Apple iPhone 6

"Apple" telefonunda səhv tutdu, iki min dollar qazandı

180
(Yenilənib 14:36 19.12.2017)
Lisey müdiri Ömər Faruk şagirdləri Can Yılmazla qürur duyduqlarını bildirib

BAKI, 19 dekabr — Sputnik. Türkiyənin Kahramanmaraş şəhərində yaşayan 16 yaşlı lisey şagirdi Can Yılmaz "Apple" şirkətindən 2 min dollar mükafat qazanıb. Buna səbəb 16 yaşlı gəncin "Apple" markalı ağıllı telefonun funksiyasında səhv tutması olub.

Sputnik Azərbaycan "Sözcü"-yə istinadən xəbər verir ki, Can Yılmaz şirkətin ABŞ-dakı ofisinə məktub yazaraq telefonun şəxsi təhlükəsizlik bölümündə kodlaşdırmanın düzgün aparılmadığını, bu səbəblə də kənar şəxslərin asanlıqla fərdi məlumatlara girib oxuya biləcəyini qeyd edib.

Türk lisey şagirdinin ilk məktubunu diqqətə almayan "Apple" rəhbərliyi, C.Yılmazın videolu mesajından sonra onun haqlı olduğunu görüb. Dünyaca məşhur şirkət diqqətdən qaçan detalı xəbər verdiyinə görə Can Yılmazın Türkiyədəki ünvanına 2 min dollar pul mükafatı göndərib.

Lisey müdiri Ömər Faruk şagirdləri Can Yılmazla qürur duyduqlarını bildirib.

180
Teqlər:
Apple şirkəti, Ömər Faruk, Can Yılmaz, Kahramanmaraş, Türkiyə, ABŞ
Əlaqədar
"Apple"nin gəlirləri astronomik həddə çatıb
"Apple" iş elanı niyə saytda gizlətdi?
Rusiyada meşələr, arxiv şəkli

"İqlim üzrə Rusiya ilə əməkdaşlıq etmək lazımdır" nümayəndəsi

3
(Yenilənib 14:39 22.04.2021)
Əgər biz indi birgə işləməyə başlamasaq, nəticədə bu mövzu da qıcıqlanma və qarşıdurma məsələsinə çevriləcəkdir.

BAKI, 22 aprel — Sputnik. Əgər Moskva və Brüssel indi iqlim üzrə işləməyə başlamasa, onda bu mövzu da qıcıqlanma və qarşıdurma məsələsinə çevriləcək.

Sputnik Azərbaycan "RİA Novosti"-yə istinadən xəbər verir ki, bunu Avropa İttifaqının (Aİ) Rusyadakı səfiri Markus Ederer bildirib.

"Rusiyanın Aİ-dəki səfiri kimi mən əməkdaşlığın xeyrinə işləməyə hazıram. İqlim əməkdaşlığı ilə bağlı da. Əgər biz indi birgə işləməyə başlamasaq, nəticədə bu mövzu da qıcıqlanma və qarşıdurma məsələsinə çevriləcək. Ona görə də gəlin birgə işləyək", - deyə Ederer "Rusiya və Avropa sabahkı dünyada" adlı videokonfransda çıxışı zamanı bildirib.

3
 Hakan Altun, arxiv şəkli

Türkiyəli müğənni reanimasiyaya yerləşdirildi

3
(Yenilənib 13:54 22.04.2021)
Televiziya proqramının çəkilişindən əvvəl onun vəziyyəti pisləşib. Daha çox Türkiyənin məşhur müğənnisi Sibel Canla duet ortağı olan Hakan Altunun beş gün reanimasiyada qalacağı bildirilib.

BAKI, 22 aprel — Sputnik. Türkiyəli məşhur müğənni Hakan Altun xəstəxanaya yerləşdirilib. Sputnik Azərbaycan Türkiyə mətbuatına istinadən xəbər verir ki, televiziya proqramının çəkilişindən əvvəl onun vəziyyəti pisləşib. Daha çox Türkiyənin məşhur müğənnisi Sibel Canla duet ortağı olan Hakan Altunun beş gün reanimasiyada qalacağı bildirilib.

Müğənni 2007-ci ildən onun beyin əməliyyatını aparan həkimin nəzarəti altındadır.

3
Teqlər:
Türkiyә, reanimasiya, müğənni
Rusiyada vaksinasiya, arxiv şəkli

Vaksinasiya prosesində yanlışlığa görə iki həkim işdən çıxarıldı

0
(Yenilənib 15:05 22.04.2021)
Bakı şəhəri üzrə 14 nömrəli Birləşmiş Şəhər Xəstəxanasında çalışan 2 nəfər işdən kənarlaşdırılıb və onların əmək müqavilələrinə xitam verilib.

BAKI, 22 aprel — Sputnik. "Vaksinasiya prosesində yol verilən neqativ halların qarşısını almaq məqsədi ilə aidiyyəti qurumlar tərəfindən araşdırmalar davam etdirilib. Araşdırmaların nəticəsi olaraq Bakı şəhəri üzrə 14 nömrəli Birləşmiş Şəhər Xəstəxanasında çalışan 2 nəfər işdən kənarlaşdırılıb və onların əmək müqavilələrinə xitam verilib".

Bu barədə Səhiyyə Nazirliyi, İcbari Tibbi Sığorta üzrə Dövlət Agentliyi və Tibbi Ərazi Bölmələrini İdarəetmə Birliyindən Sputnik Azərbaycan-a daxil olan birgə məlumatda bildirilib.

Qeyd edilib ki, faktla bağlı hüquq-mühafizə orqanlarına müraciət olunub.

Xatırladaq ki, bundan əvvəl vaksinasiya prosesini pozan ümumilikdə 12 nəfər işdən kənarlaşdırılmış və onların əmək müqavilələrinə xitam verilmişdir. Bir daha nəzərinizə çatdırırıq ki, göstərilmiş halların qarşısını almaq məqsədi ilə araşdırmalar davam edir və hüquq pozuntusuna yol verən tibb işçiləri haqqında müvafiq tədbirlər görüləcək.

0
Teqlər:
işdən qovulma, həkim, vaksinasiya, vaksin