BAKI, 15 dekabr — Sputnik. ABŞ prezidenti Donald Trampın Qüdsü İsrailin paytaxtı kimi tanıdığını açıqlamasından sonra Yaxın Şərqdə vəziyyət daha da mürəkkəbləşib. Həm Qüdsdə, həm də Fələstinin digər bölgələrində müsəlmanlar etiraz aksiyaları keçirirlər.
Sputnik Azərbaycan "Timeturk"-ə istinadən xəbər verir ki, dünən Əl-Xəlil şəhərindəki qarşıdurmalar zamanı kameralara yansıyan bir görüntü isə gərginliyin hansı həddə olduğunu göstərir. Kadrdan görünür ki, İsrail əsgərləri yaraladıqları iki fələstinli gənci xəstəxanaya aparmağa çalışan ambulansı saxlayaraq yaralıları düşürür və həbs edirlər.