıl biçininə başlanılacaq. Bununla əlaqədar "Aqroservis" ASC tərəfindən biçinə hazırlıq işlərinin əsas mərhələsinə start verilib.

Sputnik Azərbaycan xəbər verir ki, hazırda biçinə cəlb ediləcək kombaynlar üzərində sazlama işləri aparılır. Bütün rayonlar üzrə mövcud kombaynlara texniki baxış keçirilir, nasaz vəziyyətdə olan texnikalarda təmir işləri həyata keçirilir.

Həmçinin, biçin zamanı düzgün dislokasiya planının qurulması üçün kombaynlar GPS nəzarət sistemi ilə təchiz edilir. Bu innovativ nəzarət sistemi biçin zamanı düzgün dislokasiya yaradılması, operativliyin təmin edilməsi, prosesə nəzarət edilməsi və şəffaf idarəetmə mexanizminin qurulmasına imkan yaradır.

Qeyd edək ki, taxıl biçininə hazırlıqların ilkin mərhələsində cari ildə taxıl biçininin itkisiz və mütəşəkkil həyata keçirilməsi məqsədilə kombaynları idarə edəcək mexanizatorlara ödənişsiz təlimlər keçirilib. Müxtəlif markalı kombaynlar üzrə ümumlikdə 263 mexanizator təlimlərdə iştirak edib. Təlimlərdə yüksək nəticə əldə edən mexanizatorlar sertifikat ilə təmin ediliblər.

0